9.48C Vancouver 9.48C VancouverJul 21, 2020 10:25 PM -
ਬੀ.ਸੀ. ਦੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਦਾ ਕਹਿਣਾ ਹੈ ਕਿ ਸੂਬੇ ਨੇ ਵਧੇਰੇ ਸਟਾਫ ਲਿਆਂਦਾ ਹੈ ਅਤੇ ਆਪਰੇਟਿੰਗ-ਰੂਮ ਦੇ ਘੰਟਿਆਂ 'ਚ ਵੀ ਵਾਧਾ ਕੀਤਾ ਗਿਆ ਹੈ।
ਇਸ ਦੇ ਆਸਰੇ ਕੈਂਸਲ ਕੀਤੀਆਂ ਗਈਆਂ ਸਰਜਰੀਆਂ ਦੁਬਾਰਾ ਕੀਤੇ ਜਾਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੇ ਮਾਮਲਿਆਂ 'ਚ ਫਿਰ ਤੋਂ ਵਾਧਾ ਹੁੰਦਾ ਹੈ ਤਾਂ ਸਰਜਰੀਆਂ 'ਤੇ ਫਿਰ ਤੋਂ ਪ੍ਰਭਾਵ ਪੈ ਸਕਦਾ ਹੈ।
ਉਨ੍ਹਾਂ ਦੱਸਿਆ ਕਿ ਮਾਰਚ ਦੇ ਅੱਧ ਤੱਕ 32,400 ਪ੍ਰੋਸੀਜਰ ਅਜਿਹੇ ਸਨ ਜੋ ਨਹੀਂ ਕੀਤੇ ਜਾ ਸਕੇ ਸਨ।
ਮੰਤਰੀ ਡਿਕਸ ਨੇ ਦੱਸਿਆ ਕਿ ਪਹਿਲਾਂ ਤੋਂ 'ਵੇਟ ਲਿਸਟ' (ਉਡੀਕ ਕਰ ਰਹੇ ਮਰੀਜ਼) 'ਚ ਸ਼ਾਮਿਲ ਮਰੀਜ਼ਾਂ ਦੇ ਨਾਲ ਮੌਜੂਦਾ ਮਾਮਲਿਆਂ ਦੀ ਗਿਣਤੀ ਕਾਫੀ ਵੱਧ ਗਈ ਹੈ, ਅਤੇ ਪੋਸੀਜਰਜ਼ ਦੀ ਗਿਣਤੀ 95,000 ਹੋ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਬਸੰਤ ਰੁੱਤ 'ਚ ਜਿਹੜੇ ਲੋਕਾਂ ਦੀਆਂ ਸਰਜਰੀਆਂ ਕੈਂਸਲ ਹੋਈਆਂ ਸਨ, ਉਨ੍ਹਾਂ ਵਿੱਚੋਂ ਕਰੀਬ ਅੱਧੇ ਲੋਕਾਂ ਦੀਆਂ 18 ਮਈ ਤੋਂ 25 ਜੂਨ ਵਿਚਾਲੇ ਸਰਜਰੀਆਂ ਹੋ ਸਕੀਆਂ ਸਨ।
ਮੰਤਰੀ ਡਿਕਸ ਨੇ ਆਪਣੇ ਟਵਿਟਰ ਖਾਤੇ 'ਤੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਲਿਖਿਆ ਕਿ 62,744 ਮਰੀਜ਼ਾਂ ਦੇ ਨਾਲ ਸੰਪਰਕ ਕੀਤਾ ਗਿਆ ਹੈ।
ਆਪਰੇਟਿੰਗ ਘੰਟਿਆਂ ਦੇ 97% ਤੱਕ ਪਹੁੰਚ ਬਾਰੇ ਜਾਣਕਾਰੀ ਦਿੱਤੀ ਗਈ।
ਸਾਰੇ ਆਪ੍ਰੇਸ਼ਨ ਰੂਮ ਪੂਰੀ ਕਪੈਸਟੀ 'ਤੇ ਦੱਸੇ ਗਏ ਅਤੇ ਇਨ੍ਹਾਂ ਨੂੰ ਸ਼ਨੀਵਾਰ ਅਤੇ ਐਤਵਾਰ ਨੂੰ ਵੀ ਖੋਲ੍ਹਣ ਬਾਰੇ ਦੱਸਿਆ ਗਿਆ।
