7.64C Vancouver 7.64C VancouverAug 22, 2025 4:54 PM - The Canadian Press
ਬੀ.ਸੀ. ਦਾ ਸੁਰਖੀਆਂ ਵਿਚ ਰਿਹਾ ਸ਼ੁਤਰਮੁਰਗ ਫਾਰਮ ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਵਲੋਂ ਜਾਰੀ ਕੀਤੇ ਕੂਲ ਆਰਡਰ ਤੋਂ ਆਪਣੇ ਸ਼ੁਤਰਮੁਰਗਾਂ ਨੂੰ ਬਚਾਉਣ ਦਾ ਕੇਸ ਹਾਰ ਗਿਆ ਹੈ। ਇਹ ਮਾਮਲਾ ਫੈਡਰਲ ਕੋਰਟ ਆਫ਼ ਅਪੀਲ ਵਿਚ ਸੀ, ਜਿਸ ਨੇ ਕੱਲ੍ਹ ਪਟੀਸ਼ਨ ਖਾਰਜ ਕਰ ਦਿੱਤੀ। ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਨੇ ਆਪਣੇ 400 ਦੇ ਲਗਭਗ ਸ਼ੁਤਰਮੁਰਗਾਂ ਨੂੰ ਮਾਰਨ ਤੋਂ ਰੋਕਣ ਲਈ ਨਿਆਇਕ ਸਮੀਖਿਆ ਦੀ ਮੰਗ ਕੀਤੀ ਸੀ।
ਅਦਾਲਤ ਨੇ ਮਾਮਲੇ ਵਿਚ ਨਵੇਂ ਸਬੂਤ ਪੇਸ਼ ਕੀਤੇ ਜਾਣ ਦੀ ਅਰਜ਼ੀ ਨੂੰ ਵੀ ਰੱਦ ਕਰ ਦਿੱਤਾ। ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਨੇ ਐਜਵੁੱਡ ਦੇ ਇਸ ਫਾਰਮ ਵਿਚ ਐਵੀਅਨ ਫਲੂ ਦਾ ਕੇਸ ਮਿਲਣ 'ਤੇ ਸਾਰੇ ਜਾਨਵਰਾਂ ਨੂੰ ਮਾਰਨ ਦੇ ਹੁਕਮ ਜਾਰੀ ਕੀਤੇ ਸਨ ਅਤੇ ਉਦੋਂ ਤੋਂ ਹੀ ਇਹ ਮਾਮਲਾ ਫਸਿਆ ਹੈ, ਇਸ ਮਾਮਲੇ ਨੇ ਅਮਰੀਕਾ ਦਾ ਧਿਆਨ ਵੀ ਖਿੱਚਿਆ ਸੀ।
ਯੂਨੀਵਰਸਲ ਸ਼ੁਤਰਮੁਰਗ ਫਾਰਮ ਦੇ ਮਾਲਕਾਂ ਦਾ ਕਹਿਣਾ ਹੈ ਕਿ ਉਹ ਹਾਰ ਨਹੀਂ ਮੰਨਣਗੇ ਅਤੇ ਉਨ੍ਹਾਂ ਨੇ ਸਮਰਥਕਾਂ ਨੂੰ ਇਸ ਹਫਤੇ ਦੇ ਅੰਤ ਵਿਚ ਇਕੱਠੇ ਹੋਣ ਦਾ ਸੱਦਾ ਦਿੱਤਾ ਹੈ।
