13.77C Vancouver 13.77C VancouverOct 8, 2022 12:15 AM - The Canadian Press
ਹੈਲਥ ਕੈਨੇਡਾ ਨੇ ਵੀਰਵਾਰ ਨੂੰ ਫਾਈਜ਼ਰ-ਬਾਇਓਐਨਟੈਕ ਦੇ ਬੀ.ਏ.4 ਅਤੇ ਬੀ.ਏ.5 ਓਮੀਕਰੌਨ ਵੇਰੀਐਂਟ ਨੂੰ ਨਿਸ਼ਾਨਾ ਬਣਾਉਣ ਵਾਲੀ ਕੋਵਿਡ-19 ਬੂਸਟਰ ਵੈਕਸੀਨ ਨੂੰ ਮਨਜੂਰੀ ਦੀ ਦਿੱਤੀ ਹੈ।
ਇਸ ਦੇ ਨਾਲ ਹੀ ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਇੱਕ ਸਾਂਝਾ ਬਿਆਨ ਜਾਰੀ ਕਰ ਦੱਸਿਆ ਹੈ ਕਿ ਇਹ ਵੈਕਸੀਨ ਬੀ.ਸੀ. 'ਚ ਵੀ ਜਲਦੀ ਹੀ ਪਹੁੰਚਣ ਦੀ ਆਸ ਹੈ।
ਪੂਰੇ ਦੇਸ਼ ਦੀ ਤਰ੍ਹਾਂ ਬੀ.ਸੀ. 'ਚ ਵੀ ਇਹ ਵੈਕਸੀਨ ਘਟੋ-ਘੱਟ 12 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ ਨੂੰ ਪ੍ਰਦਾਨ ਕੀਤੀ ਜਾ ਸਕੇਗੀ।
ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸੂਬੇ ਨੂੰ ਇਸ ਬਾਇਵੇਲੈਂਟ ਵੈਕਸੀਨ ਦੀਆਂ 1.7 ਮਿਲੀਅਨ ਖੁਰਾਕਾਂ ਪਹੁੰਚ ਰਹੀਆਂ ਹਨ।
ਇਸ ਦੀਆਂ ਖੁਰਾਕਾਂ ਹੈਲਥ ਅਥਾਰਿਟੀ ਦੇ ਕਲੀਨਿਕਸ ਅਤੇ ਫਾਰਮੇਸੀਆਂ 'ਤੇ ਉਪਲਭਧ ਹੋਣਗੀਆਂ।
ਵੈਕਸੀਨ ਦੀਆਂ ਪਹਿਲਾਂ 2 ਖੁਰਾਕਾਂ ਹਾਸਿਲ ਕਰ ਚੁੱਕੇ ਲੋਕਾਂ ਨੂੰ ਇਹ ਵੈਕਸੀਨ ਉਸ ਤੋਂ ਜਾਂ ਬੂਸਟਰ ਖੁਰਾਕ ਤੋਂ 3 ਤੋਂ 6 ਮਹੀਨੇ ਦੇ ਫਰਕ 'ਤੇ ਪ੍ਰਦਾਨ ਕੀਤੀ ਜਾ ਸਕੇਗੀ।
