20.68C Vancouver 20.68C VancouverMay 14, 2020 3:40 PM -
ਬੈਂਕ ਆਫ ਕੈਨੇਡਾ ਮੁਤਾਬਕ ਦੇਸ਼ ਦੇ ਵਿੱਤੀ ਬਾਜ਼ਾਰਾਂ ਨੂੰ ਦੇਖਦਿਆਂ ਕੰਪਨੀਆਂ ਦੀ ਕੋਵਿਡ-19 ਦੇ ਆਰਥਕ ਸੰਕਟ ਨੂੰ ਝੱਲਣ ਦੀ ਸਮਰੱਥਾ ਚਿੰਤਾ ਦਾ ਵਿਸ਼ਾ ਹੈ।
ਸੈਂਟਰਲ ਬੈਂਕ ਵੱਲੋਂ ਪਿਛਲੇ ਦੋ ਮਹੀਨਿਆਂ ਦੌਰਾਨ ਉਧਾਰ ਦੇ ਪ੍ਰਭਾਵ ਨੂੰ ਸੌਖਾ ਕਰਨ ਲਈ ਇੰਟਰਸਟ ਰੇਟ ਨੂੰ ਘਟਾਉਣ ਅਤੇ ਬਾਂਡ ਖ਼ਰੀਦਣ ਦੇ ਪ੍ਰੋਗਰਾਮ ਵਰਗੇ ਨੀਤੀਗਤ ਫੈਸਲੇ ਲਏ ਗਏ ਹਨ।
ਰਿਪੋਰਟ ਮੁਤਾਬਕ ਇਨ੍ਹਾਂ ਕਦਮਾਂ ਨਾਲ ਲਿਕੁਈਡਿਟੀ ਦੇ ਤਣਾਅ ਨੂੰ ਸੌਖਾ ਕਰਨ ਵਿੱਚ ਸਹਾਇਤਾ ਮਿਲੀ ਅਤੇ ਵਪਾਰਾਂ ਅਤੇ ਕੰਪਨੀਆਂ ਨੂੰ ਥੋੜ੍ਹੇ ਸਮੇਂ ਲਈ ਕ੍ਰੈਡਿਟ ਹਾਸਲ ਕਰਨਾ ਆਸਾਨ ਹੋ ਗਿਆ।
ਪਰ ਅੱਜ ਇਹ ਚੇਤਾਵਨੀ ਜਾਰੀ ਕੀਤੀ ਗਈ ਹੈ ਕਿ ਇਸ ਸੰਕਟ ਦੌਰਾਨ ਵਪਾਰਾਂ ਦੀ ਪ੍ਰਮੁੱਖ ਸਮੱਸਿਆ ਆਮਦਨੀ ਵਿੱਚ ਜਾਰੀ ਲਗਾਤਾਰ ਗਿਰਾਵਟ ਹੈ ਜਿਸ ਕਾਰਨ ਵਪਾਰਾਂ ਨੂੰ ਬੈਂਕਰਪਸੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਰਿਪੋਰਟ ਅਨੁਸਾਰ ਮਹਾਂਮਾਰੀ ਕਾਰਨ ਵਪਾਰਕ ਅਤੇ ਪਰਿਵਾਰਕ ਕਰਜ਼ਿਆਂ ਵਿੱਚ ਵੀ ਵਾਧਾ ਹੋਣ ਦਾ ਅਨੁਮਾਨ ਹੈ।
