9.33C Vancouver 9.33C VancouverOct 21, 2020 9:23 PM -
ਬੀ.ਸੀ. ਕਾਲਿਜ ਆਫ ਫੈਮਿਲੀ ਫਿਜ਼ਿਸ਼ੀਅਨਸ ਨੇ ਬੀ.ਸੀ. 'ਚ ਚੋਣਾਂ 'ਚ ਉੱਤਰ ਰਹੀਆਂ ਤਿੰਨੇ ਪਾਰਟੀਆਂ ਦੇ ਇਲੈਕਸ਼ਨ ਪਲੈਟਫਾਰਮ ਸੰਬੰਧੀ ਇੱਕ ਰਿਪੋਰਟ ਕਾਰਡ ਜਾਰੀ ਕੀਤਾ ਹੈ।
ਇਸ 'ਚ ਸਭ ਤੋਂ ਵੱਧ ਅੰਕ ਐਨ.ਡੀ.ਪੀ. ਦੇ ਪ੍ਰਪੋਜ਼ਲਾਂ ਨੂੰ ਹਾਸਿਲ ਹੋਏ ਹਨ।
ਐਨ.ਡੀ.ਪੀ., ਲਿਬਰਲ ਅਤੇ ਗ੍ਰੀਨ ਪਲੈਟਫਾਰਮਸ ਨੂੰ 4 ਮਾਮਲਿਆਂ 'ਚ ਵੱਧ ਤੋਂ ਵੱਧ 10 ਅੰਕ ਹਾਸਿਲ ਹੋ ਸਕਦੇ ਸਨ।
ਇਸ 'ਚ ਫੈਮਿਲੀ ਡਾਕਟਰ ਤੱਕ ਪਹੁੰਚ, ਇੰਡੀਜਨਸ ਹੈਲਥ, ਪੈਂਡੇਮਿਕ ਸੰਬੰਧੀ ਤਿਆਰੀ ਅਤੇ ਓਵਰਡੋਜ਼ ਸੰਕਟ ਦੇ ਮਾਮਲੇ ਸ਼ਾਮਿਲ ਸਨ।
ਚਾਰੇ ਮਸਲਿਆਂ 'ਤੇ ਲਿਬਰਲਸ ਨੂੰ 6 ਅੰਕ ਹਾਸਿਲ ਹੋਏ ਹਨ।
ਗ੍ਰੀਨਸ ਨੂੰ ਓਵਰਡੋਜ਼ ਸੰਕਟ ਦੇ ਮਾਮਲੇ 'ਚ ਪੂਰੇ 10 ਅੰਕ, ਡਾਕਟਰ ਤੱਕ ਪਹੁੰਚ ਦੇ ਮਾਮਲੇ ਅਤੇ ਇੰਡੀਜਨਸ ਹੈਲਥ ਦੇ ਮਾਮਲੇ 'ਚ 8-8 ਅੰਕ, ਅਤੇ ਪੈਂਡੇਮਿਕ ਰਿਸਪਾਂਸ ਦੇ ਮਾਮਲੇ 'ਚ 2 ਅੰਕ ਹਾਸਿਲ ਹੋਏ।
ਦੂਜੇ ਪਾਸੇ ਐਨ.ਡੀ.ਪੀ. ਨੂੰ 40 ਵਿੱਚੋਂ ਕੁੱਲ 33.5 ਅੰਕ ਹਾਸਿਲ ਹੋਏ ਹਨ।
ਇਸ 'ਚ ਓਵਰਡੋਜ਼ ਸੰਕਟ ਅਤੇ ਇੰਡੀਜਨਸ ਹੈਲਥ ਦੇ ਮਾਮਲੇ 'ਚ 9-9 ਅੰਕ, ਪੈਂਡੇਮਿਕ ਰਿਸਪਾਂਸ ਅਤੇ ਡਾਕਟਰ ਤੱਕ ਪਹੁੰਚ ਦੇ ਮਾਮਲੇ 'ਚ 7.5 ਅੰਕ ਹਾਸਿਲ ਹੋਏ। ਕਾਲਿਜ ਦਾ ਕਹਿਣਾ ਹੈ ਕਿ ਐਨ.ਡੀ.ਪੀ. ਨੇ ਜੋ ਅੰਕ ਗਵਾਏ ਉਸ ਦਾ ਮੁੱਖ ਕਾਰਨ, ਈ-ਹੈਲਥ ਨੂੰ ਪ੍ਰਾਈਵੇਟਾਈਜ਼ ਕਰਨ ਦੀ ਸੰਭਵਤਾ ਹੈ।
