13.62C Vancouver 13.62C VancouverApr 6, 2021 3:19 PM -
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਕੋਵਿਡ -19 ਟੀਕਾਕਰਣ ਯੋਜਨਾ ਦੇ ਚਾਰ ਪੜ੍ਹਾਅ ਵਿਚੋਂ ਤੀਸਰੇ ਪੜ੍ਹਾਅ ਦੀ ਸ਼ੁਰੂਆਤ ਹੋਣ ਜਾ ਰਹੀ ਹੈ।
ਸੂਬੇ ਵਿੱਚ ਕੋਵਿਡ-19 ਦੀ ਵੈਕਸੀਨ ਹਾਸਲ ਕਰਨ ਦੇ ਯੋਗ ਵਿਅਕਤੀਆਂ ਲਈ ਅਪੌਇੰਟਮੈਂਟ ਬੁੱਕ ਕਰਨ ਵਾਸਤੇ ਨਵੇਂ ਆਨਲਾਈਨ ਰਜਿਸਟ੍ਰੇਸ਼ਨ ਸਿਸਟਮ ਦੀ ਸ਼ੁਰੂਆਤ ਅੱਜ ਮੰਗਲਵਾਰ ਸਵੇਰ ਤੋਂ ਹੋ ਗਈ ਹੈ।
ਸੂਬਾ ਸਰਕਾਰ ਮੁਤਾਬਕ ਇੱਕ ‘ਕੰਫਰਮੇਸ਼ਨ ਕੋਡ’ ਹਾਸਿਲ ਕਰਨ ਲਈ ਪਹਿਲਾਂ ਰਜਿਸਟਰ ਕਰਨਾ ਲਾਜ਼ਮੀ ਹੈ ਅਤੇ ਫਿਰ ਫੋਨ, ਈਮੇਲ ਜਾਂ ਟੈਕਸਟ ਰਾਹੀਂ ਸੰਪਰਕ ਕਰਨ ’ਤੇ ਅਪੌਇੰਟਮੈਂਟ ਬੁੱਕ ਕੀਤੀ ਜਾ ਸਕਦੀ ਹੈ।
71 ਸਾਲ ਤੋਂ ਵੱਧ ਉਮਰ ਦੇ ਵਿਅਕਤੀ ਜਾਂ ਜਿਨ੍ਹਾਂ ਦਾ ਜਨਮ 1950 ਜਾਂ ਪਹਿਲਾਂ ਹੋਇਆ ਹੈ, 18 ਸਾਲ ਤੋਂ ਵੱਧ ਉਮਰ ਦੇ ਇੰਡੀਜਨਸ ਵਿਅਕਤੀ ਅਤੇ ਉਹ ਲੋਕ ਜਿਨ੍ਹਾਂ ਦੀ ਸਿਹਤ ਕਮਜ਼ੋਰ ਹੈ, ਇਸ ਆਨਲਾਈਨ ਸਿਸਟਮ ਰਾਹੀਂ ਆਪਣੀ ਅਪੌਇੰਟਮੈਂਟ ਬੁੱਕ ਕਰ ਸਕਣਗੇ।
55 ਤੋਂ 65 ਸਾਲ ਦੀ ਉਮਰ ਦੇ ਲੋਕ ਸੂਬੇ ਦੀਆਂ ਫਾਰਮਾਸੀਆਂ ’ਤੇ ਔਕਸਫੋਰਡ-ਐਸਟ੍ਰਾਜ਼ੇਨਿਕਾ ਦੀ ਵੈਕਸੀਨ ਲਈ ਵੀ ਅਪੌਇੰਟਮੈਂਟ ਬੁੱਕ ਕਰ ਸਕਦੇ ਹਨ।
ਬੀ.ਸੀ. ਵਿੱਚ ਵੈਕਸੀਨ ਦੀਆਂ ਅਪੋਇੰਟਮੈਂਟਸ ਬੁੱਕ ਕਰਨ ਲਈ ਇੱਕ ਨਵੇਂ ਕਾਲ ਸੈਂਟਰ ਦੀ ਸ਼ੁਰੂਆਤ ਵੀ ਅੱਜ ਸਵੇਰ 8 ਵਜੇ ਤੋਂ ਕਰ ਦਿੱਤੀ ਗਈ ਹੈ।
ਮਿਨਿਸਟ੍ਰੀ ਅਨੁਸਾਰ ਨਵੀਂ ਆਨਲਾਈਨ ਸੇਵਾ ਅਤੇ ਨਵਾਂ ਕਾਲ ਸੈਂਟਰ ਪੰਜ ਰੀਜਨਲ ਕਾਲ ਸੈਂਟਰਜ਼ ਦੀ ਜਗ੍ਹਾ ਤੇ ਅਪੌਇੰਟਮੈਂਟ ਬੁੱਕ ਕਰਨ ਦੀਆਂ ਸੇਵਾਵਾਂ ਪ੍ਰਦਾਨ ਕਰਨਗੇ।
