13.32C Vancouver 13.32C VancouverNov 21, 2024 7:41 PM - Connect Newsroom
ਬੀ.ਸੀ. ਦੇ ਸਾਊਥ ਕੋਸਟ ਵਿਚ ਸ਼ੁੱਕਰਵਾਰ ਨੂੰ ਮੁੜ ਤੂਫਾਨ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਲਗਾਤਾਰ ਇਨ੍ਹਾਂ ਤੂਫਾਨਾਂ ਨਾਲ ਲੋਕਾਂ ਨੂੰ ਕਾਫੀ ਪਰੇਸ਼ਾਨੀ ਹੋਈ ਹੈ। ਵਾਤਾਵਰਣ ਕੈਨੇਡਾ ਮੁਤਾਬਕ ਵਾਸ਼ਿੰਗਟਨ ਦੇ ਤੱਟ ਵਿਚ ਵੀਰਵਾਰ ਰਾਤ ਮੌਸਮ ਖਰਾਬ ਰਹੇਗਾ ਅਤੇ ਇਹ ਵੈਨਕੂਵਰ ਟਾਪੂ ਤੱਕ ਕੱਲ੍ਹ ਸਵੇਰੇ ਇਸ ਦਾ ਅਸਰ ਦੇਖਣ ਨੂੰ ਮਿਲੇਗਾ।
ਵੈਨਕੂਵਰ ਟਾਪੂ ਅਤੇ ਸਨਸ਼ਾਈਨ ਕੋਸਟ ਵਿਚ ਮੌਸਮ ਦੀ ਖਾਸ ਚਿਤਾਵਨੀ ਜਾਰੀ ਕੀਤੀ ਗਈ ਹੈ ਜਦਕਿ ਬੋਵੇਨ ਟਾਪੂ ਸਣੇ ਹੋਵ ਸਾਊਂਡ ਦੇ ਦੱਖਣੀ ਇਲਾਕੇ ਲਈ ਤੇਜ਼ ਹਵਾਵਾਂ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ।
ਔਫੀਸ਼ੀਅਲਜ਼ ਮੁਤਾਬਕ ਹੋਵ ਸਾਊਂਡ ਵਿਚ ਤੇਜ਼ ਹਵਾਵਾਂ ਰਾਤ ਸਮੇਂ ਹੀ ਸ਼ੁਰੂ ਹੋ ਜਾਣਗੀਆਂ ਜੋ ਸ਼ੁੱਕਰਵਾਰ ਸਵੇਰ ਤੱਕ 90 ਕਿਲੋ ਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਤੇਜ਼ ਹਵਾਵਾਂ ਚੱਲਣਗੀਆਂ ਜੋ ਰਾਤ ਸਮੇਂ ਮੱਧਮ ਪੈ ਸਕਦੀਆਂ ਹਨ। ਏਜੰਸੀ ਨੇ ਚਿਤਾਵਨੀ ਦਿੱਤੀ ਕਿ ਇਸ ਕਾਰਨ ਦਰੱਖਤਾਂ ਦੀਆਂ ਟਹਿਣੀਆਂ ਡਿੱਗਣ, ਬਿਜਲੀ ਬੰਦ ਹੋਣ ਸ਼ਿੰਗਲਜ਼ ਛੱਤਾਂ ਵਰਗੇ ਹੋਰ ਨੁਕਸਾਨ ਹੋ ਸਕਦੇ ਹਨ। ਡਰਾਈਵਰਜ਼ ਨੂੰ ਵੀ ਧਿਆਨ ਨਾਲ ਡਰਾਈਵ ਕਰਨ ਦੀ ਜ਼ਰੂਰਤ ਹੈ।
