ਬੀ. ਸੀ. ਸਰਕਾਰ ਫਿਲੀਪੀਨੋ ਫੈਸਟੀਵਲ ਹਮਲੇ ਦੀ ਜਾਂਚ ਲਈ ਲਾਂਚ ਕਰੇਗੀ ਪਬਲਿਕ ਇਨਕਆਰੀ

ਬੀ. ਸੀ. ਸਰਕਾਰ ਫਿਲੀਪੀਨੋ ਫੈਸਟੀਵਲ ਹਮਲੇ ਦੇ ਮਾਮਲੇ ਵਿਚ ਜਨਤਕ ਜਾਂਚ ਲਾਂਚ ਕਰ ਸਕਦੀ ਹੈ। ਪ੍ਰੀਮੀਅਰ ਡੇਵਿਡ ਈਬੀ ਨੇ ਅੱਜ ਕਿਹਾ ਕਿ ਬ੍ਰਿਟਿਸ਼ ਕੋਲੰਬੀਆ ਅਤੇ ਉਹ ਖੁਦ ਇਸ ਗੱਲ ਦਾ ਜਵਾਬ ਚਾਹੁੰਦੇ ਹਨ ਕਿ ਇਹ ਦੁਖਾਂਤ ਕਿਵੇਂ ਹੋਇਆ, ਵਿਅਕਤੀ ਕੌਣ ਸੀ, ਇਸ ਹਮਲੇ ਤੋਂ ਪਹਿਲਾਂ ਤੱਕ ਦੀ ਸਥਿਤੀ ਕੀ ਸੀ।

ਪ੍ਰੀਮੀਅਰ ਨੇ ਕਿਹਾ ਕਿ ਜੇ ਕ੍ਰਿਮੀਨਲ ਇਨਵੈਸਟੀਗੇਸ਼ਨ ਅਤੇ ਟ੍ਰਾਇਲ ਸੂਬਾ ਵਾਸੀਆਂ ਨੂੰ ਉਹ ਜਵਾਬ ਦੇਣ ਵਿਚ ਫੇਲ੍ਹ ਹੋਏ ਜਿਨ੍ਹਾਂ ਦੀ ਸਾਨੂੰ ਲੋੜ ਹੈ ਤਾਂ ਸੂਬਾ ਸਰਕਾਰ ਜਨਤਕ ਜਾਂਚ ਸੱਦੇਗੀ ਤਾਂ ਕਿ ਸਾਨੂੰ ਉਹ ਸਾਰੇ ਜਵਾਬ ਮਿਲਣ ਜਿਨ੍ਹਾਂ ਦੀ ਸਾਨੂੰ ਤਲਾਸ਼ ਹੈ।

ਈਬੀ ਨੇ ਕਿਹਾ ਕਿ ਸਾਡੀ ਪਹਿਲ ਫਿਲੀਪੀਨੋ ਕਮਿਊਨਿਟੀ ਨੂੰ ਨਿਆਂ ਦਿਵਾਉਣਾ ਹੈ ਅਤੇ ਇਹ ਯਕੀਨੀ ਬਣਾਉਣਾ ਹੈ ਕਿ ਇਸ ਕਾਰ ਹਮਲੇ ਲਈ ਜ਼ਿੰਮੇਵਾਰ ਵਿਅਕਤੀ 'ਤੇ ਮੁਕੱਦਮਾ ਚੱਲੇ ਅਤੇ ਇਨ੍ਹਾਂ ਹੱਤਿਆਵਾਂ ਲਈ ਉਸ ਨੂੰ ਦੋਸ਼ੀ ਠਹਿਰਾਇਆ ਜਾਵੇ।