25.68C Vancouver 25.68C VancouverOct 29, 2020 10:24 PM -
ਸਕਵਾਮਿਸ਼ 'ਚ ਵਾਪਰੇ ਇੱਕ 3 ਸਾਲ ਪਹਿਲਾਂ ਦੇ ਗੱਡੀ 'ਚ ਮਿਲੇ ਮ੍ਰਿਤ ਵਿਅਕਤੀ ਦੇ ਮਾਮਲੇ 'ਚ ਪੁਲਿਸ ਨੂੰ ਕੁਝ ਕਾਮਯਾਬੀ ਮਿਲੀ ਹੈ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ-ਹਿਟ ਦਾ ਕਹਿਣਾ ਹੈ ਕਿ, ਸਾਲ 2017 'ਚ ਇੱਕ ਅੱਗ ਦੇ ਹਵਾਲੇ ਹੋਈ ਗੱਡੀ ਵਿੱਚ ਇੱਕ ਵਿਅਕਤੀ ਮ੍ਰਿਤ ਮਿਲਿਆ ਸੀ।
ਹੁਣ ਇਸ ਵਿਅਕਤੀ ਦੀ ਪਛਾਣ ਅਮਰੀਕਾ ਦੇ ਡੇਵਿਸ ਵੌਲਫਗੈਂਗ ਹੌਕ ਵਜੋਂ ਹੋਈ ਹੈ।
ਲੋਕਲ ਪੱਧਰ 'ਤੇ ਕੁਝ ਲੋਕ ਪੀੜਤ ਨੂੰ ਜੈਸੀ ਜੇਮਸ ਵਜੋਂ ਜਾਣਦੇ ਸਨ।
ਆਈ-ਹਿਟ ਸਾਰਜੈਂਟ, ਫ੍ਰੈਂਕ ਜੈਂਗ ਦਾ ਕਹਿਣਾ ਹੈ ਕਿ 38 ਸਾਲਾ ਵਿਅਕਤੀ ਦੀ ਮੌਤ ਗੋਲੀ ਲੱਗਣ ਕਾਰਨ ਹੋਈ ਸੀ।
ਇਸ ਤੋਂ ਬਾਅਦ ਵਿਅਕਤੀ ਨੂੰ ਬਲਦੀ ਗੱਡੀ 'ਚ ਛੱਡ ਦਿੱਤਾ ਗਿਆ ਸੀ।
ਇਸ ਗੱਡੀ ਬਾਰੇ 14 ਜੂਨ, 2017 ਨੂੰ ਪਤਾ ਲੱਗਿਆ ਸੀ।
ਕੁਝ ਹੋਰ ਜਾਣਕਾਰੀਆਂ ਹਾਸਿਲ ਕਰਨ 'ਤੇ ਕੰਮ ਕੀਤਾ ਜਾ ਰਿਹਾ ਹੈ, ਜਿਸ 'ਚ ਹੌਕ ਦੇ ਕੈਨੇਡਾ ਆਉਣ ਬਾਰੇ, ਅਤੇ ਉਹ ਸਕਵਾਮਿਸ਼ 'ਚ ਕੀ ਕਰ ਰਿਹਾ ਸੀ, ਜਿਹੇ ਸਵਾਲ ਸ਼ਾਮਿਲ ਹਨ।
ਜਾਂਚ ਅਧਿਕਾਰੀਆਂ ਨੇ ਮੰਗ ਕੀਤੀ ਹੈ ਕਿ ਜੇਕਰ ਕਿਸੇ ਕੋਲ ਮਾਮਲੇ ਦੀ ਜਾਣਕਾਰੀ ਹੋਵੇ ਤਾਂ ਸੰਪਰਕ ਕੀਤਾ ਜਾਵੇ।
