13.18C Vancouver 13.18C VancouverNov 26, 2024 5:17 PM - The Canadian Press
ਬੀ. ਸੀ. ਸਰਕਾਰ ਨੇ ਲੋਅਰ ਮੇਨਲੈਂਡ ਵਿਚ ਅਕਤੂਬਰ ਵਿਚ ਭਾਰੀ ਬਾਰਸ਼ ਅਤੇ ਹੜ੍ਹ ਨਾਲ ਪ੍ਰਭਾਵਿਤ ਹੋਏ ਲੋਕਾਂ ਲਈ ਆਫ਼ਤ ਵਿੱਤੀ ਸਹਾਇਤਾ ਲਈ ਅਰਜ਼ੀਆਂ ਓਪਨ ਕਰ ਦਿੱਤੀਆਂ ਹਨ। 18 ਤੋਂ 20 ਅਕਤੂਬਰ ਤੱਕ ਬੀ. ਸੀ. ਦੇ ਦੱਖਣੀ ਤੱਟ ਨੂੰ ਪ੍ਰਭਾਵਿਤ ਕਰਨ ਵਾਲੇ ਖਰਾਬ ਮੌਸਮ ਕਾਰਨ ਉੱਤਰੀ ਵੈਨਕੂਵਰ ਦੇ ਡੀਪ ਕੋਵ ਵਰਗੇ ਸਥਾਨ ਜਲਥਲ ਹੋ ਗਏ ਸਨ ਅਤੇ ਇਸ ਕਾਰਨ ਮੈਟਰੋ ਵੈਨਕੂਵਰ ਅਤੇ ਵੈਨਕੂਵਰ ਟਾਪੂ ਵਿਚ ਦੋ-ਦੋ ਮੌਤਾਂ ਵੀ ਹੋਈਆਂ ਸਨ।
ਸੂਬੇ ਦੀ ਨਵੀਂ ਐਮਰਜੈਂਸੀ ਪ੍ਰਬੰਧਨ ਮੰਤਰੀ ਕੈਲੀ ਗ੍ਰੀਨ ਨੇ ਘੋਸ਼ਣਾ ਕੀਤੀ ਹੈ ਕਿ ਪੋਰਟ ਕੋਕੁਇਟਲਮ, ਕੋਕਿਟਲਮ, ਉੱਤਰੀ ਵੈਨਕੂਵਰ, ਵੈਸਟ ਵੈਨਕੂਵਰ ਅਤੇ ਸਕੁਐਮ ਫਸਟ ਨੇਸ਼ਨ ਦੇ ਹੜ੍ਹ ਨਾਲ ਪ੍ਰਭਾਵਿਤ ਲੋਕ ਸੂਬਾ ਸਰਕਾਰ ਵਲੋਂ ਵਿੱਤੀ ਸਹਾਇਤਾ ਲਈ ਯੋਗ ਹਨ।
ਪੀੜਤ ਲੋਕ ਵੱਧ ਤੋਂ ਵੱਧ $400,000 ਤੱਕ ਦੇ ਦਾਅਵੇ ਸਬਮਿਟ ਕਰ ਸਕਦੇ ਹਨ। ਇਹ ਵਿੱਤੀ ਸਹਾਇਤਾ- ਘਰ ਦੇ ਮਾਲਕਾਂ, ਕਿਰਾਏਦਾਰਾਂ, ਕਾਰੋਬਾਰੀ ਮਾਲਕਾਂ, ਕਿਸਾਨਾਂ ਅਤੇ ਕਾਰਪੋਰੇਸ਼ਨ ਦੀਆਂ ਜਾਇਦਾਦਾਂ ਅਤੇ ਚੈਰੀਟੇਬਲ ਸੰਸਥਾਵਾਂ ਲਈ ਲਾਗੂ ਹੈ। ਐਪਲੀਕੇਸ਼ਨ ਸਬਮਿਟ ਕਰਨ ਦੀ ਅੰਤਿਮ ਤਾਰੀਖ 23 ਫਰਵਰੀ 2025 ਹੈ।
