14.65C Vancouver 14.65C VancouverMar 11, 2022 10:44 PM - The Canadian Press
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਸੂਬੇ ਦੇ ਯੁਕ੍ਰੇਨੀਅਨ ਲੀਡਰਾਂ ਨਾਲ ਮੁਲਾਕਾਤ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਯੂਕਰੇਨ ਤੋਂ ਆਉਂਦੇ ਲੋਕਾਂ ਦੇ ਨਾਲ ਸੰਬੰਧਤ ਕਈ ਚੁਣੌਤੀਆਂ ਹਨ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਚੁਣੌਤੀਆਂ ਬਾਰੇ ਉਨ੍ਹਾਂ ਦੀ ਦੇਸ਼ ਦੇ ਹੋਰ ਸੂਬਿਆਂ ਦੇ ਪ੍ਰੀਮਿਅਰਸ ਨਾਲ ਵੀ ਇੱਕ ਕਾਨਫਰੰਸ ਕਾਲ ਜਰੀਏ ਗੱਲਬਾਤ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਆਉਂਦੇ ਦਿਨਾਂ ਅਤੇ ਹਫਤਿਆਂ 'ਚ ਯੂਕਰੇਨ ਦੇ ਬਹੁਤ ਸਾਰੇ ਲੋਕ ਕੈਨੇਡਾ ਪਹੁੰਚਣਗੇ।
ਹੌਰਗਨ ਅਨੁਸਾਰ ਇਨ੍ਹਾਂ ਲੋਕਾਂ ਨੂੰ ਸੈਟਲ ਕਰਨ ਸੰਬੰਧੀ ਕਈ ਚੁਣੌਤੀਆਂ ਪੇਸ਼ ਆਉਣਗੀਆਂ।
ਉਨ੍ਹਾਂ ਕਿਹਾ ਕਿ ਯੂਕਰੇਨ 'ਤੇ ਹਮਲੇ ਵਿਚਾਲੇ ਯੂਰੋਪ 'ਚ ਰੈਫਿਊਜੀ ਕਰਾਈਸਿਸ ਖੜਾ ਹੋ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਅਸੀਂ ਹੁਣੇ ਤੋਂ ਟਰਾਂਸਲੇਸ਼ਨ ਅਤੇ ਟਰੌਮਾ ਕਾਊਂਸਲਿੰਗ ਜਿਹੇ ਮਸਲਿਆਂ ਦੇ ਹੱਲ ਲੱਭਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਹਾਊਸਿੰਗ ਸੰਕਟ ਵਿਚਾਲੇ ਵੀ ਇਥੇ ਆਉਂਦੇ ਯੁਕ੍ਰੇਨੀਅਨਸ ਨੂੰ ਸੰਭਾਲਣਾ ਇੱਕ ਚੁਣੌਤੀ ਹੋਵੇਗੀ।
ਪਰ ਉਨ੍ਹਾਂ ਕਿਹਾ ਕਿ ਸਰਕਾਰ ਇਸ ਸਭ ਦਾ ਹੱਲ ਕੱਢਣ ਲਈ ਕੋਸ਼ਿਸ਼ ਜਾਰੀ ਰੱਖ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਚਰਚ ਅਤੇ ਹੋਰ ਧਾਰਮਿਕ ਥਾਵਾਂ ਵੱਲੋਂ ਦਰਵਾਜੇ ਵੀ ਖੁਲ੍ਹੇ ਗਏ ਹਨ ਅਤੇ ਸਕੀ ਹਿਲਸ ਦੇ ਆਫ ਸੀਜਨ ਮੌਕੇ ਅਤੇ ਯੂਨੀਵਰਸਿਟੀ ਕੈਂਪਸ 'ਚ ਵੀ ਰਹਿਣ ਦੇ ਪ੍ਰਬੰਧ ਦੀ ਆਪਸ਼ਨ ਖੁੱਲ੍ਹੀ ਹੈ।
