13.32C Vancouver 13.32C VancouverNov 18, 2024 5:27 PM - The Canadian Press
ਬੀ. ਸੀ. ਦੇ ਐਬਟਸਫੋਰਡ ਅਤੇ ਚਿਲੀਵੈਕ ਸ਼ਹਿਰਾਂ ਵਿਚ ਦੋ ਹੋਰ ਵਪਾਰਕ ਪੋਲਟਰੀ ਫਾਰਮਸ ਵਿਚ ਏਵੀਅਨ ਫਲੂ ਮਿਲਣ ਦੀ ਪੁਸ਼ਟੀ ਹੋਈ ਹੈ। ਇਨ੍ਹਾਂ ਦੋਵੇਂ ਸ਼ਹਿਰਾਂ ਵਿਚ ਅਕਤੂਬਰ ਤੋਂ ਕਈ ਮਾਮਲੇ ਮਿਲ ਰਹੇ ਹਨ। ਹਾਲਾਂਕਿ, ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਦਾ ਕਹਿਣਾ ਹੈ ਕਿ ਏਵੀਅਨ ਫਲੂ ਫੂਡ ਸੇਫਟੀ ਲਈ ਚਿੰਤਾ ਦਾ ਵਿਸ਼ਾ ਨਹੀਂ ਹੈ ਅਤੇ ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਹੈ ਕਿ ਪਕਾਏ ਹੋਏ ਪੋਲਟਰੀ ਜਾਂ ਅੰਡੇ ਖਾਣ ਨਾਲ ਇਹ ਇਨਸਾਨ ਵਿਚ ਫੈਲ ਸਕਦਾ ਹੈ।
ਏਜੰਸੀ ਦਾ ਕਹਿਣਾ ਹੈ ਕਿ ਫਲੂ ਦੇ ਪਸਾਰ ਨੂੰ ਰੋਕਣ ਲਈ ਲੋੜ ਅਨੁਸਾਰ ਹੋਰ ਪ੍ਰਾਇਮਰੀ ਕੰਟਰੋਲ ਜ਼ੋਨ ਬਣਾਏ ਜਾਣਗੇ। ਸੀ.ਐੱਫ.ਆਈ.ਏ ਨੇ ਮੌਜੂਦਾ ਸਮੇਂ ਕੈਨੇਡਾ ਵਿਚ 41ਪੋਲਟਰੀ ਫਾਰਮਸ ਵਿਚ ਫਲੂ ਦਾ ਪਤਾ ਲਗਾਇਆ ਹੈ, ਜਿਨ੍ਹਾਂ ਵਿਚੋਂ 37 ਬੀ.ਸੀ. ਵਿਚ ਹਨ।
ਪਿਛਲੇ ਹਫ਼ਤੇ ਫਰੇਜ਼ਰ ਇਲਾਕੇ ਦੇ ਇੱਕ ਨਾਬਾਲਗ ਦੇ ਬਰਡ ਫਲੂ ਨਾਲ ਬਿਮਾਰ ਹੋਣ ਦੀ ਪੁਸ਼ਟੀ ਕੀਤੀ ਗਈ ਸੀ, ਜੋ ਕੈਨੇਡਾ ਵਿਚ ਇਸ ਤਰ੍ਹਾਂ ਦਾ ਪਹਿਲਾਂ ਕੇਸ ਸੀ ਪਰ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਉਹ ਸੰਕ੍ਰਮਿਤ ਕਿਵੇਂ ਹੋਇਆ।
ਵਿਸ਼ਵ ਸਿਹਤ ਸੰਸਥਾ ਦਾ ਕਹਿਣਾ ਹੈ ਕਿ ਏਵੀਅਨ ਫਲੂ ਲਗਭਗ ਦੋ ਦਹਾਕਿਆਂ ਤੋਂ ਜੰਗਲੀ ਪੰਛੀਆਂ ਅਤੇ ਮੁਰਗੀਆਂ ਵਿਚ ਵਿਆਪਕ ਤੌਰ 'ਤੇ ਫੈਲ ਰਿਹਾ ਹੈ ਪਰ ਇਨਸਾਨਾਂ ਵਿਚ ਇਸ ਸੰਕਰਮਣ ਦੇ ਮਾਮਲੇ ਬਹੁਤ ਘੱਟ ਪਾਏ ਗਏ ਹਨ।
