20.06C Vancouver 20.06C VancouverJul 11, 2025 7:19 PM - The Canadian Press
ਬੀ.ਸੀ. ਦੀ ਸੂਬਾਈ ਅਦਾਲਤ ਨੇ ਆਰਸੀਐਮਪੀ ਦੇ ਰਿਟਾਇਰਡ ਅਧਿਕਾਰੀ ਜਸਵਿੰਦਰ ਸਿੰਘ ਬਾਸੀ ਨੂੰ ਉਨ੍ਹਾਂ ਦੀ ਕੰਪਨੀ ਵਿਚ ਨਿਵੇਸ਼ਕਾਂ ਦੇ ਪੈਸੇ ਨੂੰ ਹੋਏ ਨੁਕਸਾਨ ਦੇ ਮਾਮਲੇ ਵਿਚ ਜੇਲ੍ਹ ਦੀ ਬਜਾਏ ਮੁਅੱਤਲ ਦੀ ਸਜ਼ਾ ਸੁਣਾਈ ਗਈ ਹੈ।
ਜੱਜ ਨੇ ਕਿਹਾ ਕਿ ਬਾਸੀ ਨੇ ਸਿਕਿਓਰਿਟੀਜ਼ ਐਕਟ ਤਹਿਤ ਇੱਕ ਗੰਭੀਰ ਅਪਰਾਧ ਕੀਤਾ ਪਰ ਇਹ ਕੋਈ ਕ੍ਰਿਮੀਨਲ ਮਾਮਲਾ ਨਹੀਂ, ਇਸ ਲਈ ਉਸ ਨੂੰ ਮੁਅੱਤਲ ਦੀ ਸਜ਼ਾ, 50 ਘੰਟੇ ਦੀ ਕਮਿਊਨਿਟੀ ਸਰਵਿਸ, ਦੋ ਸਾਲ ਦੀ ਪ੍ਰੋਬੇਸ਼ਨ ਅਤੇ ਨਿਵੇਸ਼ਕਾਂ ਨੂੰ $147,000 ਵਾਪਸ ਕਰਨ ਦਾ ਹੁਕਮ ਦਿੱਤਾ ਗਿਆ ਹੈ।
ਕੋਰਟ ਨੇ ਕਿਹਾ ਕਿ ਆਰਸੀਐਮਪੀ ਤੋਂ ਰਿਟਾਇਰ ਹੋਣ ਤੋਂ ਬਾਅਦ ਬਾਸੀ ਨੇ ਇੱਕ ਕੈਨਾਬਿਸ ਕੰਪਨੀ ਬਣਾਈ ਅਤੇ ਆਪਣੇ ਗੁਆਂਢੀ ਨੂੰ ਪੈਸਾ ਲਾਉਣ ਲਈ ਉਤਸ਼ਾਹਿਤ ਕੀਤਾ, ਜਿਸ ਨੇ ਅੱਗੋਂ ਆਪਣੇ ਇੱਕ ਦੋਸਤ ਨਾਲ ਮਿਲ ਕੇ $75,000-$75,000 ਦਾ ਨਿਵੇਸ਼ ਕੀਤਾ ਪਰ ਕੰਪਨੀ ਫੇਲ੍ਹ ਹੋ ਗਈ ਅਤੇ ਉਨ੍ਹਾਂ ਨੂੰ ਪੈਸਾ ਗੁਆਉਣਾ ਪਿਆ, ਬਾਸੀ ਨੇ ਦੋ ਨਿਵੇਸ਼ਕਾਂ ਨੂੰ ਇਹ ਨਹੀਂ ਦੱਸਿਆ ਸੀ ਕਿ ਕੰਪਨੀ ਕੋਲ ਠੇਕੇਦਾਰਾਂ ਨੂੰ ਭੁਗਤਾਨ ਕਰਨ ਲਈ ਪੈਸੇ ਨਹੀਂ ਹਨ।
