20.47C Vancouver 20.47C VancouverJun 24, 2025 9:53 PM -
ਬੀ.ਸੀ. ਕੋਰੋਨਰਸ ਸਰਵਿਸ ਨੇ ਅਪ੍ਰੈਲ ਮਹੀਨੇ ਦੇ ਸੂਬੇ ਦੇ ਅਨਰੈਗੂਲੇਟਿਡ ਜਹਿਰੀਲੇ ਡਰੱਗਸ ਕਾਰਨ ਹੋਈਆਂ ਮੌਤਾਂ ਦਾ ਅੰਕੜਾ ਜਾਰੀ ਕੀਤਾ ਹੈ।
ਇਸ ਸਾਲ ਅਪ੍ਰੈਲ ਮਹੀਨੇ ਬੀ.ਸੀ. 'ਚ 165 ਲੋਕਾਂ ਨੇ ਅਨਰੈਗੂਲੇਟਿਡ ਟੌਕਸਿਕ ਡਰੱਗਸ ਕਾਰਨ ਜਾਨ ਗਵਾ ਦਿੱਤੀ।
ਬੀ.ਸੀ. 'ਚ ਲਗਾਤਾਰ 6 ਮਹੀਨੇ ਤੱਕ ਲਗਾਤਾਰ ਪ੍ਰਤੀ ਮਹੀਨਾ 160 ਤੋਂ ਘੱਟ ਮੌਤਾਂ ਦਰਜ ਕੀਤੀਆਂ ਗਈਆਂ ਸਨ, ਪਰ ਅਪ੍ਰੈਲ ਵਿੱਚ ਅਜਿਹੀਆਂ ਮੌਤਾਂ ਦੀ ਗਿਣਤੀ 160 ਤੋਂ ਪਾਰ ਚਲੀ ਗਈ।
ਇਸ ਪ੍ਰਕਾਰ ਨਾਲ ਹੋ ਰਹੀਆਂ ਮੌਤਾਂ ਦਾ ਸਭ ਤੋਂ ਵੱਡਾ ਪ੍ਰਭਾਵ ਫਰੇਜ਼ਰ ਹੈਲਥ ਅਤੇ ਵੈਨਕੂਵਰ ਕੋਸਟਲ ਹੈਲਥ ਇਲਾਕੇ 'ਚ ਵੇਖਣ ਨੂੰ ਮਿਲਿਆ ਹੈ, ਜਿਥੇ ਸਾਲ 2025 'ਚ ਕੁੱਲ ਜਹਿਰੀਲੇ ਡਰੱਗਸ ਸੰਬੰਧੀ ਮੌਤਾਂ 'ਚ 57 ਫੀਸਦੀ ਮੌਤਾਂ ਦਰਜ ਹੋਈਆਂ ਹਨ।
ਇਸ ਸਾਲ ਅਪ੍ਰੈਲ ਮਹੀਨੇ ਤੱਕ 30 ਤੋਂ 59 ਸਾਲ ਵਿਚਾਲੇ ਦੇ ਵਰਗ 'ਚ ਟੌਕਸਿਕ ਡਰੱਗਸ ਸੰਬੰਧੀ 68 ਫੀਸਦੀ ਮੌਤਾਂ ਦਰਜ ਹੋਈਆਂ ਹਨ ਅਤੇ ਇਸ 'ਚ 77 ਫੀਸਦੀ ਮਰਦ ਸਨ।
