27.68C Vancouver 27.68C VancouverAug 30, 2022 9:31 PM - The Canadian Press
ਬੀ.ਸੀ. ਦੀ ਬੀਤੇ ਸਾਲ ਦੀ ਇਕਨੌਮਿਕ ਰਿਕਵਰੀ ਅਨੁਮਾਨ ਦੇ ਮੁਕਾਬਲੇ ਬਿਹਤਰ ਰਹੀ।
ਸੂਬੇ ਦੇ ਔਡੀਟਿਡ ਬਜਟ ਅੰਕੜੇ $1.3 ਬਿਲੀਅਨ ਦਾ ਸਰਪਲਸ ਦਰਸ਼ਾਉਂਦੇ ਹਨ। ਇਸ ਤੋਂ ਪਹਿਲਾਂ ਦੀ ਪ੍ਰੋਜੈਕਸ਼ਨ 'ਚ ਕਰੀਬ $10 ਬਿਲੀਅਨ ਦੇ ਡੈਫੀਸੀਟ ਦਾ ਅੰਦਾਜਾ ਪੇਸ਼ ਕੀਤਾ ਗਿਆ ਸੀ।
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਨੇ ਕਿਹਾ ਕਿ ਸੂਬੇ ਦੀ ਇਕਾਨਮੀ ਨੇ ਸਾਲ 2021-22 ਦੇ ਦੌਰਾਨ ਪਬਲਿਕ ਅਤੇ ਪ੍ਰਾਈਵੇਟ ਸੈਕਟਰ ਪ੍ਰੈਡੀਕਸ਼ਨਸ ਨੂੰ ਆਊਟਪ੍ਰਫਾਰਮ ਕਰ ਵਿਖਾਇਆ।
ਉਨ੍ਹਾਂ ਕਿਹਾ ਕਿ ਅਪ੍ਰੈਲ 2021 ਦਾ ਬਜਟ ਕੋਵਿਡ-19 ਪੈਂਡੈਮਿਕ ਦੀ ਮਾਰ ਵਿਚਾਲੇ ਐਲਾਨਿਆ ਗਿਆ ਸੀ ਅਤੇ ਉਸ ਦੌਰਾਨ $9.7 ਬਿਲੀਅਨ ਦੇ ਡੈਫੀਸੀਟ ਦਾ ਅੰਦਾਜਾ ਲਗਾਇਆ ਗਿਆ ਸੀ ਪਰ ਪੂਰੇ ਸਾਲ ਦੌਰਾਨ ਰੈਵੀਨਿਊਸ ਬਿਹਤਰ ਹੁੰਦੇ ਗਏ।
ਉਨ੍ਹਾਂ ਕਿਹਾ ਕਿ ਇਹ ਬਿਹਤਰੀ ਇਕਾਨਮੀ ਦੀ ਰੀ-ਓਪਨਿੰਗ ਆਸਰੇ ਹੋਏ ਟੈਕਸ ਰੈਵੀਨਿਊ ਦੇ ਵਾਧੇ ਕਾਰਨ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਇਸ ਬਿਹਤਰੀ ਲਈ ਕੋਵਿਡ-19 ਅਤੇ ਡਿਜਾਸਟਰਸ ਸੰਬੰਧੀ ਇੱਕ ਵਾਰ ਦੀਆਂ ਪੇਮੈਂਟਸ, ਵਧੇਰੇ ਨੈਚੁਰਲ ਰਿਸੋਰਸ ਰੈਵੀਨਿਊ ਅਤੇ ਆਈ.ਸੀ.ਬੀ.ਸੀ. ਸਮੇਤ ਵਧੇਰੀ ਕਰਾਊਨ ਕੌਰਪੋਰੇਸ਼ਨ ਕਮਾਈ ਬੂਤੇ ਇਹ ਬਦਲਾਅ ਹੋ ਸਕਿਆ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਸਰਕਾਰ ਨੂੰ ਆਸ ਹੈ ਕਿ ਇੰਫਲੇਸ਼ਨ ਨਾਲ ਲੜ੍ਹਨ ਲਈ ਵਰਤੇ ਜਾਣ ਵਾਲੇ ਕਦਮਾਂ ਆਸਰੇ ਇਕਾਨਮੀ ਨੂੰ ਹੋਰ ਹੁਲਾਰਾ ਦੇਣ ਦੀ ਆਸ ਹੈ।
ਸਿਲੀਨਾ ਰੌਬਿਨਸਨ ਨੇ ਕਿਹਾ ਕਿ ਸੂਬਾ ਸਰਕਾਰ ਨੇ ਇਸੇ ਹਫ਼ਤੇ $60 ਮਿਲੀਅਨ ਦੀ ਐਜੂਕੇਸ਼ਨ ਸੱਪੋਰਟ ਵੀ ਐਲਾਨੀ ਹੈ ਜਿਸ ਨਾਲ ਸਕੂਲਾਂ ਨੂੰ ਮੀਲ ਪ੍ਰੋਗਰਾਮਸ ਐਕਸਪੈਂਡ ਕਰਨ 'ਚ ਮਦਦ ਹੋਵੇਗੀ ਅਤੇ ਪਰਿਵਾਰਾਂ ਨੂੰ ਸਕੂਲ ਸਪਲਾਈਸ ਅਤੇ ਫੀਲਡ-ਟ੍ਰਿਪ ਕੀਮਤਾਂ ਪ੍ਰਤੀ ਮਦਦ ਮਿਲ ਸਕੇਗੀ।
