21.08C Vancouver 21.08C VancouverJun 25, 2025 2:16 PM - The Canadian Press
ਬੀ.ਸੀ.ਸਰਕਾਰ ਨੇ ਵੈਨਕੂਵਰ ਵਿਚ ਹੋਣ ਵਾਲੇ ਫੀਫਾ ਵਰਲਡ ਕੱਪ ਦੇ ਮੈਚ ਦੇ ਸਬੰਧ ਵਿਚ ਖ਼ਰਚ $532 ਮਿਲੀਅਨ ਤੋਂ $624 ਮਿਲੀਅਨ ਤੱਕ ਪਹੁੰਚਣ ਦੀ ਸੰਭਾਵਨਾ ਜਤਾਈ ਹੈ। ਜੂਨ 2026 ਵਿਚ ਵੈਨਕੂਵਰ ਵਿਚ ਫੀਫਾ ਦੇ 7 ਮੈਚ ਹੋਣੇ ਹਨ, ਪਿਛਲੇ ਸਾਲ ਸਰਕਾਰ ਦਾ ਅਨੁਮਾਨ ਸੀ ਕਿ ਇਨ੍ਹਾਂ ਨੂੰ ਹੋਸਟ ਕਰਨ ਦਾ ਖਰਚ $483 ਮਿਲੀਅਨ ਤੋਂ $581 ਮਿਲੀਅਨ ਵਿਚਕਾਰ ਆਵੇਗਾ ਪਰ ਹੁਣ ਲਾਗਤ ਵੱਧ ਰਹੀ ਹੈ।
ਇਸ ਵਿਚ ਸਕਿਓਰਟੀ ਦਾ ਖਰਚਾ, ਵੱਖ-ਵੱਖ ਟੀਮਾਂ ਲਈ ਟ੍ਰੇਨਿੰਗ ਸਥਾਨਾਂ ਦਾ ਪ੍ਰਬੰਧ ਅਤੇ ਪਬਲਿਕ ਫੀਫਾ ਫੈਨ ਫੈਸਟੀਵਲ ਦਾ ਆਯੋਜਨ ਕਰਨਾ ਸ਼ਾਮਲ ਹੈ। ਸੈਰ ਸਪਾਟਾ ਮੰਤਰਾਲੇ ਨੇ ਕਿਹਾ ਕਿ ਇਸ ਖਰਚ ਦਾ ਵੱਡਾ ਹਿੱਸਾ ਵੈਨਕੂਵਰ ਵਲੋਂ ਉਠਾਇਆ ਜਾਵੇਗਾ,ਜੋ ਕਿ $345 ਮਿਲੀਅਨ ਦੇ ਆਸਪਾਸ ਹੋਣ ਦਾ ਅਨੁਮਾਨ ਹੈ।
ਹਾਲਾਂਕਿ,ਮੰਤਰਾਲਾ ਦਾ ਕਹਿਣਾ ਹੈ ਕਿ ਫੀਫਾ ਨਾਲ ਰੈਵੇਨਿਊ ਵਿਚ ਹੋਣ ਵਾਲੇ ਵਾਧੇ ਨਾਲ ਬਹੁਤ ਸਾਰੇ ਖਰਚਿਆਂ ਦੀ ਭਰਪਾਈ ਹੋਣ ਦੀ ਉਮੀਦ ਹੈ।ਸ਼ਹਿਰ ਵਿਚ ਫੀਫਾ ਦੇ ਆਯੋਜਨ ਨਾਲ 1.7 ਬਿਲੀਅਨ ਡਾਲਰ ਦੇ ਆਰਥਿਕ ਲਾਭ ਦਾ ਅਨੁਮਾਨ ਲਗਾਇਆ ਜਾ ਰਿਹਾ ਹੈ ਪਰ ਕੁਝ ਮਾਹਰਾਂ ਨੇ ਇਸ 'ਤੇ ਸ਼ੰਕਾ ਵੀ ਜ਼ਾਹਿਰ ਕੀਤੀ ਹੈ।
