12.96C Vancouver 12.96C VancouverNov 17, 2021 1:23 AM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਅੱਜ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ 'ਚ ਕੋਵਿਡ-19 ਦੇ ਇੱਕ ਹੋਰ ਵੇਰੀਐਂਟ ਨੇ ਦਸਤਕ ਦਿੱਤੀ ਹੈ।
ਉਨ੍ਹਾਂ ਦੱਸਿਆ ਕਿ ਬੀ.ਸੀ. 'ਚ AY.4.2 ਡੈਲਟਾ ਵੇਰੀਐਂਟ ਦਾ ਪਹਿਲਾ ਕੇਸ ਦਰਜ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਹ ਵੇਰੀਐਂਟ ਡੈਲਟਾ ਵੇਰੀਐਂਟ ਨਾਲ ਹੀ ਸੰਬੰਧਤ ਹੈ।
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਵਿਸ਼ਵ 'ਚ ਇਸ ਪ੍ਰਕਾਰ ਦੇ ਸਬਲਿਨੀਏਜਿਸ ਦੇ 120 ਪ੍ਰਕਾਰ ਸਾਹਮਣੇ ਆ ਚੁੱਕੇ ਹਨ।
ਉਨ੍ਹਾਂ ਕਿਹਾ ਕਿ ਬੀ.ਸੀ. 'ਚ ਸਾਹਮਣੇ ਆਇਆ AY.4.2 ਡੈਲਟਾ ਵੇਰੀਐਂਟ ਵੀ ਇਸੇ ਪ੍ਰਕਾਰ ਦੇ ਸਬਲਿਨੀਏਜਿਸ ਦਾ ਇੱਕ ਹਿੱਸਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਸੰਬੰਧੀ ਜੀਨੋਮ ਸਿਕੁਐਨਸਿੰਗ 'ਤੇ ਕੰਮ ਕੀਤਾ ਜਾ ਰਿਹਾ ਹੈ ਅਤੇ ਡੈਲਟਾ ਵੇਰੀਐਂਟ ਦੇ ਸਟ੍ਰੇਨ ਬਾਕੀ ਵੇਰੀਐਂਟਸ ਦੇ ਮੁਕਾਬਲਾ ਵਧੇਰੀ ਤੇਜੀ ਨਾਲ ਫੈਲ ਰਹੇ ਹਨ ਅਤੇ ਇਸ ਨਾਲ ਯੁਵਾ ਵਰਗ ਵੀ ਕਾਫੀ ਪ੍ਰਭਾਵਿਤ ਹੋ ਰਿਹਾ ਹੈ।
ਬੀ.ਸੀ. 'ਚ ਜੈਂਸਨ ਵੈਕਸੀਨ ਪ੍ਰਦਾਨ ਕਰਨ ਦੀ ਤਿਆਰੀ
ਡਾ. ਬੌਨੀ ਹੈਨਰੀ ਨੇ ਅੱਜ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ 'ਚ ਜੌਨਸਨ ਐਂਡ ਜੌਨਸਨ ਦੀ ਕੋਵਿਡ-19 ਵੈਕਸੀਨ ਦੀ ਸਪਲਾਈ ਸ਼ੁਰੂ ਹੋ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਜੈਂਸਨ ਵੈਕਸੀਨ ਹਾਸਿਲ ਕਰਨ ਦੇ ਲੋਕ ਇਸਲਈ ਬੁਕਿੰਗ ਹਾਸਿਲ ਕਰ ਸਕਦੇ ਹਨ।
ਹਾਲਾਂਕਿ ਉਹ ਪਹਿਲਾਂ ਹੀ ਜਾਣਕਾਰੀ ਦੇ ਚੁੱਕੇ ਹਨ ਕਿ ਇਸ ਵੈਕਸੀਨ ਲਈ ਹੈਲਥ ਕਰਮਚਾਰੀਆਂ ਨੂੰ ਪਹਿਲਾਂ ਤਰਜੀਹ ਦਿੱਤੀ ਜਾਵੇਗੀ।
ਉਨ੍ਹਾਂ ਦੱਸਿਆ ਕਿ ਇਸ ਵੈਕਸੀਨ ਨੂੰ ਹਾਸਿਲ ਕਰਨ ਦੇ ਚਾਹਵਾਨ ਲੋਕ ਇਮਿਊਨਾਈਜ ਬੀ.ਸੀ. ਦੇ ਕਾਲ ਸੈਂਟਰ 'ਤੇ ਸੰਪਰਕ ਕਰ ਸਕਦੇ ਹਨ।
ਇਸ ਤੋਂ ਬਾਅਦ ਏਜੈਂਟ ਨੂੰ ਕਿਹਾ ਜਾ ਸਕਦਾ ਹੈ ਕਿ ਤੁਸੀਂ ਇਸ ਵੈਕਸੀਨ ਦੇ ਲਈ ਵੇਟ ਲਿਸਟ 'ਤੇ ਰਹਿਣਾ ਚਾਹੁੰਦੇ ਹੋ।
ਉਨ੍ਹਾਂ ਦੱਸਿਆ ਕਿ ਫਿਲਹਾਲ ਇਸ ਵੈਕਸੀਨ ਦੀਆਂ 5,000 ਡੋਜ਼ ਸੂਬੇ ਕੋਲ ਪਹੁੰਚੀਆਂ ਹਨ।
ਉਨ੍ਹਾਂ ਇਸ ਮੌਕੇ ਇਹ ਵੀ ਕਿਹਾ ਕਿ ਉਹ ਆਸ ਕਰ ਰਹੇ ਹਨ ਕਿ ਦੇਸ਼ ਦੇ ਵਿੱਚ ਜਲਦੀ ਹੀ 5 ਤੋਂ 11 ਸਾਲ ਦੇ ਬੱਚਿਆਂ ਲਈ ਵੈਕਸੀਨ ਨੂੰ ਮਨਜੂਰੀ ਦੇ ਦਿੱਤੀ ਜਾਵੇ।
ਉਨ੍ਹਾਂ ਕਿਹਾ ਕਿ ਇਸ ਵਰਗ ਦੇ ਬੱਚਿਆਂ ਲਈ ਬਣਾਈ ਗਈ ਵੈਕਸੀਨ 'ਚ ਵੈਕਸੀਨ ਦੀ ਮਾਤਰਾ ਲੋੜ ਅਨੁਸਾਰ ਘਟ ਰੱਖੀ ਗਈ ਹੈ ਅਤੇ ਇਸ ਦੇ ਨਾਲ ਬੱਚਿਆਂ ਨੂੰ ਘਟ ਦਰਦ ਹੋਵੇਗਾ ਅਤੇ ਵੈਕਸੀਨ ਨਾਲ ਹੋਣ ਵਾਲੇ ਲੱਛਣ ਵੀ ਘਟ ਸਥਾਪਿਤ ਹੋਣਗੇ।
ਉਨ੍ਹਾਂ ਦੱਸਿਆ ਕਿ ਬੱਚਿਆਂ 'ਚ ਵੈਕਸੀਨੇਸ਼ਨ ਨੂੰ ਮੈਂਡੇਟੋਰੀ ਨਹੀਂ ਬਣਾਇਆ ਜਾਵੇਗਾ ਅਤੇ ਇਸ ਦੀ ਚਾਇਸ ਮਾਪਿਆਂ ਦੀ ਹੋਵੇਗੀ।
