19.88C Vancouver 19.88C VancouverJan 21, 2025 7:26 PM - Connect Newsroom
ਬੀ.ਸੀ. ਦੀ ਡੇਵਿਡ ਈਬੀ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ ਜੇ ਟਰੰਪ ਨੇ 1 ਫਰਵਰੀ ਤੋਂ ਟੈਰਿਫ ਲਾਗੂ ਕੀਤਾ ਤਾਂ ਉਨ੍ਹਾਂ ਦਾ ਸੂਬਾ ਅਮਰੀਕਾ ਵਿਚ ਰਿਪਬਲਿਕਨ ਦੇ ਕੰਟਰੋਲ ਵਾਲੇ ਸੂਬਿਆਂ ਦੇ ਉਤਪਾਦ ਨੂੰ ਨਿਸ਼ਾਨਾ ਬਣਾਏਗਾ। ਵਿੱਤ ਮੰਤਰੀ ਬ੍ਰੈਂਡਾ ਬੈਲੀ ਨੇ ਕਿਹਾ ਕਿ ਜੇ ਟਰੰਪ ਟੈਰਿਫ ਲਗਾਉਣ ਦੀ ਦਿਸ਼ਾ ਵਿਚ ਅੱਗੇ ਵਧੇ ਤਾਂ ਬ੍ਰਿਟਿਸ਼ ਕੋਲੰਬੀਆ ਵੀ ਉਸੇ ਤਰ੍ਹਾਂ ਜਵਾਬ ਦੇਵੇਗਾ।
ਹਾਲਾਂਕਿ, ਉਨ੍ਹਾਂ ਕਿਸੇ ਖਾਸ ਅਮਰੀਕੀ ਉਤਪਾਦ ਦਾ ਜ਼ਿਕਰ ਨਹੀਂ ਕੀਤਾ ਪਰ ਉਨ੍ਹਾਂ ਈਬੀ ਦੀ ਪਿਛਲੇ ਹਫ਼ਤੇ ਦੀ ਪ੍ਰੈੱਸ ਕਾਨਫਰੰਸ ਦਾ ਹਵਾਲਾ ਦਿੱਤਾ, ਜਿਸ ਵਿਚ ਉਨ੍ਹਾਂ ਨੇ ਬੀਸੀ ਦੇ ਸ਼ਰਾਬ ਦੀਆਂ ਦੁਕਾਨਾਂ ਵਿਚ ਵਿਕਣ ਵਾਲੀ ਅਮਰੀਕੀ ਸ਼ਰਾਬ, ਬੀਸੀ ਦੇ ਕਰਿਆਨੇ ਦੀਆਂ ਦੁਕਾਨਾਂ ਵਿਚ ਵਿਕਦੇ ਫਲੋਰੀਡਾ ਦੇ ਸੰਤਰੇ ਦਾ ਜੂਸ ਅਤੇ ਸੂਬੇ ਵਿਚ ਵਿਕਣ ਵਾਲੇ ਹਾਰਲੇ ਡੇਵਿਡਸਨ ਮੋਟਰਸਾਈਕਲਾਂ ਨੂੰ ਟਾਰਗੇਟ ਕੀਤੇ ਜਾਣ ਦਾ ਸੰਕੇਤ ਦਿੱਤਾ ਸੀ।
ਬੈਲੀ ਨੇ ਕਿਹਾ ਕਿ ਉਹ ਇੱਕ ਵਾਰ ਫਿਰ ਇਹ ਦੱਸਣਾ ਚਾਹੁੰਦੇ ਹਨ ਕਿ ਟੈਰਿਫ ਦਾ ਜਵਾਬ ਦੇਣ ਲਈ ਸਭ ਕੁਝ ਵਿਚਾਰ ਅਧੀਨ ਹੈ।
