13.32C Vancouver 13.32C VancouverNov 20, 2024 5:34 PM - The Canadian Press
ਬੀ.ਸੀ. ਪੋਰਟ ਯੂਨੀਅਨ ਨੇ ਫੈਡਰਲ ਕਿਰਤ ਮੰਤਰੀ ਵਲੋਂ ਉਨ੍ਹਾਂ ਨੂੰ ਕੰਮ ’ਤੇ ਵਾਪਸ ਜਾਣ ਦੇ ਦਿੱਤੇ ਗਏ ਆਦੇਸ਼ ਨੂੰ ਕਾਨੂੰਨੀ ਚੁਣੌਤੀ ਦਿੱਤੀ ਹੈ। ਪੋਰਟ ਸੁਪਰਵਾਈਜ਼ਰ ਦੀ ਨੁਮਾਇੰਦਗੀ ਕਰਨ ਵਾਲੀ, ਇੰਟਰਨੈਸ਼ਨਲ ਲੋਂਗਸ਼ੋਰ ਅਤੇ ਵੇਅਰਹਾਊਸ ਯੂਨੀਅਨ ਨੇ ਕਿਹਾ ਕਿ ਕਿਰਤ ਮੰਤਰੀ ਸਟੀਵਨ ਮੈਕਕਿਨਨ ਨੇ ਪਿਛਲੇ ਹਫ਼ਤੇ ਕੰਮ ’ਤੇ ਵਾਪਸ ਜਾਣ ਦੇ ਨਿਰਦੇਸ਼ ਲਾਗੂ ਕੀਤੇ ਸਨ, ਜਿਸ ਦੀ ਸੰਵਿਧਾਨਕ ਵੈਧਤਾ ਨੂੰ ਉਨ੍ਹਾਂ ਨੇ ਚੁਣੌਤੀ ਦਿੱਤੀ ਹੈ।
ਯੂਨੀਅਨ ਦਾ ਕਹਿਣਾ ਹੈ ਕਿ ਇਹ ਉਨ੍ਹਾਂ ਦੇ ਸਮੂਹਿਕ ਸੌਦੇਬਾਜ਼ੀ ਲਈ ਹੜਤਾਲ ਦੇ ਅਧਿਕਾਰ ਦਾ ਉਲੰਘਣਾ ਹੈ। ਕੈਨੇਡਾ ਇੰਡਸਟਰੀਅਲ ਰਿਲੇਸ਼ਨਜ਼ ਬੋਰਡ ਦੇ ਪੈਨਲ ਵਲੋਂ 9 ਅਤੇ 10 ਦਸੰਬਰ ਨੂੰ ਇਸ ’ਤੇ ਵਿਚਾਰ ਕੀਤਾ ਜਾਵੇਗਾ।
ਮਾਂਟਰੀਅਲ ਦੀ ਪੋਰਟ ਵਰਕਰਜ਼ ਯੂਨੀਅਨ ਨੇ ਵੀ ਫੈਡਰਲ ਸਰਕਾਰ ਨੂੰ ਚੁਣੌਤੀ ਦੇਣ ਦੀ ਚਿਤਾਵਨੀ ਦਿੱਤੀ ਹੈ। ਕਿਰਤ ਮੰਤਰੀ ਸਟੀਵਨ ਮੈਕਕਿਨਨ ਨੇ 12 ਨਵੰਬਰ ਨੂੰ ਬੀ. ਸੀ. ਅਤੇ ਮਾਂਟਰੀਅਲ ਦੀ ਪੋਰਟ ਯੂਨੀਅਨ ਲਈ ਕੰਮ ’ਤੇ ਵਾਪਸ ਜਾਣ ਦੇ ਆਦੇਸ਼ ਲਾਗੂ ਕੀਤੇ ਸਨ।
