19.14C Vancouver 19.14C VancouverAug 26, 2022 2:47 PM - ANI
ਗੁਲਾਮ ਨਬੀ ਆਜ਼ਾਦ ਵੱਲੋਂ ਕਾਂਗਰਸ ਨੂੰ ਅਲਵਿਦਾ ਕਹੇ ਜਾਣ ਮਗਰੋਂ ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਸੁਨੀਲ ਜਾਖੜ ਨੇ ਤਿੱਖਾ ਨਿਸ਼ਾਨਾ ਵਿੰਨ੍ਹਿਆ ਹੈ। ਉਨ੍ਹਾਂ ਕਿਹਾ ਕਿ ਆਜ਼ਾਦ ਦਾ ਪਾਰਟੀ ਤੋਂ ਬਾਹਰ ਹੋਣਾ ਕਾਂਗਰਸ ਦੇ "ਪਤਣ ਦੀ ਸ਼ੁਰੂਆਤ" ਹੈ।
ਜਾਖੜ ਇਸ ਸਾਲ ਮਈ ਵਿਚ ਭਾਜਪਾ ਵਿਚ ਸ਼ਾਮਲ ਹੋਏ ਸਨ।
ਜਾਖੜ ਨੇ ਕਿਹਾ ਕਿ ਸੀਨੀਅਰ ਆਗੂ ਕਾਂਗਰਸ ਕਿਉਂ ਛੱਡ ਰਹੇ ਹਨ, ਇਸ ਨੂੰ ਲੈ ਕੇ ਅੰਦਰਲੀਆਂ ਕਮਜ਼ੋਰੀਆਂ ਨੂੰ ਤਲਾਸ਼ਣ ਅਤੇ ਆਤਮ-ਪੜਚੋਲ ਕਰਨ ਦੀ ਬਜਾਏ, ਉਨ੍ਹਾਂ 'ਤੇ ਪਾਰਟੀ ਨੂੰ "ਧੋਖਾ" ਦੇਣ ਦੇ ਦੋਸ਼ ਲਗਾਏ ਜਾ ਰਹੇ ਹਨ।
ਉਨ੍ਹਾਂ ਕਿਹਾ, "ਕਾਂਗਰਸ ਨੂੰ ਛੱਡਣ ਵੇਲੇ ਜੋ ਮੈਂ ਟਿੱਪਣੀਆਂ ਕੀਤੀਆਂ ਸਨ, ਗੁਲਾਮ ਨਬੀ ਆਜ਼ਾਦ ਦੀ ਚਿੱਠੀ ਨੇ ਉਨ੍ਹਾਂ ਸ਼ਬਦਾਂ 'ਤੇ ਮੋਹਰ ਲਗਾ ਦਿੱਤੀ ਹੈ। ਜੋ ਮੈਂ ਕਹਿ ਰਿਹਾ ਸੀ, ਉਹ ਸਹੀ ਸੀ। ਚਾਪਲੂਸਾਂ ਨੇ ਰਾਹੁਲ ਜੀ ਤੇ ਸੋਨੀਆ ਜੀ ਨੂੰ ਘੇਰਾ ਪਾਇਆ ਹੋਇਆ ਹੈ। ਕਾਂਗਰਸ ਪਾਰਟੀ ਦੀ ਵਾਗਡੋਰ ਚਾਪਲੂਸਾਂ ਦੇ ਹੱਥਾਂ ਵਿਚ ਆ ਗਈ ਹੈ। ਜਿਨ੍ਹਾਂ ਚਾਪਲੂਸਾਂ ਨੂੰ ਲੋਕ ਨੇਤਾ ਵੀ ਨਹੀਂ ਮੰਨਦੇ, ਕਾਂਗਰਸ ਉਨ੍ਹਾਂ ਨੂੰ ਰਾਸ਼ਟਰੀ ਪਾਰਟੀ ਚਲਾਉਣ ਦੀ ਜ਼ਿੰਮੇਵਾਰੀ ਸੌਂਪ ਰਹੀ ਹੈ। ਇਸ ਲਈ ਇਹ ਪਤਾ ਹੀ ਸੀ ਹੋਣਾ ਹੈ।"
