13.74C Vancouver 13.74C VancouverSep 11, 2020 3:40 PM -
ਬੀ.ਸੀ. ਦੇ ਇਤਿਹਾਸ 'ਚ ਕਤਲ ਦੀਆਂ ਸਭ ਤੋਂ ਭਿਆਨਕ ਘਟਨਾਵਾਂ ਵਿੱਚੋਂ ਇੱਕ ਮੰਨੀ ਜਾਣ ਵਾਲੀ, 13 ਸਾਲ ਪਹਿਲਾਂ ਵਾਪਰੀ 'ਸਰੀ 6 ਕਿਲਿੰਗਜ਼' ਦੀ ਘਟਨਾ ਸੰਬੰਧੀ, ਅੱਜ ਜੇਮੀ ਬੇਕਨ ਨੂੰ ਸਜ਼ਾ ਸੁਣਾਈ ਗਈ।
35 ਸਾਲਾ ਜੇਮੀ ਬੇਕਨ ਨੂੰ ਅੱਜ ਕਤਲਾਂ 'ਚ ਤਬਦੀਲ ਹੋਈਆਂ 6 ਸ਼ੂਟਿੰਗਜ਼ 'ਚ ਨਿਭਾਈ ਭੂਮਿਕਾ ਲਈ 18 ਸਾਲ ਦੀ ਕੈਦ ਐਲਾਨੀ ਗਈ ਹੈ।
ਇਸ ਦਾ ਅਰਥ ਹੈ ਕਿ ਹੁਣ ਤੱਕ ਜੇਲ੍ਹ 'ਚ ਬਿਤਾਏ ਸਮੇਂ ਦੇ ਅਨੁਸਾਰ, ਜੇਮੀ ਬੇਕਨ ਨੂੰ 5 ਸਾਲ ਅਤੇ 7 ਮਹੀਨੇ ਦਾ ਵਧੇਰੇ ਸਮਾਂ, ਜੇਲ੍ਹ 'ਚ ਬਿਤਾਉਣਾ ਪਵੇਗਾ।
ਸਾਲ 2009 'ਚ ਗ੍ਰਿਫਤਾਰੀ ਤੋਂ ਬਾਅਦ ਤੋਂ ਬੇਕਨ ਜੇਲ੍ਹ 'ਚ ਹੀ ਰਿਹਾ ਹੈ।
ਰੈਡ ਸਕਾਰਪੀਅਨਜ਼ ਲੀਡਰ, ਜੇਮੀ ਬੇਕਨ ਜੁਲਾਈ ਮਹੀਨੇ 'ਚ 'Surrey six killings' ਦੇ ਮਾਮਲੇ 'ਚ ਕਤਲ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ ਕਬੂਲੇ ਸਨ।
ਮਾਮਲਾ ਅਕਤੂਬਰ 2007 ਦੇ ਕਤਲਾਂ ਨਾਲ ਜੁੜਿਆ ਹੈ। ਬੇਕਨ 'ਤੇ ਪਹਿਲਾਂ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਸਨ।
ਸਰੀ ਦੇ ਵਿੱਚ ਇੱਕ 'ਹਾਈ ਰਾਈਜ਼' ਵਿੱਚ 6 ਲੋਕਾਂ ਦਾ ਕਤਲ ਕੀਤਾ ਗਿਆ ਸੀ।
ਇਸ ਦੌਰਾਨ ਮੌਕੇ 'ਤੇ ਮੌਜੂਦ ਬੇਦੋਸ਼ੇ ਲੋਕਾਂ ਦੀ ਵੀ ਜਾਨ ਗਈ ਸੀ, ਜਿਸ ਵਿੱਚ ਕ੍ਰਿਸ ਮੋਹਨ ਅਤੇ ਐਡ ਸ਼ੈਲਨਬਰਗ ਸ਼ਾਮਿਲ ਸਨ।
