19.58C Vancouver 19.58C VancouverMar 15, 2022 12:39 AM - The Canadian Press
ਬੀ.ਸੀ. ਸਰਕਾਰ ਨੇ ਮੈਟਲ ਡੀਲਰਾਂ ਅਤੇ ਰੀਸਾਈਕਲਰਸ ਦੇ ਲਈ ਰੈਗੂਲੇਸ਼ਨ 'ਚ ਬਦਲਾਅ ਕੀਤਾ ਹੈ।
ਮੈਟਰੋ ਵੈਨਕੂਵਰ ਅਤੇ ਸੂਬੇ ਦੇ ਕੁਝ ਹੋਰ ਇਲਾਕਿਆਂ 'ਚ ਵਧਦੀਆਂ ਕੈਟਾਲਿਟਿਕ ਕਨਵਰਟਰਸ ਦੀਆਂ ਚੋਰੀਆਂ ਦੇ ਮਾਮਲਿਆਂ 'ਤੇ ਕਾਬੂ ਪਾਉਣ ਦੇ ਇਰਾਦੇ ਨਾਲ ਰੈਗੂਲੇਸ਼ਨ 'ਚ ਬਦਲਾਅ ਕੀਤਾ ਗਿਆ ਹੈ।
ਅੱਜ ਤੋਂ ਇਹ ਬਦਲਾਅ ਲਾਗੂ ਕਰ ਦਿੱਤੇ ਗਏ ਹਨ।
ਇਸ ਤਹਿਤ ਡੀਲਰਾਂ ਲਈ ਜਰੂਰੀ ਹੋਵੇਗਾ ਕਿ ਹਰ ਟ੍ਰਾਂਜ਼ੈਕਸ਼ਨ ਦੀ ਪੁਲਿਸ ਨੂੰ ਜਾਣਕਾਰੀ ਦੇਣੀ ਹੋਵੇਗੀ।
ਇਸ 'ਚ ਵੇਚਣ ਵਾਲੇ ਵਿਅਕਤੀ ਦੀ ਜਾਣਕਾਰੀ ਵੀ ਸ਼ਾਮਿਲ ਹੋਵੇਗੀ।
ਪਬਲਿਕ ਸੇਫਟੀ ਮੰਤਰੀ, ਮਾਈਕ ਫਾਰਨਵਰਥ ਨੇ ਕਿਹਾ ਕਿ ਇਸ ਦੇ ਨਾਲ ਪੁਲਿਸ ਨੂੰ ਅਪਰਾਧੀਆਂ ਦੀ ਭਾਲ ਕਰਨ 'ਚ ਮਦਦ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਚੋਰੀ ਕਰਨ ਵਾਲੇ ਲੋਕਾਂ ਕੋਲ ਵੀ ਚੋਰੀ ਨੂੰ ਅੰਜਾਮ ਦੇਣ ਦੇ ਇੰਸੈਂਟਿਵ ਘਟ ਜਾਣਗੇ।
ਆਈ.ਸੀ.ਬੀ.ਸੀ. ਦਾ ਕਹਿਣਾ ਹੈ ਕਿ ਕੈਟਾਲਿਟਿਕ ਕਨਵਰਟਰਸ ਸੰਬੰਧੀ ਕਲੇਮ ਦੇ 2017 'ਚ 89 ਮਾਮਲਿਆਂ ਤੋਂ ਹੁਣ ਸਾਲ 2021 'ਚ ਇਸ ਦੇ ਕਲੇਮ ਕਰੀਬ 2,000 ਤਕ ਪਹੁੰਚ ਗਏ ਹਨ।
