13.93C Vancouver 13.93C VancouverJul 17, 2020 1:34 AM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਫੈਡਰਲ ਸਰਕਾਰ ਦੇ ਸੁਰੱਖਿਅਤ ਰੀਸਟਾਰਟ ਪ੍ਰੋਗਰਾਮ ਤਹਿਤ ਸੂਬੇ ਨੂੰ $2.2 ਬਿਲੀਅਨ ਮਿਲਣ ਦੀ ਆਸ ਜ਼ਾਹਿਰ ਕੀਤੀ ਹੈ।
ਫੈਡਰਲ ਸਰਕਾਰ ਵੱਲੋਂ ਦਿੱਤੇ ਜਾ ਰਹੇ ਕੁੱਲ $19 ਬਿਲੀਅਨ ਵਿੱਚੋਂ ਬੀ.ਸੀ. ਦੇ ਖਾਤੇ 'ਚ $2 ਬਿਲੀਅਨ ਆਉਣ ਦੀ ਉਮੀਦ ਜਤਾਈ ਗਈ ਹੈ।
ਇਸ ਰੀਸਟਾਰਟ ਪ੍ਰੋਗਰਾਮ ਵਿੱਚ ਤਨਖ਼ਾਹ ਸਮੇਤ ਬਿਮਾਰੀ ਸੰਬੰਧਿਤ ਛੁੱਟੀ ਦੇ ਰਾਸ਼ਟਰੀ ਪ੍ਰੋਗਰਾਮ ਸ਼ਾਮਿਲ ਹੋਣ ਨੂੰ ਵੱਡੀ ਕਾਮਯਾਬੀ ਕਰਾਰ ਦਿੰਦਿਆਂ ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਹੈ ਕਿ ਉਸ ਦੇ ਲਈ ਧੰਨਵਾਦੀ ਹਨ।
ਆਪਣੀ ਹਰ ਹਫ਼ਤੇ ਹੋਣ ਵਾਲੀ ਪ੍ਰੈਸ ਕਾਨਫਰੰਸ ਵਿੱਚ ਜੌਨ ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਨੇ ਬਾਕੀ ਕੈਨੇਡਾ 'ਤੇ 'ਪੇਡ ਸਿੱਕ ਲੀਵ' ਦੇ ਵਿਚਾਰ ਨੂੰ ਕਬੂਲ ਕਰਨ ਲਈ ਜ਼ੋਰ ਦਿੱਤਾ ਅਤੇ ਪ੍ਰਧਾਨ ਮੰਤਰੀ ਅਤੇ ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਸਭ ਤੋਂ ਪਹਿਲਾਂ ਇਸ ਵਿਚਾਰ ਨਾਲ ਸਹਿਮਤ ਹੋਏ।
ਪ੍ਰੀਮਿਅਰ ਹੌਰਗਨ ਨੇ ਦੱਸਿਆ ਕਿ ਹੁਣ ਫੈਡਰਲ ਸਰਕਾਰ ਵੱਲੋਂ ਬੀ.ਸੀ. ਟ੍ਰਾਂਜ਼ਿਟ ਅਤੇ ਟ੍ਰਾਂਸਲਿੰਕ ਦੇ ਲਈ 50/50 ਪਾਰਟਨਰਸ਼ਿਪ ਦੇ ਆਧਾਰ 'ਤੇ ਮਦਦ ਕੀਤੀ ਜਾਵੇਗੀ।
ਓਪੀਓਇਡ ਸੰਕਟ ਬਾਰੇ ਗੱਲ ਕਰਦਿਆਂ ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੂੰ ਇਹ ਸੰਕਟ ਵਿਰਾਸਤ ਵਿੱਚ ਮਿਲਿਆ ਹੈ।
ਉਨ੍ਹਾਂ ਨੇ ਆਪਣੀ ਗੱਲ ਨੂੰ ਦੁਹਰਾਉਂਦਿਆਂ ਕਿਹਾ ਕਿ ਨਸ਼ੇ ਦੀ ਨਿੱਜੀ ਵਰਤੋਂ ਨੂੰ ਗੈਰ ਅਪਰਾਧਿਕ ਐਲਾਨੇ ਜਾਣ ਦੀ ਲੋੜ ਹੈ।
