18.07C Vancouver 18.07C VancouverSep 21, 2021 7:35 PM -
ਫੈਡਰਲ ਚੋਣਾਂ 'ਚ ਬੀ.ਸੀ. ਦੇ ਵਿੱਚ ਕੁਝ ਸੀਟਾਂ 'ਤੇ ਬਦਲਾਅ ਵੇਖਣ ਨੂੰ ਮਿਲਿਆ ਹੈ।
ਸਾਲ 2019 ਦੀ ਤੁਲਣਾ 'ਚ 3 ਰਾਈਡਿੰਗਸ ਫਲਿਪ ਹੋਈਆਂ ਹਨ।
ਸਟੀਵਸਟਨ-ਰਿਚਮੰਡ ਦੀ ਰਾਈਡਿੰਗ ਕੰਜ਼ਰਵੇਟਿਵਸ ਤੋਂ ਲਿਬਰਲਸ ਕੋਲ ਚਲੀ ਗਈ ਹੈ।
ਉੱਧਰ ਕਲੌਵਰਡੇਲ-ਲੈਂਗਲੀ ਸਿਟੀ 'ਚ ਲਿਬਰਲ ਉਮੀਦਵਾਰ ਨੇ ਕੰਜ਼ਰਵੇਟਿਵਸ ਦੀ ਚੁਣੌਤੀ ਨੂੰ ਪਾਰ ਕਰ ਲਿਆ।
ਵੈਨਕੂਵਰ ਗ੍ਰੈਨਵਿਲ ਦੀ ਰਾਈਡਿੰਗ ਪਿਛਲੀ ਚੋਣ 'ਚ ਆਜ਼ਾਦ ਉਮੀਦਵਾਰ ਜੋਡੀ ਵਿਲਸਨ ਰੇਬੋਲਡ ਨੇ ਜਿੱਤੀ ਸੀ ਪਰ ਇਸ ਵਾਰ ਇਹ ਰਾਈਡਿੰਗ ਦਿਲਚਸਪ ਬਣੀ ਹੋਈ ਹੈ ਅਤੇ ਲਿਬਰਲਸ ਅਤੇ ਐਨ.ਡੀ.ਪੀ. 'ਚ ਨੇੜ ਦਾ ਮੁਕਾਬਲਾ ਹੈ।
ਯਾਦ ਰਹੇ ਸਾਲ 2019 'ਚ ਬੀ.ਸੀ. 'ਚ ਕੰਜ਼ਰਵੇਟਿਵਸ ਨੂੰ 17 ਅਤੇ ਲਿਬਰਲਸ ਅਤੇ ਐਨ.ਡੀ.ਪੀ. ਨੂੰ 11-11 ਸੀਟਾਂ ਹਾਸਿਲ ਹੋਈਆਂ ਸਨ। ਕੰਜ਼ਰਵੇਟਿਵਸ ਨੂੰ ਇਸ ਚੋਣ 'ਚ ਬੀ.ਸੀ. 'ਚ 4 ਸੀਟਾਂ ਦਾ ਨੁਕਸਾਨ ਝੱਲਣਾ ਪਿਆ।
ਐਲਿਜ਼ਾਬੈਥ ਮੇਅ ਨੂੰ ਹਾਸਿਲ ਹੋਈ ਜਿੱਤ
ਬੀ.ਸੀ. 'ਚ ਫੈਡਰਲ ਚੋਣ ਦੌਰਾਨ ਗਰੀਨ ਪਾਰਟੀ ਦੀ ਸਾਬਕਾ ਲੀਡਰ ਐਲਿਜ਼ਾਬੈਥ ਮੇਅ ਨੇ ਬਾਜ਼ੀ ਮਾਰੀ ਹੈ।
ਉਹ ਸਾਨੀਚ-ਗਲਫ ਆਈਲੈਂਡਸ ਤੋਂ ਚੋਣ ਮੈਦਾਨ 'ਚ ਉਤਰੀ ਸਨ।
ਹਾਲਾਂਕਿ ਗਰੀਨ ਉਮੀਦਵਾਰ ਪੌਲ ਮੈਨਲੀ ਨੂੰ ਨਨਾਈਮੋ ਸੀਟ 'ਤੇ ਹਾਰ ਝੱਲਣੀ ਪਈ।
ਮੇਅ ਨੇ ਇਸ ਜਿੱਤ ਤੋਂ ਬਾਅਦ ਕਿਹਾ ਕਿ ਉਹ ਮਾਈਨੌਰਿਟੀ ਲਿਬਰਲ ਸਰਕਾਰ ਤੋਂ ਸੰਤੁਧਤ ਹਨ ਅਤੇ ਉਮੀਦ ਕਰਦੀ ਹੈ ਕਿ ਗਰੀਨਸ ਪਾਰਲੀਅਮੈਂਟ 'ਚ ਆਪਣੀ ਭੂਮਿਕਾ 'ਤੇ ਖਰੇ ਉਤਰਨਗੇ।
ਉੱਧਰ ਵੈਨਕੂਵਰ ਸਾਊਥ ਤੋਂ ਲਿਬਰਲ ਹਰਜੀਤ ਸੱਜਣ ਅਤੇ ਡੈਲਟਾ 'ਚ ਲਿਬਰਲ ਕਾਰਲਾ ਕੁਆਲਟਰੋ ਨੂੰ ਜਿੱਤ ਹਾਸਿਲ ਹੋਈ।
ਸਰੀ ਦੀਆਂ ਰਾਈਡਿੰਗਸ 'ਚ ਲਿਬਰਲਸ ਦੀ ਬੱਲੇ-ਬੱਲੇ
ਸਰੀ ਸੈਂਟਰ ਅਤੇ ਸਰੀ ਨਿਊਟਨ ਦੀ ਰਾਈਡਿੰਗ 'ਚ ਲਿਬਰਲ ਉਮੀਦਵਾਰ ਜੇਤੂ ਰਹੇ।
ਸਰੀ ਸੈਂਟਰ ਦੀ ਰਾਈਡਿੰਗ 'ਚ ਲਿਬਰਲ ਰਣਦੀਪ ਸਰਾਏ ਨੇ ਬਾਜੀ ਮਾਰੀ।
ਉੱਧਰ ਸਰੀ ਨਿਊਟਨ ਦੀ ਰਾਈਡਿੰਗ 'ਚ ਲਿਬਰਲ ਸੁੱਖ ਧਾਲੀਵਾਲ ਨੇ ਜਿੱਤ ਦਰਜ ਕੀਤੀ।
ਇਸ ਦੇ ਨਾਲ ਸੁੱਖ ਧਾਲੀਵਾਲ ਨੇ ਬਤੌਰ ਐਮ.ਪੀ. ਜਿੱਤ ਦਾ ਚੌਕਾ ਲਗਾਇਆ ਹੈ।
ਹਾਲਾਂਕਿ ਸਾਊਥ ਸਰੀ ਵਾਈਟ ਰੌਕ ਦੀ ਰਾਈਡਿੰਗ 'ਚ ਕੰਜ਼ਰਵੇਟਿਵਸ ਨੂੰ ਜਿੱਤ ਹਾਸਿਲ ਹੋਈ।
ਇਸ ਰਾਈਡਿੰਗ 'ਤੇ ਕੰਜ਼ਰਵੇਟਿਵ ਕੈਰੀ ਲਿੰਨ ਫਿੰਡਲੇ ਨੇ ਜਿੱਤ ਦਰਜ ਕੀਤੀ।
