20.82C Vancouver 20.82C VancouverJun 8, 2026 1:48 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦਾ ਸੈਂਟਰਲ ਬੈਂਕ ਇਸ ਬੁੱਧਵਾਰ ਹੋਣ ਜਾ ਰਹੀ ਮੀਟਿੰਗ ਦੌਰਾਨ ਵਿਆਜ ਦਰਾਂ ਨੂੰ ਲਗਾਤਾਰ ਪੰਜਵੀਂ ਵਾਰ 2.25 ਫੀਸਦੀ 'ਤੇ ਸਥਿਰ ਰੱਖ ਸਕਦਾ ਹੈ। ਅਰਥਸ਼ਾਸਤਰੀਆਂ ਮੁਤਾਬਕ, ਵਿਆਜ ਦਰਾਂ ਵਿਚ ਬਦਲਾਅ ਨਾ ਹੋਣ ਦੀ ਸੰਭਾਵਨਾ 95 ਫੀਸਦੀ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਬੈਂਕ ਦਾ ਮੁੱਖ ਫੋਕਸ ਈਰਾਨ ਯੁੱਧ ਕਾਰਨ ਬਣੀ geopolitical ਅਨਿਸ਼ਚਿਤਤਾ ਅਤੇ ਕੈਨੇਡਾ-ਅਮਰੀਕਾ-ਮੈਕਸੀਕੋ ਸਮਝੌਤੇ ਦੇ ਹੋਣ ਵਾਲੇ ਰਿਵਿਊ 'ਤੇ ਰਹਿਣ ਦੀ ਉਮੀਦ ਹੈ।
ਬੈਂਕ ਔਫ ਕੈਨੇਡਾ ਦੀ ਇਹ ਅਹਿਮ ਬੈਠਕ ਉਸ ਸਮੇਂ ਹੋ ਰਹੀ ਹੈ ਜਦੋਂ ਸਟੈਟਕੈਨ ਦੇ ਹਾਲੀਆ ਜੀ.ਡੀ.ਪੀ. ਅੰਕੜਿਆਂ ਨੇ ਦੇਸ਼ ਦੇ ਇਸ ਸਮੇਂ ਤਕਨੀਕੀ ਮੰਦੀ ਦੇ ਦੌਰ ਵਿਚੋਂ ਲੰਘ ਰਹੇ ਹੋਣ ਦੀ ਤਸਵੀਰ ਪੇਸ਼ ਕੀਤੀ ਹੈ ਅਤੇ ਦੂਜੇ ਪਾਸੇ ਮਈ ਮਹੀਨੇ ਦੌਰਾਨ ਦੇਸ਼ ਵਿਚ 88,000 ਨਵੀਆਂ ਨੌਕਰੀਆਂ ਪੈਦਾ ਹੋਈਆਂ ਹਨ।
ਆਰ.ਬੀ.ਸੀ. ਦੀ ਸੀਨੀਅਰ ਅਰਥਸ਼ਾਸਤਰੀ ਕਲੇਅਰ ਫੈਨ ਮੁਤਾਬਕ, ਸੈਂਟਰਲ ਬੈਂਕ ਕੋਲ ਫਿਲਹਾਲ ਮਹਿੰਗਾਈ ਅਤੇ ਗ੍ਰੋਥ ਵਿਚਕਾਰ ਤਾਲਮੇਲ ਸਬੰਧੀ ਸਪੱਸ਼ਟ ਤਸਵੀਰ ਨਹੀਂ ਹੈ, ਇਸ ਲਈ ਬੈਂਕ ਔਫ ਕੈਨੇਡਾ ਕੋਈ ਵੱਡਾ ਕਦਮ ਚੁੱਕਣ ਦੀ ਬਜਾਏ ਅਗਲੀ ਸਥਿਤੀ 'ਤੇ ਤਿੱਖੀ ਨਜ਼ਰ ਰੱਖੇਗਾ। ਇਸ ਤੋਂ ਪਹਿਲਾਂ ਬੈਂਕ ਨੇ ਅਪ੍ਰੈਲ ਦੀ ਪਿਛਲੀ ਮੀਟਿੰਗ ਵਿਚ ਆਪਣੇ ਪੌਲਿਸੀ ਰੇਟ ਨੂੰ ਸਥਿਰ ਰੱਖਿਆ ਸੀ।
