16C Vancouver 16C VancouverMar 25, 2022 5:37 PM - The Canadian Press
ਬੀ.ਸੀ. 'ਚ ਵਾਹਨ ਚਾਲਕਾਂ ਨੂੰ $110 ਦਾ ਰਿਬੇਟ ਮਿਲਣ ਜਾ ਰਿਹਾ ਹੈ।
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਵਾਹਨ ਚਾਲਕਾਂ ਨੂੰ ਵਧਦੀਆਂ ਗੈਸ ਕੀਮਤਾਂ ਨਾਲ ਨਜਿੱਠਣ ਲਈ ਇੱਕ ਵਾਰ ਦਾ ਰਿਲੀਫ ਰਿਬੇਟ ਦਿੱਤਾ ਜਾ ਰਿਹਾ ਹੈ।
ਹੌਰਗਨ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਨੇ ਆਈ.ਸੀ.ਬੀ.ਸੀ. ਤਕ ਪਹੁੰਚ ਕੀਤੀ ਅਤੇ ਬੇਸਿਕ ਆਟੋ ਇੰਸ਼ੋਰੈਂਸ ਪੌਲੀਸੀ ਵਾਲਿਆਂ ਲਈ $110 ਦੀ ਰਿਲੀਫ ਦੀ ਪੇਸ਼ਕਸ਼ ਕੀਤੀ।
ਉਨ੍ਹਾਂ ਦੱਸਿਆ ਕਿ ਕਮਰਸ਼ਲ ਵਾਹਨ ਚਾਲਕਾਂ ਲਈ ਇੱਕ ਵਾਰ ਦੀ $165 ਦੀ ਰਿਲੀਫ ਰਿਬੇਟ ਦਿੱਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇੱਕ ਵਾਰ ਦੀ ਪੇਮੈਂਟ ਬਿਹਤਰ ਤਰੀਕਾ ਹੈ ਜਿਸ ਨਾਲ ਗੈਸ ਦੀਆਂ ਵਧਦੀਆਂ ਕੀਮਤਾਂ ਨਾਲ ਨਜਿੱਠਿਆ ਜਾ ਸਕੇ।
ਹੌਰਗਨ ਨੇ ਇੱਕ ਵਾਰ ਦੀ ਪੇਮੈਂਟ ਨੂੰ ਫਿਊਲ ਟੈਕਸਿਸ ਦੀ ਕਟੌਤੀ ਤੋਂ ਬਿਹਤਰ ਤਰੀਕਾ ਦੱਸਿਆ।
ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਨੇ ਦੱਸਿਆ ਕਿ ਇਸ ਇੱਕ ਵਾਰ ਦੀ ਪੇਮੈਂਟ ਦਾ ਕੁੱਲ ਖਰਚਾ $395 ਮਿਲੀਅਨ ਦਾ ਰਹਿਣ ਵਾਲਾ ਹੈ।
ਯਾਦ ਰਹੇ ਬੀ.ਸੀ. 'ਚ ਗੈਸ ਦੀਆਂ ਕੀਮਤਾਂ ਨੇ ਬੀਤੇ ਕੁਝ ਹਫਤਿਆਂ 'ਚ ਰਿਕਾਰਡ ਤੋੜੇ ਹਨ।
ਕਈ ਦਿਨ ਤਕ ਗੈਸ ਦੀਆਂ ਕੀਮਤਾਂ $2 ਤੋਂ ਵਧੇਰੇ ਰਹਿਣ ਤੋਂ ਬਾਅਦ ਬੀਤੇ ਕੁਝ ਦਿਨਾਂ 'ਚ ਕੀਮਤਾਂ 190 ਸੈਂਟ ਤੋਂ 198 ਸੈਂਟ ਦੇ ਕਰੀਬ ਦਰਜ ਕੀਤੀਆਂ ਗਈਆਂ ਹਨ।
