11.51C Vancouver 11.51C VancouverJan 13, 2025 4:23 PM - The Canadian Press
ਬੀ. ਸੀ. ਦੀ ਜੰਗਲੀ ਅੱਗ ਦੀ ਸੇਵਾ ਦਾ ਇੱਕ ਦਲ ਲਾਸ ਏਂਜਲਸ ਦੀ ਜੰਗਲੀ ਅੱਗ ਨੂੰ ਕੰਟਰੋਲ ਕਰਨ ਵਿਚ ਮਦਦ ਕਰਨ ਲਈ ਭੇਜਿਆ ਗਿਆ ਹੈ। ਸੂਬੇ ਦੇ ਜੰਗਲਾਤ ਮੰਤਰੀ ਰਵੀ ਪਰਮਾਰ ਨੇ ਬੀਤੇ ਦਿਨੀਂ ਇਸ ਦੀ ਪੁਸ਼ਟੀ ਕੀਤੀ।
ਉਨ੍ਹਾਂ ਵੀਕੈਂਡ ’ਤੇ ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀ ਇੱਕ ਵੀਡੀਓ ਵਿਚ ਕਿਹਾ ਕਿ ਬੀ. ਸੀ. ਵਾਈਲਡ ਫਾਇਰ ਸਰਵਿਸ ਦਾ ਇੱਕ ਗਰੁੱਪ ਲਾਸ ਏਂਜਲਸ ਲਈ ਨਿਕਲ ਚੁੱਕਾ ਹੈ।
ਪ੍ਰੀਮੀਅਰ ਡੇਵਿਡ ਈਬੀ ਨੇ ਕੈਲੀਫੋਰਨੀਆ ਦੇ ਜੰਗਲਾਤ ਅਤੇ ਅੱਗ ਸੁਰੱਖਿਆ ਵਿਭਾਗ ਤੋਂ ਸ਼ੁੱਕਰਵਾਰ ਮਿਲੀ ਬੇਨਤੀ ਤੋਂ ਬਾਅਦ ਫਾਇਰ ਕਰੂ ਭੇਜਣ ਦਾ ਵਾਅਦਾ ਕੀਤਾ ਸੀ। ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ ਕਿ ਕਿੰਨੇ ਫਾਇਰਫਾਈਟਰ ਭੇਜੇ ਗਏ ਪਰ ਫੈਡਰਲ ਮਿਨਿਸਟਰ ਹਰਜੀਤ ਸਿੰਘ ਸੱਜਣ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਐਲਬਰਟਾ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੋਹਾਂ ਦੇ ਦਰਜਨਾਂ ਅੱਗ ਬੁਝਾਉਣ ਵਾਲੇ ਲਾਸ ਏਂਜਲਸ ਵਿਚ ਮਦਦ ਕਰ ਰਹੇ ਹਨ।
ਸੱਜਣ ਦਾ ਕਹਿਣਾ ਸੀ ਕਿ ਦੋਵਾਂ ਸੂਬਿਆਂ ਦੇ 60 ਫਾਇਰ ਫਾਈਟਰ ਸੋਮਵਾਰ ਤੱਕ ਕੈਲੀਫੋਰਨੀਆ ਵਿਚ ਤਾਇਨਾਤ ਕੀਤੇ ਜਾਣਗੇ ਅਤੇ ਆਉਣ ਵਾਲੇ ਦਿਨਾਂ ਵਿਚ ਹੋਰ ਮਦਦ ਵੀ ਕੀਤੀ ਜਾਵੇਗੀ।
