19.72C Vancouver 19.72C VancouverJan 14, 2021 2:56 AM -
ਵੈਨਕੂਵਰ 'ਚ ਇੱਕ ਜੱਜ ਦਾ ਕਹਿਣਾ ਹੈ ਕਿ ਉਹ ਆਪਣਾ ਫੈਸਲਾ ਰਿਜ਼ਰਵ ਰੱਖ ਰਹੇ ਹਨ ਕਿ ਵੁਆਵੇ ਐਗਜ਼ੀਕਿਊਟਿਵ ਮੰਗ ਵੰਜੋ ਦੀ ਜ਼ਮਾਨਤ 'ਚ ਵਧੇਰੇ ਢਿੱਲ ਦਿੱਤੀ ਜਾਵੇਗੀ ਜਾਂ ਨਹੀਂ।
ਮੰਗ ਵੰਜੋ ਦੇ ਵਕੀਲਾਂ ਨੇ ਮੰਗ ਕੀਤੀ ਹੈ ਕਿ ਉਨ੍ਹਾਂ ਨੂੰ ਕਰਫਿਊ ਘੰਟਿਆਂ ਤੋਂ ਬਾਅਦ ਬਿਨਾ ਕਿਸੇ ਪ੍ਰਾਈਵੇਟ ਸਿਕਿਉਰਿਟੀ ਸਟਾਫ਼ ਦੇ ਘਰ ਤੋਂ ਨਿਕਲਣ ਦੀ ਇਜਾਜ਼ਤ ਦਿੱਤੀ ਜਾਵੇ।
ਵਕੀਲਾਂ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਵਿਚਾਲੇ ਮੰਗ ਵੰਜੋ ਲਈ ਇਹ ਸੁਰੱਖਿਆ ਕਰਮੀ ਵਾਇਰਸ ਦਾ ਵਧੇਰੇ ਖਤਰਾ ਖੜਾ ਕਰਦੇ ਹਨ।
ਬੀ.ਸੀ. ਸੁਪ੍ਰੀਮ ਕੋਰਟ ਤੋਂ ਜਸਟਿਸ ਵਿਲੀਅਮ ਐਰਕ ਨੇ ਦੱਸਿਆ ਕਿ ਉਹ ਆਪਣਾ ਫੈਸਲਾ ਸੁਰੱਖਿਅਤ ਰੱਖ ਰਹੇ ਹਨ ਅਤੇ ਇਸ 'ਤੇ ਮਹੀਨੇ ਦੇ ਅੰਤ ਤੱਕ ਫੈਸਲਾ ਸੁਣਾਇਆ ਜਾ ਸਕਦਾ ਹੈ।
ਕੋਰਟ ਨੂੰ ਇਹ ਵੀ ਦੱਸਿਆ ਗਿਆ ਕਿ ਮੰਗ ਵੰਜੋ ਕੋ ਪਹੁੰਚਦੇ ਸੁਰੱਖਿਆ ਕਰਮੀਆਂ ਨੂੰ ਮਾਨੀਟਰ ਕੀਤਾ ਜਾਂਦਾ ਹੈ।
ਲਾਇਨਜ਼ ਗੇਟ ਰਿਸਕ ਮੈਨੇਜਮੈਂਟ ਦੇ ਮੁਖੀ, ਡਗ ਮੇਨਾਰਡ ਨੇ ਆਪਣੀ ਗਵਾਹੀ ਦੌਰਾਨ ਦੱਸਿਆ ਕਿ ਉਨ੍ਹਾਂ ਦੇ ਸਟਾਫ਼ ਕੋਲ ਵੀ ਧਮਕੀ ਭਰੀਆਂ ਚਿੱਠੀਆਂ ਪਹੁੰਚੀਆਂ ਹਨ ਅਤੇ ਚੀਨੀ ਅਧਿਕਾਰੀਆਂ ਨੇ ਧਮਕੀਆਂ ਦਾ ਹਵਾਲਾ ਦਿੰਦੇ ਹੋਏ ਉਨ੍ਹਾਂ ਨੂੰ ਚੀਨ ਭੇਜਣ ਦੀ ਮੰਗ ਕੀਤੀ ਹੈ।
