12.94C Vancouver 12.94C VancouverMay 29, 2025 8:13 PM - The Canadian Press
ਬੀ.ਸੀ. ਐਨ.ਡੀ.ਪੀ. ਦੀ ਸਾਬਕਾ ਮੰਤਰੀ ਤੇ ਸੂਬੇ ਦੀ ਪਹਿਲੀ ਫਰਸਟ ਨੇਸ਼ਨ ਵਿਧਾਇਕ ਮੇਲਾਨੀ ਮਾਰਕ ਨੇ ਬਿੱਲ 15 ਨੂੰ ਲੈ ਕੇ ਪ੍ਰੀਮੀਅਰ ਡੇਵਿਡ ਈਬੀ ਅਤੇ ਉਨ੍ਹਾਂ ਦੇ ਮੰਤਰੀ ਮੰਡਲ ਦੀ ਆਲੋਚਨਾ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਵਿਵਾਦਪੂਰਨ ਬਿੱਲ ਪਾਸ ਕਰਕੇ ਫਸਟ ਨੇਸ਼ਨਜ਼, ਸਥਾਨਕ ਸਰਕਾਰਾਂ ਅਤੇ ਵਾਤਾਵਰਣ ਪ੍ਰੇਮੀ ਦੀਆਂ ਚਿੰਤਾਵਾਂ ਨੂੰ ਦਰਕਿਨਾਰ ਕੀਤਾ ਹੈ।
ਈਬੀ ਦੀ ਸਾਬਕਾ ਕੈਬਨਿਟ ਸਾਥੀ ਨੇ ਕਿਹਾ ਕਿ ਇਹ ਸਰਕਾਰ ਦਾ ਹੈਰਾਨ ਕਰਨ ਵਾਲਾ ਅਤੇ ਨਿਰਾਸ਼ਾਜਨਕ ਕਦਮ ਹੈ। ਦੱਸਣਯੋਗ ਹੈ ਕਿ ਬਿੱਲ 15 ਅਤੇ ਬਿੱਲ 14 ਦੋਵੇਂ ਬੁੱਧਵਾਰ ਰਾਤ ਵਿਧਾਨ ਸਭਾ ਵਿਚ ਪਾਸ ਹੋਏ ਸਨ। ਇਹ ਦੋਵੇਂ ਵਿਵਾਦਪੂਰਨ ਹਨ।
ਆਲੋਚਕਾਂ ਦਾ ਕਹਿਣਾ ਹੈ ਕਿ ਇਹ ਬਿੱਲ ਵਾਤਾਵਰਣ ਸੰਬੰਧੀ ਮਿਆਰ ਅਤੇ ਫਰਸਟ ਨੇਸ਼ਨ ਤੋਂ ਨਾਲ ਸਲਾਹ-ਮਸ਼ਵਰਾ ਕਰਨ ਦੇ ਸੰਵਿਧਾਨਕ ਹੱਕਾਂ ਨੂੰ ਕਮਜ਼ੋਰ ਕਰਦਾ ਹੈ। ਮਾਰਕ ਨੇ ਪ੍ਰੀਮੀਅਰ ਈਬੀ ਨੂੰ ਬਿੱਲ 15 ਵਾਪਸ ਲੈਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਅਜੇ ਵੀ ਦੇਰੀ ਨਹੀਂ ਹੋਈ, ਸਹੀ ਕਦਮ ਚੁੱਕਿਆ ਜਾ ਸਕਦਾ ਹੈ।
