12.68C Vancouver 12.68C VancouverSep 20, 2021 8:37 PM -
ਬੀ.ਸੀ. ਦੇ ਪ੍ਰਿੰਸ ਜੌਰਜ ਵਿੱਚ ਇੱਕ ਮੋਟਲ 'ਚ ਲੱਗੀ ਅੱਗ ਦੇ ਮਾਮਲੇ 'ਚ ਇੱਕ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਇਸ ਘਟਨਾ 'ਚ 3 ਲੋਕਾਂ ਦੀ ਮੌਤ ਹੋ ਗਈ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ 35 ਸਾਲਾ ਜਸਟਿਨ ਐਸਟਰ 'ਤੇ ਮੌਤ ਦਾ ਕਾਰਨ ਬਣੀ ਅਪਰਾਧਿਕ ਅਣਗਹਿਲੀ ਅਤੇ ਆਰਸਨ ਸੰਬੰਧੀ 2 ਦੋਸ਼ ਲੱਗੇ ਹਨ।
ਕੋਰਟ ਦਸਤਾਵੇਜਾਂ 'ਚ ਦੱਸਿਆ ਗਿਆ ਹੈ ਕਿ ਇਸ ਵਿਅਕਤੀ ਬਾਰੇ ਪੁਲਿਸ ਕੋਲ ਪਹਿਲਾਂ ਤੋਂ ਜਾਣਕਾਰੀ ਸੀ।
ਇਸ ਵਿਅਕਤੀ ਦੀ ਬੀਤੇ ਸ਼ੁੱਕਰਵਾਰ ਨੂੰ ਕੋਰਟ 'ਚ ਪੇਸ਼ੀ ਹੋਈ ਦੱਸੀ ਗਈ ਹੈ।
ਇਸ ਵਿਅਕਤੀ ਨੂੰ ਵੀਰਵਾਰ ਤਕ ਹਿਰਾਸਤ 'ਚ ਰੱਖਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।
ਮਾਮਲਾ ਐਕੋਨੋ ਲੌਜ ਨਾਲ ਸੰਬੰਧਤ ਹੈ ਜਿੱਥੇ ਬੀਤੇ ਸਾਲ ਅੱਗ ਲਗ ਗਈ ਸੀ।
ਘਟਨਾ 8 ਜੁਲਾਈ 2020 ਨੂੰ ਵਾਪਰੀ ਸੀ।
ਕੌਰਪੋਰਲ ਜੈਨੀਫਰ ਕੂਪਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪੀੜਤਾਂ ਲਈ ਦੁੱਖ ਹੈ ਪਰ ਖੁਸ਼ੀ ਹੈ ਕਿ ਉਹ ਸ਼ੱਕੀ ਨੂੰ ਸਾਹਮਣੇ ਲਿਆਉਣ 'ਚ ਕਾਮਯਾਬ ਹੋ ਸਕੇ।
