13.89C Vancouver 13.89C VancouverNov 5, 2021 12:30 AM - The Canadian Press
ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ ਇੱਕ ਕਨੂੰਨ ਲਿਆਂਦਾ ਜਾ ਰਿਹਾ ਹੈ ਜਿਸ ਨਾਲ ਘਰ ਖਰੀਦਣ ਦੇ ਚਾਹਵਾਨ ਲੋਕਾਂ ਨੂੰ ਆਪਣਾ ਮਨ ਬਦਲਣ ਦਾ ਮੌਕਾ ਮਿਲ ਸਕੇ।
ਇਸ ਕਨੂੰਨ ਨੂੰ ਬਸੰਤ ਰੁੱਤ ਤਕ ਲਿਆਂਦੇ ਜਾਣ ਦੀ ਗੱਲ ਆਖੀ ਗਈ ਹੈ।
ਇਸ ਕਥਿਤ 'ਕੂਲਿੰਗ ਆਫ ਪੀਰੀਅਡ' ਦੇ ਦੌਰਾਨ ਘਰ ਖਰੀਦਣ ਵਾਲੇ ਲੋਕਾਂ ਨੂੰ ਨਾ ਦੇ ਬਰਾਬਰ ਕਨੂੰਨੀ ਸਿੱਟਿਆਂ ਦੇ ਨਾਲ ਮਨ ਬਦਲਣ ਦਾ ਮੌਕਾ ਹਾਸਿਲ ਹੋਵੇਗਾ।
ਬੀ.ਸੀ. ਫਾਈਨੈਂਸ਼ੀਅਲ ਸਰਵਿਸਿਸ ਅਥਾਰਿਟੀ ਵੱਲੋਂ ਰੀਅਲ ਐਸਟੇਟ ਇੰਡਸਟਰੀ ਨਾਲ ਵੀ ਵਿਚਾਰ ਚਰਚਾ ਕੀਤੀ ਜਾਵੇਗੀ।
ਇਸ ਤੋਂ ਇਲਾਵਾ ਹੋਰ ਮਾਹਿਰਾਂ ਨਾਲ ਗੱਲਬਾਤ 'ਚ ਕੋਸ਼ਿਸ਼ ਹੋਵੇਗੀ ਕਿ ਉਪਭੋਗਤਾਵਾਂ ਦੇ ਬਚਾਅ ਲਈ ਕਦਮ ਚੁੱਕੇ ਜਾਣ।
ਇਸ ਤੋਂ ਇਲਾਵਾ ਬਲਾਈਂਡ ਬਿਡਿੰਗ ਸਿਸਟਮ 'ਤੇ ਵੀ ਚਰਚਾ ਹੋਵੇਗੀ ਤਾਂ ਜੋ ਖਰੀਦ ਦੀ ਕੀਮਤ ਜਰੂਰਤ ਤੋਂ ਵਧੇਰੇ ਨਾ ਵਧ ਸਕੇ।
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੈਮਿਕ ਨੇ ਰੀਅਲ ਐਸਟੇਟ ਮਾਰਕਿਟ 'ਤੇ ਕਾਫੀ ਪ੍ਰਭਾਵ ਪਾਇਆ ਹੈ ਜਿਸ ਦੌਰਾਨ ਪਹਿਲਾਂ ਗਿਰਾਵਟ ਅਤੇ ਫਿਰ ਅਚਾਨਕ ਉਛਾਲ ਵੇਖਣ ਨੂੰ ਮਿਲਿਆ।
ਉਨ੍ਹਾਂ ਕਿਹਾ ਕਿ ਕੰਜ਼ਿਊਮਰ ਪ੍ਰੋਟੈਕਸ਼ਨ ਕੰਸਲਟੇਸ਼ਨ ਸਹੀ ਢੰਗ ਨਾਲ ਕੀਤੇ ਜਾਣਾ ਜਰੂਰੀ ਹੈ।
ਫਾਈਨੈਂਸ਼ੀਅਲ ਸਰਵਿਸਿਸ ਅਥਾਰਿਟੀ ਦੇ ਸੀ.ਈ.ਓ., ਬਲੇਅਰ ਮੌਰੀਸਨ ਦਾ ਕਹਿਣਾ ਸੀ ਕਿ ਫੇਅਰ ਮਾਰਕਿਟ ਅਤੇ ਲੋਕਾਂ 'ਚ ਭਰੋਸੇ ਦੇ ਵਾਧੇ ਨੂੰ ਪੁਖਤਾ ਕਰਨਾ ਬੀ.ਸੀ. ਰੀਅਲ ਐਸਟੇਟ ਸੈਕਟਰ ਲਈ ਤਰਜੀਹ ਦਾ ਮਾਮਲਾ ਹੈ।
