14.61C Vancouver 14.61C VancouverFeb 26, 2024 5:09 PM - The Canadian Press
ਨੋਨਾਈਮੋ ਬੀ.ਸੀ. ਵਿਚ ਬੀਤੇ ਸ਼ਨੀਵਾਰ ਇਕ ਹਿੱਟ ਐਂਡ ਰਨ ਮਾਮਲੇ ਵਿਚ ਇਕ ਬਜ਼ੁਰਗ ਔਰਤ ਦੀ ਮੌਤ ਹੋ ਗਈ। ਨੋਨਾਈਮੋ ਆਰ.ਸੀ.ਐੱਮ.ਪੀ. ਦਾ ਕਹਿਣਾ ਹੈ ਕਿ ਬੇਨੀ ਰੋਡ ਨੇੜੇ ਸੀਡਰ ਰੋਡ ’ਤੇ ਇਕ ਵਾਹਨ ਨੇ ਸਵੇਰੇ 8:50 ਵਜੇ ਦੇ ਕਰੀਬ ਇਕ 90 ਸਾਲਾ ਔਰਤ ਨੂੰ ਟੱਕਰ ਮਾਰ ਦਿੱਤੀ।
ਮੌਕੇ ’ਤੇ ਕੋਲੋਂ ਲੰਘ ਰਹੇ ਇਕ ਮੋਟਰਸਾਇਕਲ ਸਵਾਰ ਨੇ 911 ’ਤੇ ਕਾਲ ਕਰਕੇ ਇਸ ਘਟਨਾ ਦੀ ਸੂਚਨਾ ਦਿੱਤੀ। ਪੁਲਿਸ ਦਾ ਕਹਿਣਾ ਹੈ ਕਿ ਬੀ.ਸੀ. ਐਮਰਜੈਂਸੀ ਸਿਹਤ ਸੇਵਾਵਾਂ ਵਲੋਂ ਪੂਰੀ ਕੋਸ਼ਿਸ਼ ਕਰਨ ਦੇ ਬਾਵਜੂਦ ਵੀ ਉਸ ਔਰਤ ਨੂੰ ਬਚਾਇਆ ਨਹੀਂ ਜਾ ਸਕਿਆ।
ਜਾਂਚ ਕਰਤਾਵਾਂ ਨੇ ਇਸ ਨੂੰ ਪੈਦਲ ਯਾਤਰੀ ਦਾ ਹਿੱਟ ਐਂਡ ਰਨ ਦਾ ਮਾਮਲਾ ਦੱਸਿਆ ਹੈ। ਇਸ ਮਾਮਲੇ ਵਿਚ ਜਾਂਚ ਲਈ ਪੁਲਿਸ ਵਲੋਂ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਜਾ ਰਹੀ ਹੈ।
ਜਾਂਚ ਕਰਤਾ ਸ਼ਨੀਵਾਰ 24 ਫਰਵਰੀ, 2024 ਨੂੰ ਰਾਤ 8 ਵਜੇ ਤੋਂ 8:45 ਵਜੇ ਦੇ ਵਿਚਕਾਰ ਖੇਤਰ ਵਿੱਚ ਮੌਜੂਦ ਕਿਸੇ ਵੀ ਵਾਹਨ ਚਾਲਕ ਨੂੰ ਆਪਣੇ ਡੈਸ਼ ਕੈਮ ਵੀਡੀਓ ਦੀ ਜਾਂਚ ਕਰਨ ਲਈ ਵੀ ਕਹਿ ਰਹੇ ਹਨ। ਇਸ ਮਾਮਲੇ ਸੰਬੰਧੀ ਕੋਈ ਵੀ ਜਾਣਕਾਰੀ ਹੋਣ ’ਤੇ ਨੋਨਾਈਮੋ ਆਰ.ਸੀ.ਐੱਮ.ਪੀ. ਨਾਲ 250-754-2345 ’ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
