17.26C Vancouver 17.26C VancouverJun 25, 2022 12:22 AM - The Canadian Press
ਬੀ.ਸੀ. 'ਚ ਵਿਲੀਅਮਸ ਲੇਕ ਦੇ ਕੋਲ ਬਲੂ ਰਿਵਰ 'ਚ ਹੜ੍ਹਾਂ ਸੰਬੰਧੀ ਚੇਤਾਵਨੀ ਨੂੰ ਰੱਦ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ ਕੈਨਲ ਦਰਿਆ ਦੇ ਲਈ ਹੜ੍ਹਾਂ ਸੰਬੰਧੀ ਚੇਤਾਵਨੀ ਹੁਣ ਵੀ ਜਾਰੀ ਹੈ।
ਬੀ.ਸੀ. ਦੇ ਬਹੁਤੇ ਹਿੱਸਿਆਂ 'ਚ ਹੜ੍ਹਾਂ ਸੰਬੰਧੀ ਚੇਤਾਵਨੀਆਂ ਅਤੇ ਐਡਵਾਈਜਰੀਸ ਜਾਰੀ ਹਨ।
ਰਿਵਰ ਫੋਰਕਾਸਟ ਸੈਂਟਰ ਦਾ ਕਹਿਣਾ ਹੈ ਕਿ ਫਿਲਹਾਲ ਸਪਸ਼ਟ ਨਹੀਂ ਹੈ ਕਿ ਇਸ ਵੀਕਐਂਡ ਦੌਰਾਨ ਦੀ ਹੀਟ ਵੇਵ ਵਿਚਾਲੇ ਬਰਫ ਪਿਘਲਣ ਦੀ ਪ੍ਰੀਕਿਰਿਆ 'ਤੇ ਕਿਸ ਕਿਸਮ ਦਾ ਪ੍ਰਭਾਵ ਪਵੇਗਾ।
ਸੂਬੇ ਦੇ ਕਈ ਹਿੱਸਿਆਂ 'ਚ ਇਸ ਵੀਕਐਂਡ ਦੌਰਾਨ ਤਾਪਮਾਨ 30 ਡਿਗਰੀ ਦੇ ਆਲੇ-ਦੁਆਲੇ ਦਰਜ ਹੋਣ ਦੀ ਸੰਭਾਵਨਾ ਹੈ।
ਹਾਲਾਂਕਿ ਸੈਂਟਰ ਅਨੁਸਾਰ ਅਗਲੇ ਹਫ਼ਤੇ ਦੀ ਮੌਸਮ 'ਚ ਤਬਦੀਲੀ ਅਤੇ ਬਾਰਿਸ਼ ਵਿਚਾਲੇ ਹੜ੍ਹਾਂ ਦਾ ਖਤਰਾ ਫਿਰ ਤੋਂ ਵਧ ਸਕਦਾ ਹੈ।
ਸਿਟੀ ਆਫ ਐਬਟਸਫੋਰਡ ਦਾ ਕਹਿਣਾ ਹੈ ਕਿ ਲੋਅਰ ਫਰੇਜ਼ਰ ਰਿਵਰ 'ਚ ਪਾਣੀ ਦਾ ਪੱਧਰ ਅਗਲੇ ਵੀਰਵਾਰ ਤਕ ਪੀਕ ਕਰ ਸਕਦਾ ਹੈ।
ਹਾਲਾਂਕਿ ਐਬਟਸਫੋਰਡ 'ਚ ਹੜ੍ਹਾਂ ਦਾ ਖਤਰਾ ਨਹੀਂ ਦੱਸਿਆ ਗਿਆ ਹੈ ਪਰ ਅਧਿਕਾਰੀਆਂ ਅਨੁਸਾਰ ਦਰਿਆ ਦਾ ਪੱਧਰ ਕਈ ਦਿਨ ਤਕ ਬੇਹੱਦ ਉੱਚਾ ਰਹਿ ਸਕਦਾ ਹੈ।
