18.99C Vancouver 18.99C VancouverDec 1, 2022 1:55 AM - Connect News
ਬੀ.ਸੀ. ਦੇ 13 ਨਿਵਾਸੀਆਂ ਨੂੰ ਵੀਰਵਾਰ ਨੂੰ ਸੂਬੇ ਦੇ ਸਭ ਤੋਂ ਵੱਡੇ ਸਨਮਾਨ, ਆਰਡਰ ਆਫ ਬ੍ਰਿਟਿਸ਼ ਕੋਲੰਬੀਆ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
ਇਹ ਸਨਮਾਨ ਸਮਾਗਮ ਸ਼ਾਮ 5 ਵਜੇ ਵਿਕਟੋਰੀਆ 'ਚ ਗਵਰਨਮੈਂਟ ਹਾਊਸ 'ਚ ਹੋਵੇਗਾ।
ਜਿਹੜੀਆਂ ਸਖਸੀਅਤਾਂ ਨੂੰ ਸਨਮਾਨਿਤ ਕੀਤਾ ਜਾ ਰਿਹਾ ਹੈ, ਉਨ੍ਹਾਂ 'ਚ ਦੇਸ਼ ਦੀ ਦਿੱਗਜ ਸੌਕਰ ਖਿਡਾਰਨ ਕ੍ਰਿਸਟੀਨ ਸਿੰਕਲੇਅਰ ਵੀ ਸ਼ਾਮਿਲ ਹਨ।
ਹਾਲਾਂਕਿ ਜਾਣਕਾਰੀ ਅਨੁਸਾਰ ਕ੍ਰਿਸਟੀਨ ਸਿੰਕਲੇਅਰ ਵੱਲੋਂ ਵਰਚੁਅਲ ਢੰਗ ਨਾਲ ਇਸ ਸਮਾਗਮ ਦਾ ਹਿੱਸਾ ਬਣਿਆ ਜਾਵੇਗਾ।
ਇਸੇ ਸੂਚੀ 'ਚ ਕੋਕਟਲਮ ਦੇ ਹਰਿੰਦਰ ਮਹਿਲ ਵੀ ਸ਼ਾਮਿਲ ਹਨ।
ਹਰਿੰਦਰ ਮਹਿਲ ਬੀ.ਸੀ. ਦੇ ਹਿਊਮਨ ਰਾਈਟ ਕਮਿਸ਼ਨ/ਮਨੁੱਖੀ ਅਧਿਕਾਰ ਕਮਿਸ਼ਨ ਦੇ ਸਾਬਕਾ ਕਮਿਸ਼ਨਰ ਹਨ।
ਉਹ 19 ਸਾਲ ਦੀ ਉਮਰ 'ਚ ਸਾਲ 1970 'ਚ ਬੀ.ਸੀ. ਆਏ ਸਨ ਅਤੇ ਸ਼ੁਰੂਆਤੀ ਦਿਨਾਂ 'ਚ ਐਬਟਸਫੋਰਡ 'ਚ ਖੇਤੀਬਾੜੀ ਨਾਲ ਜੁੜੀਆਂ ਨੌਕਰੀਆਂ ਨਾਲ ਜੁੜੇ ਰਹੇ ਸਨ।
ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਸਦਕਾ ਬੀ.ਸੀ. ਦੇ ਐਂਪਲਾਏਮੈਂਟ ਸਟੈਂਡਰਡਸ ਐਕਟ 'ਚ ਅਹਿਮ ਤਬਦੀਲੀਆਂ ਹੋਈਆਂ ਸਨ।
ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਸਦਕਾ ਕਨੇਡੀਅਨ ਫਾਰਮਵਰਕਰਸ ਯੂਨੀਅਨ ਵੀ ਸਥਾਪਿਤ ਹੋਈ ਸੀ।
ਇਸੇ ਸੂਚੀ 'ਚ ਚੀਫ਼ ਰੋਜ਼ੈਨ ਕੈਸੀਮੀਰ, ਨੇਜ਼ਾਤ ਖੋਸਰੋਸ਼ਾਹੀ, ਕੈਥੀ ਕਿਨਲੌਚ, ਜੌਏ ਮੈਕਫੇਲ, ਫਰੈਡ ਟਿੰਗ ਸ਼ੈਕ ਮਾਹ, ਮੌਰੀਨ ਮੈਲਨੀ, ਜੈਫ ਪਲਾਂਟ, ਪੌਲ ਸਪੌਂਗ, ਜਰਾਲਡ ਸੇਂਟ ਜਰਮੇਨ, ਜੋਡੀ ਵਿਲਸਨ ਰੇਬੋਲਡ ਅਤੇ ਬਰੂਸ ਮਨਰੋ ਰਾਈਟ ਵੀ ਸ਼ਾਮਿਲ ਹਨ।
