14.65C Vancouver 14.65C VancouverApr 9, 2021 8:39 PM -
ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ ਸੂਬੇ ਦੇ ਸਭ ਤੋਂ ਘਟ ਵੇਜ 'ਤੇ ਕੰਮ ਕਰ ਰਹੇ ਵਰਕਰਾਂ, ਲਿਕਰ ਸਰਵਰਸ ਨੂੰ ਵੇਜ 'ਚ ਵਾਧਾ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ ਜੂਨ 'ਚ ਜਨਰਲ ਮਿਨੀਮਮ ਵੇਜ 'ਚ ਵੀ ਵਾਧਾ ਹੋਣ ਜਾ ਰਿਹਾ ਹੈ।
ਲੇਬਰ ਮੰਤਰੀ ਹੈਰੀ ਬੈਂਸ ਦਾ ਕਹਿਣਾ ਹੈ ਕਿ ਲਿਕਰ ਸਰਵਰਸ ਦੀ ਮਿਨੀਮਮ ਵੇਜ ਨਾਲ ਵਿਤਕਰਾ ਹੋ ਰਿਹਾ ਸੀ ਅਤੇ ਇਸ 'ਚ 80% ਔਰਤਾਂ ਕੰਮ ਕਰਦੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਲਿਕਰ ਸਰਵਰਸ ਦੀ ਮਿਨੀਮਮ ਵੇਜ 1 ਜੂਨ ਤੋਂ 13.95 ਡਾਲਰ ਤੋਂ ਵਧ ਕੇ 15.20 ਡਾਲਰ ਪ੍ਰਤੀ ਘੰਟਾ ਕੀਤੀ ਜਾ ਰਹੀ ਹੈ।
ਇਸ ਤੋਂ ਇਲਾਵਾ ਜਨਰਲ ਮਿਨੀਮਮ ਵੇਜ 'ਚ 60 ਸੈਂਟ ਦਾ ਵਾਧਾ ਕੀਤਾ ਜਾ ਰਿਹਾ ਹੈ।
ਹੁਣ ਮਿਨੀਮਮ ਵੇਜ $14.60 ਤੋਂ ਵੱਧ ਕੇ $15.20 ਹੋਣ ਜਾ ਰਹੀ ਹੈ।
ਇਸ ਤੋਂ ਇਲਾਵਾ ਲਿਵ-ਇਨ ਕੈਂਪ ਲੀਡਰਸ ਅਤੇ ਰੈਜ਼ੀਡੈਂਟ ਕੇਅਰ ਟੇਕਰਸ ਲਈ ਮਿਨੀਮਮ ਰੇਟਸ 'ਚ ਵੀ ਵਾਧਾ ਹੋਣ ਜਾ ਰਿਹਾ ਹੈ।
ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਅਗਲੇ ਸਾਲ ਤੋਂ ਵੇਜ 'ਚ ਵਾਧਾ ਇੰਫਲੇਸ਼ਨ ਦੇ ਰੇਟ ਅਨੁਸਾਰ ਕੀਤਾ ਜਾਵੇਗਾ।
ਹੈਰੀ ਬੈਂਸ ਨੇ ਕਿਹਾ ਕਿ ਕੋਵਿਡ-19 ਪੈਂਡੈਮਿਕ ਦੌਰਾਨ ਕਈ ਘੱਟ ਇੰਕਮ ਵਾਲੇ ਲੋਕਾਂ ਨੇ ਅਹਿਮ ਭੂਮਿਕਾ ਨਿਭਾਈ ਹੈ।
