11.87C Vancouver 11.87C VancouverDec 9, 2021 9:33 PM - The Canadian Press
ਬੀ.ਸੀ. 'ਚ ਵਿਧਾਨ ਸਭਾ ਦੇ ਕੋਲ ਵਾਪਰੇ ਇੱਕ ਹਮਲੇ ਦੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।
ਇਸ ਦੌਰਾਨ ਇੱਕ ਕੈਬਿਨੇਟ ਮੰਤਰੀ ਨੂੰ ਇੱਕ ਵਿਅਕਤੀ ਵੱਲੋਂ ਜਮੀਨ 'ਤੇ ਪਟਕ ਦਿੱਤਾ ਗਿਆ।
ਵਿਕਟੋਰੀਆ ਪੁਲਿਸ ਦਾ ਕਹਿਣਾ ਹੈ ਕਿ ਫੌਰੈਸਟਸ, ਲੈਂਡਸ, ਨੈਚੁਰਲ ਰਿਸੋਰਸ ਆਪ੍ਰੇਸ਼ਨਸ ਅਤੇ ਰੂਰਲ ਡਿਵੈਲਪਮੈਂਟ ਮੰਤਰੀ ਕੈਟਰੀਨ ਕੌਨਰੌਏ ਨੂੰ ਮੰਗਲਵਾਰ ਰਾਤ ਦੇ ਹਮਲੇ 'ਚ ਸੱਟਾਂ ਲੱਗੀਆਂ ਹਨ।
ਉਹ ਲੈਜਿਸਲੇਚਰ ਦੇ ਕੋਲ ਤੁਰ ਕੇ ਜਾ ਰਹੀ ਸੀ ਜਦ ਰਾਤ ਕਰੀਬ 8 ਵਜੇ ਇਸ ਹਮਲੇ ਨੂੰ ਅੰਜਾਮ ਦਿੱਤਾ ਗਿਆ।
ਪੁਲਿਸ ਨੇ ਇਹ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਮੰਤਰੀ ਨੂੰ ਲੱਗੀਆਂ ਸੱਟਾਂ ਕਿੰਨੀਆਂ ਕੁ ਗੰਭੀਰ ਹਨ।
ਹਾਲਾਂਕਿ ਜਾਣਕਾਰੀ ਦਿੱਤੀ ਗਈ ਹੈ ਕਿ ਮੰਤਰੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ ਅਤੇ ਸੱਟਾਂ ਜਾਨਲੇਵਾ ਨਹੀਂ ਸਨ।
ਪੁਲਿਸ ਨੇ ਅਪੀਲ ਕੀਤੀ ਹੈ ਕਿ ਮੌਕੇ 'ਤੇ ਕੈਟਰੀਨ ਕੌਨਰੌਏ ਨੂੰ ਕਿਸੇ ਵਿਅਕਤੀ ਨੇ ਮਦਦ ਕੀਤੀ ਹੋ ਸਕਦੀ ਹੈ ਅਤੇ ਉਹ ਅਜਿਹੇ ਵਿਅਕਤੀ ਨਾਲ ਸੰਪਰਕ ਕਰਨਾ ਚਾਹੁੰਦੇ ਹਨ।
ਪ੍ਰੀਮਿਅਰ ਜੌਨ ਹੌਰਗਨ ਦੇ ਦਫ਼ਤਰ ਵੱਲੋਂ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ ਅਤੇ ਦੱਸਿਆ ਹੈ ਕਿ ਸਾਰਾ ਐਨ.ਡੀ.ਪੀ. ਕੌਕਸ ਕੌਨਰੌਏ ਦੇ ਸਹਿਯੋਗ 'ਚ ਖੜਾ ਹੈ ਅਤੇ ਨਾਲ ਹੀ ਲੋਕਾਂ ਨੂੰ ਘਟਨਾ ਸੰਬੰਧੀ ਜਾਣਕਾਰੀ ਸਾਂਝੀ ਕਰਨ ਦੀ ਅਪੀਲ ਵੀ ਕੀਤੀ ਗਈ ਹੈ।
