20.31C Vancouver 20.31C VancouverSep 25, 2025 4:45 PM - The Canadian Press
ਬੀ.ਸੀ. ਲਾਟਰੀ ਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਕਿਸੇ ਨੇ ਸੂਬੇ ਵਿਚ ਨਵੀਨਤਮ ਲੋਟੋ ਮੈਕਸ ਡਰਾਅ ਵਿਚ $31-ਮਿਲੀਅਨ ਦਾ ਜੈਕਪਾਟ ਜਿੱਤਿਆ ਹੈ।
ਏਜੰਸੀ ਨੇ ਕਿਹਾ ਕਿ ਮੰਗਲਵਾਰ ਯਾਨੀ 23 ਸਤੰਬਰ, 2025 ਨੂੰ ਹੋਏ ਡਰਾਅ ਲਈ ਬ੍ਰਿਟਿਸ਼ ਕੋਲੰਬੀਆ ਵਿਚ ਵਿਨਿੰਗ ਲੋਟੋ ਮੈਕਸ ਟਿਕਟ ਔਨਲਾਈਨ ਖਰੀਦੀ ਗਈ ਸੀ। ਜੇਤੂ ਦੀ ਪਛਾਣ ਅਜੇ ਤੱਕ ਜਨਤਕ ਨਹੀਂ ਕੀਤੀ ਗਈ ਹੈ।
ਜੇਤੂ ਕੋਲ ਇਨਾਮੀ ਰਾਸ਼ੀ ਕਲੇਮ ਕਰਨ ਲਈ ਡਰਾਅ ਨਿਕਲਣ ਦੀ ਤਾਰੀਖ਼ ਤੋਂ 52 ਹਫ਼ਤੇ ਦਾ ਸਮਾਂ ਹੈ। ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਮਈ ਵਿਚ ਇੱਕ ਸਰੀ ਨਿਵਾਸੀ ਨੇ $80-ਮਿਲੀਅਨ ਦਾ ਲੋਟੋ ਮੈਕਸ ਜੈਕਪਾਟ ਜਿੱਤਿਆ ਸੀ, ਜੋ ਕਿ ਕਿਸੇ ਇੱਕ ਵਿਅਕਤੀ ਵਲੋਂ ਜਿੱਤੀ ਗਈ ਹੁਣ ਤੱਕ ਦੀ ਸਭ ਤੋਂ ਵੱਡੀ ਰਾਸ਼ੀ ਸੀ। ਬੀ.ਸੀ. ਲਾਟਰੀ ਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਲੋਟੋ ਪਲੇਅਰ ਨੇ ਇਸ ਸਾਲ ਹੁਣ ਤੱਕ ਲੋਟੋ ਮੈਕਸ ਵਿਚ ਕਰੀਬ $196 ਮਿਲੀਅਨ ਜਿੱਤੇ ਹਨ।
