14.22C Vancouver 14.22C VancouverNov 16, 2021 2:56 AM - The Canadian Press
ਵੈਨਕੂਵਰ ਦੇ ਤਟ ਦੇ ਕੋਲ ਅੱਜ ਇੱਕ ਬਾਰਜ ਦੇ ਪਹੁੰਚਣ ਨਾਲ ਲੋਕ ਦੰਗ ਰਹਿ ਗਏ।
ਅੱਜ ਦੀ ਤੇਜ ਹਨੇਰੀ ਅਤੇ ਮੀਂਹ ਵਿਚਾਲੇ ਸਮੁੰਦਰ ਅਤੇ ਦਰਿਆਵਾਂ ਦੀਆਂ ਉੱਚੀਆਂ ਛੱਲਾਂ ਵਿਚਾਲੇ ਵੈਨਕੂਵਰ ਦੀ ਸ਼ੋਰਲਾਈਨ ਕੋਲ ਇੱਕ ਬਾਰਜ ਪਹੁੰਚ ਗਿਆ।
ਮਾਮਲੇ ਦੇ ਕੁਝ ਵੀਡੀਓ ਅਤੇ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ।
ਇਲਾਕੇ 'ਚ ਵੱਡੀ ਗਿਣਤੀ 'ਚ ਲੋਕ ਵੀ ਇਸ ਬਾਰਜ ਨੂੰ ਕੰਢੇ ਦੇ ਬਿਲਕੁਲ ਨਾਲ ਬੇਕਾਬੂ ਹਾਲਤ 'ਚ ਝੂਲਦੇ ਤੇ ਰੁੜਦੇ ਵੇਖਣ ਲਈ ਪਹੁੰਚ ਗਏ।
ਕੁਝ ਵੀਡੀਓਸ ਵਿੱਚ ਵੇਖਿਆ ਜਾ ਸਕਦਾ ਸੀ ਕਿ ਬਾਰਜ ਬੁਰਾਰਡ ਸਟ੍ਰੀਟ ਬ੍ਰਿਜ ਵੱਲ ਵਧ ਰਿਹਾ ਸੀ।
ਇੰਗਲਿਸ਼ ਬੇਅ 'ਚ ਰੁੜਦਾ ਇਹ ਬਾਰਜ ਸਨਸੈਟ ਬੀਚ ਦੇ ਕੰਢੇ ਆ ਕੇ ਖੜ੍ਹ ਗਿਆ।
ਹਾਲਾਂਕਿ ਤੇਜ ਹਵਾਵਾਂ ਵਿਚਾਲੇ ਇਸ ਦੀ ਹਿੱਲਜੁੱਲ ਜਾਰੀ ਸੀ।
ਇਹ ਸਪਸ਼ਟ ਨਹੀਂ ਹੈ ਕਿ ਇਸ ਬਾਰਜ ਦੇ ਲਈ ਕੌਣ ਜਿੰਮੇਵਾਰ ਹੈ ਜਾਂ ਇਸ 'ਤੇ ਕੋਈ ਕਾਰਗੋ ਸੀ ਜਾਂ ਨਹੀਂ।
