Bank of Canada expected to hold key interest rate at 2.25% this week

Jun 8, 2026 1:48 PM - Connect Newsroom - Ramandeep Kaur with files from The Canadian Press

ਬੈਂਕ ਔਫ਼ ਕੈਨੇਡਾ ਵੱਲੋਂ ਇਸ ਹਫ਼ਤੇ ਮੁੱਖ ਵਿਆਜ ਦਰ 2.25% ਰਹਿਣ ਦੀ ਉਮੀਦ

Share On

bank-of-canada-expected-to-hold-key-interest-rate-at-2-25-this-week

The Bank of Canada headquarters in Ottawa. The central bank is expected to keep its benchmark interest rate unchanged at 2.25 per cent this week. (Photo: The Canadian Press)

ਕੈਨੇਡਾ ਦਾ ਸੈਂਟਰਲ ਬੈਂਕ ਇਸ ਬੁੱਧਵਾਰ ਹੋਣ ਜਾ ਰਹੀ ਮੀਟਿੰਗ ਦੌਰਾਨ ਵਿਆਜ ਦਰਾਂ ਨੂੰ ਲਗਾਤਾਰ ਪੰਜਵੀਂ ਵਾਰ 2.25 ਫੀਸਦੀ 'ਤੇ ਸਥਿਰ ਰੱਖ ਸਕਦਾ ਹੈ। ਅਰਥਸ਼ਾਸਤਰੀਆਂ ਮੁਤਾਬਕ, ਵਿਆਜ ਦਰਾਂ ਵਿਚ ਬਦਲਾਅ ਨਾ ਹੋਣ ਦੀ ਸੰਭਾਵਨਾ 95 ਫੀਸਦੀ ਹੈ। ਮਾਹਰਾਂ ਦਾ ਮੰਨਣਾ ਹੈ ਕਿ ਬੈਂਕ ਦਾ ਮੁੱਖ ਫੋਕਸ ਈਰਾਨ ਯੁੱਧ ਕਾਰਨ ਬਣੀ geopolitical ਅਨਿਸ਼ਚਿਤਤਾ ਅਤੇ ਕੈਨੇਡਾ-ਅਮਰੀਕਾ-ਮੈਕਸੀਕੋ ਸਮਝੌਤੇ ਦੇ ਹੋਣ ਵਾਲੇ ਰਿਵਿਊ 'ਤੇ ਰਹਿਣ ਦੀ ਉਮੀਦ ਹੈ।

ਬੈਂਕ ਔਫ ਕੈਨੇਡਾ ਦੀ ਇਹ ਅਹਿਮ ਬੈਠਕ ਉਸ ਸਮੇਂ ਹੋ ਰਹੀ ਹੈ ਜਦੋਂ ਸਟੈਟਕੈਨ ਦੇ ਹਾਲੀਆ ਜੀ.ਡੀ.ਪੀ. ਅੰਕੜਿਆਂ ਨੇ ਦੇਸ਼ ਦੇ ਇਸ ਸਮੇਂ ਤਕਨੀਕੀ ਮੰਦੀ ਦੇ ਦੌਰ ਵਿਚੋਂ ਲੰਘ ਰਹੇ ਹੋਣ ਦੀ ਤਸਵੀਰ ਪੇਸ਼ ਕੀਤੀ ਹੈ ਅਤੇ ਦੂਜੇ ਪਾਸੇ ਮਈ ਮਹੀਨੇ ਦੌਰਾਨ ਦੇਸ਼ ਵਿਚ 88,000 ਨਵੀਆਂ ਨੌਕਰੀਆਂ ਪੈਦਾ ਹੋਈਆਂ ਹਨ।

ਆਰ.ਬੀ.ਸੀ. ਦੀ ਸੀਨੀਅਰ ਅਰਥਸ਼ਾਸਤਰੀ ਕਲੇਅਰ ਫੈਨ ਮੁਤਾਬਕ, ਸੈਂਟਰਲ ਬੈਂਕ ਕੋਲ ਫਿਲਹਾਲ ਮਹਿੰਗਾਈ ਅਤੇ ਗ੍ਰੋਥ ਵਿਚਕਾਰ ਤਾਲਮੇਲ ਸਬੰਧੀ ਸਪੱਸ਼ਟ ਤਸਵੀਰ ਨਹੀਂ ਹੈ, ਇਸ ਲਈ ਬੈਂਕ ਔਫ ਕੈਨੇਡਾ ਕੋਈ ਵੱਡਾ ਕਦਮ ਚੁੱਕਣ ਦੀ ਬਜਾਏ ਅਗਲੀ ਸਥਿਤੀ 'ਤੇ ਤਿੱਖੀ ਨਜ਼ਰ ਰੱਖੇਗਾ। ਇਸ ਤੋਂ ਪਹਿਲਾਂ ਬੈਂਕ ਨੇ ਅਪ੍ਰੈਲ ਦੀ ਪਿਛਲੀ ਮੀਟਿੰਗ ਵਿਚ ਆਪਣੇ ਪੌਲਿਸੀ ਰੇਟ ਨੂੰ ਸਥਿਰ ਰੱਖਿਆ ਸੀ।

ਪੀ.ਐਮ.ਮਾਰਕ ਕਾਰਨੀ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਦੇਸ਼ ਦੇ ਇਤਿਹਾਸ ਵਿਚ ਸਭ ਤੋਂ ਲੰਬੇ ਸਮੇਂ ਤੱਕ ਨਿਰੰਤਰ ਸੇਵਾ ਨਿਭਾਉਣ ਵਾਲੇ ਪ੍ਰਧਾਨ ਮੰਤਰੀ ਬਣਨ 'ਤੇ ਮੁਬਾਰਕਬਾਦ ਦਿੱਤੀ ਹੈ। ਪੀ. ਐੱਮ. ਕਾਰਨੀ ਨੇ ਇਸ ਮੌਕੇ ਭਵਿੱਖ ਦੇ ਸਬੰਧਾਂ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਜਿਵੇਂ-ਜਿਵੇਂ ਕੈਨੇਡਾ ਅਤੇ ਭਾਰਤ ਆਪਣੀ ਸਾਂਝੇਦਾਰੀ ਨੂੰ ਇੱਕ ਨਵੇਂ ਰੂਪ ਵਿਚ ਅੱਗੇ ਵਧਾ ਰਹੇ ਹਨ,ਉਹ ਦੋਵਾਂ ਦੇਸ਼ਾਂ ਦੇ ਲੋਕਾਂ ਲਈ ਵਧੇਰੇ ਖੁਸ਼ਹਾਲੀ ਅਤੇ ਆਰਥਿਕ ਤਰੱਕੀ ਲਿਆਉਣ ਲਈ ਮਿਲ ਕੇ ਕੰਮ ਜਾਰੀ ਰੱਖਣ ਦੇ ਇੱਛੁਕ ਹਨ।