18.9C Vancouver 18.9C VancouverSep 12, 2022 7:13 PM - The Canadian Press
ਬੀ.ਸੀ. ਦੇ ਵਿੱਤ ਮੰਤਰਾਲੇ ਵੱਲੋਂ ਅੱਜ ਪਹਿਲੀ ਕੁਆਟਰਲੀ ਅਪਡੇਟ ਸਾਂਝੀ ਕੀਤੀ ਗਈ ਹੈ।
ਇਸ ਦੌਰਾਨ ਸਾਲ ਦੇ ਪਹਿਲੇ 3 ਮਹੀਨਿਆਂ ਦੇ ਵਿੱਤੀ ਹਾਲਾਤਾਂ ਸੰਬੰਧੀ ਇੱਕ ਤਸਵੀਰ ਪੇਸ਼ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਸਾਲ 2022-23 ਦੇ ਬਜਟ ਦੌਰਾਨ ਪਹਿਲਾਂ ਪੇਸ਼ ਕੀਤੇ ਗਏ ਅਨੁਮਾਨ 'ਚ $5.46 ਬਿਲੀਅਨ ਦੇ ਡੈਫੀਸੀਟ ਦਾ ਅੰਦਾਜਾ ਲਗਾਇਆ ਗਿਆ ਸੀ।
ਪਰ ਹੁਣ ਜਾਣਕਾਰੀ ਦਿੱਤੀ ਗਈ ਕਿ ਨਵੇਂ ਅਨੁਮਾਨ ਅਨੁਸਾਰ $706 ਮਿਲੀਅਨ ਦੇ ਆਪਰੇਟਿੰਗ ਸਰਪਲਸ ਦਾ ਅੰਦਾਜਾ ਪੇਸ਼ ਕੀਤਾ ਗਿਆ ਹੈ।
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਨੇ ਕਿਹਾ ਕਿ ਪਹਿਲੇ 3 ਮਹੀਨਿਆਂ ਦੇ ਫਿਸਕਲ ਨਤੀਜੇ ਬਿਹਤਰ ਅੰਕੜੇ ਪੇਸ਼ ਕਰ ਰਹੇ ਹਨ ਅਤੇ ਇਹ ਚੰਗੀ ਖਬਰ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਵਧਦੀ ਗਲੋਬਲ ਇੰਫਲੇਸ਼ਨ ਵਿਚਾਲੇ ਬੀ.ਸੀ. ਵਾਸੀਆਂ ਲਈ ਕਈ ਚੁਣੌਤੀਆਂ ਹਨ ਅਤੇ ਇਸ 'ਚ ਅੰਤਰਰਾਸ਼ਟਰੀ ਇਕਨੌਮਿਕ ਚੁਣੌਤੀਆਂ ਵੀ ਸ਼ਾਮਿਲ ਹਨ।
ਉਨ੍ਹਾਂ ਕਿਹਾ ਕਿ ਬਜਟ 2022 ਮੁਕਾਬਲੇ ਫਿਸਕਲ ਤਸਵੀਰ ਬਦਲ ਜਰੂਰ ਰਹੀ ਹੈ ਪਰ ਕੁਝ ਰਿਸਕ ਵੀ ਹਨ ਜੋ ਕੇ ਬੀ.ਸੀ. ਦੀ ਇਕਾਨਮੀ ਸਾਹਮਣੇ ਖੜੇ ਹਨ।
ਉਨ੍ਹਾਂ ਕਿਹਾ ਕਿ ਅਗਲੇ ਸਾਲ ਬੀ.ਸੀ. 'ਚ ਇਕਾਨਮੀ ਦੇ ਵਧਣ ਦੇ ਆਸਾਰ ਹਨ ਪਰ ਵਧਦੀ ਇੰਫਲੇਸ਼ਨ, ਪੈਂਡੈਮਿਕ, ਵਧਦੇ ਇੰਟ੍ਰਸਟ ਰੇਟਸ ਅਤੇ ਯੂਰੋਪ ਦੀ ਜੀਓਪੌਲੀਟੀਕਲ ਕੰਫਲਿਕਟ ਵਿਚਾਲੇ ਬੀ.ਸੀ. ਦੀ ਇਕਨਾਮਿਕ ਆਊਟਲੁਕ ਪ੍ਰਭਾਵਿਤ ਹੁੰਦੀ ਰਹੀ ਹੈ।
