12.25C Vancouver 12.25C VancouverMay 7, 2021 7:25 PM -
ਬੀ.ਸੀ. ਦੇ ਜੌਬਸ, ਇਕਨੌਮਿਕ ਰਿਕਵਰੀ ਅਤੇ ਇਨੋਵੇਸ਼ਨ ਮੰਤਰੀ, ਰਵੀ ਕਾਹਲੋਂ ਨੇ ਸਟੈਟਿਸਟਿਕਸ ਕੈਨੇਡਾ ਦੇ ਅਪ੍ਰੈਲ 2021 ਦੇ ਲੇਬਰ ਫੋਰਸ ਸਰਵੇਖਣ 'ਤੇ ਬੀ.ਸੀ. ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਹੈ।
ਉਨ੍ਹਾਂ ਦੱਸਿਆ ਕਿ ਬੀ.ਸੀ. ਨੇ ਅਪ੍ਰੈਲ ਦੇ ਮਹੀਨੇ 'ਚ 43,000 ਨੌਕਰੀਆਂ ਦਾ ਘਾਟਾ ਝੱਲਿਆ ਹੈ।
ਅਜਿਹਾ ਉਸ ਵੇਲੇ ਹੋਇਆ ਜਦ ਸੂਬੇ ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਵਧੇਰੇ ਪਬੰਦੀਆਂ ਦਾ ਐਲਾਨ ਕੀਤਾ ਸੀ, ਜਿਸ ਦਾ ਕਈ ਵਪਾਰਾਂ 'ਤੇ ਸਿੱਧਾ ਪ੍ਰਭਾਵ ਪਿਆ ਸੀ।
ਉਨ੍ਹਾਂ ਦੱਸਿਆ ਕਿ ਇਸ ਘਾਟੇ ਦੇ ਨਾਲ ਸੂਬੇ 'ਚ ਲਗਾਤਾਰ 11 ਮਹੀਨੇ ਤਕ ਦਰਜ ਕੀਤੇ ਗਏ ਨੌਕਰੀਆਂ 'ਚ ਵਾਧੇ ਤੋਂ ਬਾਅਦ ਪਹਿਲੀ ਵਾਰ ਘਾਟਾ ਦਰਜ ਕੀਤਾ ਗਿਆ ਹੈ।
ਹਾਲਾਂਕਿ ਬੀ.ਸੀ. ਬਾਕੀ ਵੱਡੇ ਸੂਬਿਆਂ ਮੁਕਾਬਲੇ ਜੌਬ ਰਿਕਵਰੀ 'ਚ ਬਿਹਤਰ ਪ੍ਰਦਰਸ਼ਨ ਕਰਦਾ ਆ ਰਿਹਾ ਹੈ।
ਉਨ੍ਹਾਂ ਦੱਸਿਆ ਕਿ ਬੀਤੇ ਮਹੀਨੇ ਹੋਏ ਨੌਕਰੀਆਂ ਦੇ ਘਾਟੇ 'ਚ ਬਹੁਤੇ ਨੌਕਰੀਆਂ ਪਾਰਟ ਟਾਈਮ ਸਨ ਅਤੇ ਇਹ ਅਕੌਮੋਡੇਸ਼ਨ (accommodation) ਅਤੇ ਫੂਡ ਸਰਵਿਸਿਜ਼ (food services) ਖੇਤਰ ਅਤੇ ਇਨਫਰਮੇਸ਼ਨ, ਕਲਚਰ ਅਤੇ ਰੈਕਰੀਏਸ਼ਨ ਖੇਤਰ ਨਾਲ ਸੰਬੰਧਤ ਸਨ।
ਹਾਲਾਂਕਿ ਉਨ੍ਹਾਂ ਦੱਸਿਆ ਕਿ ਸੂਬਾ ਸਰਕਾਰ ਨੇ ਇਹਨਾਂ ਪਬੰਦੀਆਂ ਦੀ ਮਾਰ ਤੋਂ ਵਪਾਰਾਂ ਨੂੰ ਬਚਾਉਣ ਲਈ 'ਸਰਕਟ ਬ੍ਰੇਕਰ ਬਿਜ਼ਨਸ ਰਿਲੀਫ ਗ੍ਰਾਂਟ' ਦੀ ਸ਼ੁਰੂਆਤ ਕੀਤੀ ਸੀ।
ਇਸ ਦੌਰਾਨ ਪ੍ਰਭਾਵਿਤ ਆਪਰੇਟਰਾਂ ਨੂੰ $20,000 ਤਕ ਦੀ ਮਦਦ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਗ੍ਰਾਂਟ 'ਚ $125 ਮਿਲੀਅਨ ਤੋਂ ਵਧੇਰੇ ਦੀ ਰਾਸ਼ੀ ਉਪਲਬਧ ਹੈ।
