17.28C Vancouver 17.28C VancouverOct 17, 2025 6:54 PM - Connect Newsroom
ਕੈਨੇਡਾ ਦਾ ਸੈਂਟਰਲ ਬੈਂਕ ਅਕਤੂਬਰ 2025 ਦੀ ਮੁਦਰਾ ਪੌਲਿਸੀ ਰਿਪੋਰਟ ਵਿਚ ਅਰਥਵਿਵਸਥਾ ਅਤੇ ਮਹਿੰਗਾਈ ਲਈ ਮੁੱਢਲੇ ਅਨੁਮਾਨ ਜਾਰੀ ਕਰ ਸਕਦਾ ਹੈ। ਬੈਂਕ ਔਫ ਕੈਨੇਡਾ ਨੇ ਆਰਥਿਕਤਾ ਲਈ ਬਹੁਤ ਜ਼ਿਆਦਾ ਅਨਿਸ਼ਚਿਤਤਾ, ਖਾਸ ਕਰ ਅਮਰੀਕੀ ਟੈਰਿਫਸ ਦੇ ਪ੍ਰਭਾਵ ਕਾਰਨ ਕੈਨੇਡਾ ਦੀ ਅਰਥਵਿਵਸਥਾ ਸਬੰਧੀ ਨਿਸ਼ਚਿਤ ਅਨੁਮਾਨ ਦੇਣਾ ਬੰਦ ਕਰ ਦਿੱਤਾ ਸੀ।
ਵਾਸ਼ਿੰਗਟਨ, ਡੀ.ਸੀ. ਵਿਚ ਆਈ.ਐਮ.ਐਫ. ਦੀ ਸਾਲਾਨਾ ਮੀਟਿੰਗ ਦੌਰਾਨ ਗਵਰਨਰ ਟਿਫ ਮੈਕਲਮ ਦਾ ਬਿਆਨ ਆਇਆ ਹੈ ਕਿ ਬੈਂਕ ਔਫ ਕੈਨੇਡਾ 29 ਅਕਤੂਬਰ ਨੂੰ ਆਪਣੀ ਅਗਲੇ ਵਿਆਜ ਦਰ ਦੇ ਫ਼ੈਸਲੇ ਦੇ ਨਾਲ ਹੀ ਪੂਰਾ ਆਰਥਿਕ ਅਨੁਮਾਨ ਜਾਰੀ ਕਰੇਗਾ।
ਇਹ ਇਸ ਸਾਲ ਦੀ ਸ਼ੁਰੂਆਤ ਤੋਂ ਬਾਅਦ ਅਜਿਹਾ ਪਹਿਲੀ ਵਾਰ ਹੋਵੇਗਾ। ਮੈਕਲਮ ਨੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਕਿਹਾ ਕਿ ਸਪਰਿੰਗ ਤੋਂ ਬਾਅਦ ਅਮਰੀਕੀ ਟੈਰਿਫਸ ਨਾਲ ਜੁੜਿਆ ਤਣਾਅ ਘਟਿਆ ਹੈ ਪਰ ਵਿਸ਼ਵ ਵਪਾਰ ਲਈ ਖਤਰੇ ਬਰਕਰਾਰ ਹਨ।
ਬੈਂਕ ਔਫ ਕੈਨੇਡਾ ਦੇ ਗਰਵਰਨ ਨੇ ਕਿਹਾ ਕਿ ਅਸੀਂ ਆਪਣੇ ਅਨੁਮਾਨਾਂ ਵਿਚ ਸਾਵਧਾਨੀ ਰੱਖਾਂਗੇ ਅਤੇ ਉਹਨਾਂ ਵਿਚ ਮੌਜੂਦਾ ਖ਼ਤਰਿਆਂ ਦੀ ਝਲਕ ਹੋਵੇਗੀ।
