20.47C Vancouver 20.47C VancouverJun 24, 2025 5:29 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਦੀ ਕੰਜ਼ਰਵੇਟਿਵ ਪਾਰਟੀ ਨੇ ਅੰਦਰਖਾਤੇ ਜੌਨ ਰਸਟੈਡ ਦੀ ਲੀਡਰਸ਼ਿਪ 'ਤੇ ਵੋਟਿੰਗ ਸ਼ੁਰੂ ਕਰ ਦਿੱਤੀ ਹੈ, ਇਹ ਪ੍ਰਕਿਰਿਆ ਲਗਭਗ ਛੇ ਮਹੀਨਿਆਂ ਵਿਚ ਪੂਰੀ ਹੋਣ ਦੀ ਉਮੀਦ ਹੈ।
ਰਸਟੈਡ ਦਾ ਕਹਿਣਾ ਹੈ ਕਿ ਘੱਟੋ-ਘੱਟ ਦੋ ਹਲਕਿਆਂ ਵਿਚ ਵੋਟਿੰਗ ਹੋ ਚੁੱਕੀ ਹੈ ਅਤੇ ਉਹ ਉਮੀਦ ਕਰਦੇ ਹਨ ਕਿ ਵੋਟਿੰਗ ਦਸੰਬਰ ਵਿਚ ਪੂਰੀ ਹੋ ਜਾਵੇਗੀ, ਇਸ ਵਿਚ 93 ਹਲਕਿਆਂ ਦੇ ਮੈਂਬਰ ਹਿੱਸਾ ਲੈ ਲੈਣਗੇ।ਇਸ ਵਿਚਕਾਰ ਕੰਜ਼ਰਵੇਟਿਵ ਵਿਧਾਇਕਾਂ ਦੀ ਬੁੱਧਵਾਰ ਨੂੰ ਸਰੀ ਵਿਚ ਨਿਯਮਤ ਕਾਕਸ ਮੀਟਿੰਗ ਹੋਣ ਵਾਲੀ ਹੈ।
ਰਸਟੈਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਵਿਧਾਇਕਾਂ ਨਾਲ ਬੈਠਕ ਵਿਚ ਕੋਈ ਮਹੱਤਵਪੂਰਨ ਮੁੱਦੇ ਉਭਰਨ ਦੀ ਉਮੀਦ ਨਹੀਂ ਪਰ ਸਪੱਸ਼ਟ ਤੌਰ 'ਤੇ ਕੁਝ ਸਵਾਲ ਹੋਣਗੇ। ਗੌਰਤਲਬ ਹੈ ਕਿ ਇਹ ਬੈਠਕ ਉਦੋਂ ਹੋ ਰਹੀ ਹੈ ਜਦੋਂ ਰਸਟੈਡ ਨੇ ਤਿੰਨ ਸਾਬਕਾ ਵਿਧਾਇਕਾਂ 'ਤੇ ਪਾਰਟੀ ਮੈਂਬਰਾਂ ਨੂੰ ਬਲੈਕਮੇਲ ਕਰਨ ਦੇ ਇਲਜ਼ਾਮ ਲਗਾਏ ਹਨ,ਸੱਤਾਧਾਰੀ ਬੀ.ਸੀ. ਐਨ.ਡੀ.ਪੀ. ਦੇ ਕਾਕਸ ਨੇ ਇਨ੍ਹਾਂ ਦੋਸ਼ਾਂ ਨੂੰ ਗੰਭੀਰ ਦੱਸਦਿਆਂ ਆਰ.ਸੀ.ਐਮ.ਪੀ. ਤੋਂ ਜਾਂਚ ਕਰਨ ਦੀ ਮੰਗ ਕੀਤੀ ਹੈ।
ਓਧਰ, ਤਿੰਨ ਸਾਬਕਾ ਕੰਜ਼ਰਵੇਟਿਵ ਵਿਧਾਇਕਾਂ ਡੱਲਾਸ ਬ੍ਰੋਡੀ, ਤਾਰਾ ਆਰਮਸਟ੍ਰੌਂਗ ਅਤੇ ਜੌਰਡਨ ਕੇਲੀ ਨੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ।ਬ੍ਰੌਡੀ ਨੂੰ ਰਸਟੈਡ ਨੇ ਮਾਰਚ ਵਿਚ ਪਾਰਟੀ ਤੋਂ ਕੱਢਿਆ ਸੀ ਅਤੇ ਆਰਮਸਟ੍ਰੌਂਗ ਤੇ ਕੇਲੀ ਨੇ ਵੀ ਪਾਰਟੀ ਛੱਡ ਦਿੱਤੀ ਸੀ। ਉਦੋਂ ਤੋਂ ਇਹ ਤਿੰਨ ਆਜ਼ਾਦ ਵਿਧਾਇਕ ਹਨ, ਬ੍ਰੌਡੀ ਅਤੇ ਆਰਮਸਟ੍ਰੌਂਗ ਨੇ ਵਨ ਬੀ.ਸੀ. ਨਾ ਦੀ ਪਾਰਟੀ ਵੀ ਬਣਾਈ ਹੈ।
