11.47C Vancouver 11.47C VancouverNov 29, 2021 11:45 PM - The Canadian Press
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ, ਮਾਈਕ ਫਾਰਨਵਰਥ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੀ.ਸੀ. 'ਚ ਜਾਰੀ ਸਟੇਟ ਆਫ ਐਮਰਜੈਂਸੀ ਨੂੰ 14 ਦਿਸੰਬਰ ਤਕ ਵਧਾਇਆ ਜਾ ਰਿਹਾ ਹੈ।
ਸੂਬੇ 'ਚ ਫਿਊਲ ਆਰਡਰ ਨੂੰ ਐਕਸਟੈਂਡ ਕੀਤਾ ਜਾ ਰਿਹਾ ਹੈ।
ਹੁਣ ਫਿਊਲ ਦੀ ਵਰਤੋਂ ਨੂੰ ਸੀਮਤ ਰੱਖਣ ਸੰਬੰਧੀ ਨਿਰਦੇਸ਼ਾਂ ਨੂੰ 14 ਦਿਸੰਬਰ ਤਕ ਅੱਗੇ ਵਧਾਇਆ ਜਾ ਰਿਹਾ ਹੈ।
ਮਾਈਕ ਫਾਰਨਵਰਥ ਨੇ ਦੱਸਿਆ ਕਿ ਵਾਹਨਾਂ 'ਚ ਇੱਕ ਸਮੇਂ 'ਤੇ 30 ਲੀਟਰ ਤੋਂ ਵਧੇਰੇ ਫਿਊਲ ਨਾ ਪਵਾਉਣ ਜਿਹੇ ਨਿਰਦੇਸ਼ ਹੁਣ 14 ਦਿਸੰਬਰ ਤਕ ਜਾਰੀ ਰੱਖਣ ਦੇ ਹੁਕਮ ਜਾਰੀ ਕੀਤੇ ਗਏ ਹਨ।
ਉਨ੍ਹਾਂ ਦੱਸਿਆ ਕਿ ਬਾਰਜ ਅਤੇ ਰੇਲ ਰਾਹੀਂ ਤੇਲ ਲਿਆਉਣ ਦੀ ਪ੍ਰੀਕਿਰਿਆ ਜਾਰੀ ਹੈ ਪਰ ਫਿਰ ਵੀ ਤੇਲ ਦੀ ਸਹੀ ਵਰਤੋਂ ਜਰੂਰੀ ਹੈ।
ਇਹ ਨਿਰਦੇਸ਼ ਲੋਅਰ ਮੇਨਲੈਂਡ ਤੋਂ ਹੋਪ, ਸੀ-ਟੁ-ਸਕਾਈ ਰਿਜਨ, ਸਨਸ਼ਾਈਨ ਕੋਸਟ, ਗਲਫ ਆਈਲੈਂਡਸ ਅਤੇ ਵੈਨਕੂਵਰ ਆਈਲੈਂਡ ਲਈ ਲਾਗੂ ਹਨ।
ਇਹ ਨਿਰਦੇਸ਼ ਨਾਨ-ਅਸੈਂਸ਼ੀਅਲ ਵਾਹਨਾਂ ਲਈ ਜਾਰੀ ਹਨ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਬੀਤੇ ਕੱਲ ਵਾਸ਼ਿੰਗਟਨ 'ਚ ਨੁਕਸਾਕ ਦਰਿਆ ਨੇ ਫਿਰ ਤੋਂ ਕੰਢੇ ਤੋੜ ਦਿੱਤੇ ਜਿਸ ਕਾਰਨ ਸੁਮਾਸ ਪ੍ਰਾਇਰੀ ਅਤੇ ਫਰੇਜ਼ਰ ਵੈਲੀ 'ਚ ਫਿਰ ਤੋਂ ਹਾਲਾਤ ਵਿਗੜੇ ਹਨ।
