11.3C Vancouver 11.3C VancouverApr 25, 2025 4:18 PM - The Canadian Press
ਬੀ. ਸੀ. ਦੇ ਜੰਗਲਾਤ ਮੰਤਰਾਲੇ ਨੇ ਦੱਸਿਆ ਕਿ ਜੰਗਲੀ ਅੱਗ ਦੇ ਖਤਰੇ ਨੂੰ ਘਟਾਉਣ ਅਤੇ ਹੋਰ ਪ੍ਰਬੰਧਾਂ ਲਈ 64 ਪ੍ਰੋਜੈਕਟਾਂ ਲਈ ਸੂਬਾ ਸਰਕਾਰ 19-ਮਿਲੀਅਨ ਡਾਲਰ ਦਾ ਖਰਚਾ ਕਰੇਗੀ।ਸੂਬੇ ਦਾ ਕਹਿਣਾ ਹੈ ਕਿ ਇਹ ਪੈਸਾ ਪੇਂਡੂ, ਦੂਰ-ਦੁਰਾਡੇ ਅਤੇ ਫਸਟ ਨੇਸ਼ਨ ਭਾਈਚਾਰਿਆਂ ਵਿੱਚ ਜੰਗਲਾਤ ਪ੍ਰੋਜੈਕਟਾਂ ਦਾ ਸਮਰਥਨ ਕਰਨ ਵਿਚ ਮਦਦ ਕਰੇਗਾ। ਇਹ ਪ੍ਰੋਜੈਕਟ ਸਾਰੇ ਅੱਠ ਰਾਸ਼ਟਰੀ ਸਰੋਤ ਖੇਤਰਾਂ ਵਿੱਚ ਹੋਣਗੇ ਅਤੇ ਇਨ੍ਹਾਂ ਵਿਚ ਫਸਟ ਨੇਸ਼ਨ ਦੀ ਅਗਵਾਈ ਵਿਚ 31 ਪਹਿਲਕਦਮੀਆਂ ਸ਼ਾਮਿਲ ਹਨ।
ਫੋਰਟ ਨੈਲਸਨ ਕਮਿਊਨਿਟੀ ਫੋਰੈਸਟ ਨੂੰ ਇਸ ਵਿਚੋਂ 1.2-ਮਿਲੀਅਨ ਡਾਲਰ ਮਿਲਣੇ ਹਨ। ਦੱਸ ਦੇਈਏ ਕਿ ਫੋਰਟ ਨੈਲਸਨ ਨੂੰ ਪਿਛਲੇ ਸਾਲ ਪਾਰਕਰ ਝੀਲ ਦੀ ਜੰਗਲੀ ਅੱਗ ਕਾਰਨ ਖਾਲੀ ਕਰਵਾਇਆ ਗਿਆ ਸੀ। ਇਸ ਪ੍ਰੋਜੈਕਟ ਤਹਿਤ ਬਲਣਯੋਗ ਫਾਈਬਰ ਦੀ ਰਹਿੰਦ ਨੂੰ ਜੰਗਲਾਂ ਵਿਚੋਂ ਹਟਾਇਆ ਜਾਵੇਗਾ।
ਜੰਗਲਾਤ ਮੰਤਰਾਲੇ ਮੁਤਾਬਕ ਲੱਕੜ ਫਾਈਬਰ ਕੰਪਨੀਆਂ ਨੂੰ ਭੇਜੀ ਜਾਵੇਗੀ, ਜਿਸ ਨਾਲ ਜੰਗਲਾਤ ਕਰਮਚਾਰੀਆਂ ਨੂੰ ਕੰਮ 'ਤੇ ਰੱਖਣ ਵਿਚ ਮਦਦ ਮਿਲੇਗੀ।ਇਹ ਫੰਡਿੰਗ ਬੀ.ਸੀ. ਭਰ ਵਿੱਚ ਜੰਗਲ ਦੀ ਅੱਗ ਤੋਂ ਬਚਾਅ ਦੇ ਪਹਿਲਕਦਮੀਆਂ ਲਈ ਜਾਰੀ ਕੀਤੇ ਗਏ 90-ਮਿਲੀਅਨ ਡਾਲਰ ਦਾ ਹਿੱਸਾ ਹੈ।
