11.84C Vancouver 11.84C VancouverJul 21, 2022 8:26 PM - The Canadian Press
ਬੀ.ਸੀ. ਵੱਲੋਂ ਕੈਨੇਡਾ ਬੌਰਡਰ ਸਰਵਿਸ ਏਜੈਂਸੀ ਨਾਲ ਇੱਕ ਕਰਾਰ ਨੂੰ ਖਤਮ ਕੀਤਾ ਜਾ ਰਿਹਾ ਹੈ।
ਇਸ ਤਹਿਤ ਇਮੀਗ੍ਰੇਸ਼ਨ ਡਿਟੇਨੀਸ ਨੂੰ ਪ੍ਰੋਵਿੰਸ਼ੀਅਲ ਕਰੈਕਸ਼ਨਲ ਸੈਂਟਰਸ 'ਚ ਰੱਖਿਆ ਜਾਂਦਾ ਸੀ।
ਹੁਣ ਬੀ.ਸੀ. ਦਾ ਕਹਿਣਾ ਹੈ ਕਿ ਇਹ ਕਰਾਰ ਸੂਬੇ ਦੇ ਮਨੁੱਖੀ ਅਧਿਕਾਰਾਂ ਸੰਬੰਧੀ ਸਟੈਂਡ ਨਾਲ ਮੇਲ ਨਹੀਂ ਖਾਂਦਾ।
ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਦਾ ਕਹਿਣਾ ਹੈ ਕਿ ਸੂਬਾ ਸਰਕਾਰ ਨੇ ਇਸ ਸੰਬੰਧੀ ਇੱਕ ਰੀਵਿਊ ਕਰਵਾਇਆ ਹੈ ਅਤੇ ਇਸ ਦੌਰਾਨ ਏਜੈਂਸੀ ਨਾਲ ਕਰਾਰ ਦੇ ਸਾਰੇ ਪੱਖਾਂ 'ਤੇ ਗੌਰ ਕੀਤਾ ਗਿਆ, ਜਿਸ 'ਚ ਪਬਲਿਕ ਸੇਫਟੀ ਵੀ ਸ਼ਾਮਿਲ ਸੀ ਅਤੇ ਫਿਰ ਐਡਵੋਕੇਸੀ ਗਰੁੱਪਸ ਨਾਲ ਸਲਾਹ ਕੀਤੀ ਗਈ।
ਉਨ੍ਹਾਂ ਕਿਹਾ ਕਿ ਇਸ ਦੌਰਾਨ ਸਮਝ ਆਇਆ ਕਿ ਇਹ ਕਰਾਰ ਸੂਬੇ ਦੇ ਮਨੁੱਖੀ ਅਧਿਕਾਰਾਂ ਸੰਬੰਧਤ ਸਟੈਂਡ ਨਾਲ ਮੇਲ ਨਹੀਂ ਖਾਂਦਾ ਅਤੇ ਸੂਬਾ ਸਰਕਾਰ ਸਾਰਿਆਂ ਲਈ ਸੋਸ਼ਲ ਜਸਟਿਸ ਅਤੇ ਇਕਵਿਟੀ ਲਈ ਖੜੀ ਹੈ।
ਯਾਦ ਰਹੇ ਇਹ ਫੈਸਲਾ ਉਸ ਵੇਲੇ ਲਿਆ ਗਿਆ ਹੈ, ਜਦ ਹਿਊਮਨ ਰਾਈਟਸ ਵਾਚ ਅਤੇ ਐਮਨੈਸਟੀ ਇੰਟਰਨੈਸ਼ਨਲ ਵੱਲੋਂ ਇਮੀਗ੍ਰੇਸ਼ਨ ਡਿਟੈਂਸ਼ਨ ਕੰਟਰੈਕਟ ਨੂੰ ਰੱਦ ਕਰਨ ਦੀ ਮੰਗ ਕੀਤੀ ਗਈ ਸੀ।
