28.15C Vancouver 28.15C VancouverAug 11, 2025 6:14 PM - The Canadian Press
ਬੀ. ਸੀ. ਦੇ ਓਕਾਨਾਗਨ ਖੇਤਰ ਦੇ ਘਰਾਂ ਨੂੰ ਖਾਲੀ ਕਰਵਾਉਣ ਵਾਲੀ ਜੰਗਲੀ ਅੱਗ 'ਤੇ ਕਾਬੂ ਪਾ ਲਿਆ ਗਿਆ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਕਿਹਾ ਕਿ ਕੇਲੋਨਾ ਨੇੜੇ 2.5 ਹੈਕਟੇਅਰ ਵਿਚ ਫੈਲੀ ਅੱਗ ਦੇ ਇਸ ਦਾਇਰੇ ਵਿਚੋਂ ਬਾਹਰ ਜਾਣ ਦੀ ਸੰਭਾਵਨਾ ਨਹੀਂ ਹੈ, ਇਸ ਅੱਗ ਦੇ ਚੱਲਦੇ ਵੀਕੈਂਡ 'ਤੇ 25 ਤੋਂ ਵੱਧ ਘਰਾਂ ਨੂੰ ਖਾਲੀ ਕਰਵਾਉਣਾ ਪਿਆ ਸੀ।
ਡਿਪਾਰਟਮੈਂਟ ਨੇ ਕਿਹਾ ਕਿ ਸਾਰੇ ਪਰਿਵਾਰਾਂ ਨੂੰ ਘਰ ਵਾਪਸ ਜਾਣ ਦੀ ਇਜਾਜ਼ਤ ਦਿੱਤੀ ਗਈ ਹੈ। ਹਾਲਾਂਕਿ, ਸੈਂਟਰਲ ਓਕਾਨਾਗਨ ਐਮਰਜੈਂਸੀ ਆਪ੍ਰੇਸ਼ਨਜ਼ ਨੇ ਕਿਹਾ ਕਿ ਤਿੰਨ ਘਰਾਂ ਨੂੰ ਲੋੜ ਪੈਣ 'ਤੇ ਦੁਬਾਰਾ evacuation ਲਈ ਅਲਰਟ 'ਤੇ ਰੱਖਿਆ ਗਿਆ ਹੈ।
ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਖੁਸ਼ਕ ਅਤੇ ਗਰਮ ਮੌਸਮ ਦੱਖਣੀ ਬੀ.ਸੀ. ਵਿਚ ਅੱਗ ਦੇ ਜ਼ੋਖਮ ਨੂੰ ਵਧਾ ਸਕਦਾ ਹੈ। ਬੀ. ਸੀ. ਵਿਚ ਮੌਜੂਦਾ ਸਮੇਂ 100 ਦੇ ਕਰੀਬ ਥਾਵਾਂ 'ਤੇ ਜੰਗਲੀ ਅੱਗ ਸਰਗਰਮ ਹੈ।
