17.59C Vancouver 17.59C VancouverOct 10, 2020 12:17 AM -
ਬੀ.ਸੀ. ਗ੍ਰੀਨ ਪਾਰਟੀ ਨੇ ਕੋਵਿਡ-19 ਦੇ ਪ੍ਰਭਾਵ ਤੋਂ ਬਾਅਦ ਪ੍ਰੋਵਿੰਸ਼ੀਅਲ ਇਕਾਨਮੀ ਨੂੰ ਫਿਰ ਤੋਂ ਖੜਾ ਕਰਨ ਲਈ ਆਪਣੇ ਪਲੈਨ ਨੂੰ ਜਾਰੀ ਕੀਤਾ ਹੈ।
ਇਸ 'ਚ ਕਲਾਈਮੇਟ ਤਬਦੀਲੀ 'ਤੇ ਧਿਆਨ ਕੇਂਦਰਿਤ ਕਰਨ ਦੀ ਗੱਲ ਆਖੀ ਗਈ ਹੈ।
ਨਨਾਈਮੋ 'ਚ ਚੋਣ ਪ੍ਰਚਾਰ ਦੌਰਾਨ ਲੀਡਰ ਸੋਨੀਆ ਫਰਸਟੇਨਾਊ ਦਾ ਕਹਿਣਾ ਹੈ ਕਿ ਗ੍ਰੀਨਸ ਦਾ ਵਾਅਦਾ, ਮੌਜੂਦਾ 'ਕਲੀਨ ਬੀ.ਸੀ. ਪਲੈਨ' ਤੋਂ ਵੀ ਅੱਗੇ ਜਾਂਦਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਮਾਈਨੌਰੀਟੀ ਸਰਕਾਰ 'ਚ ਕਦੀ ਵੀ ਹੋਂਦ 'ਚ ਨਹੀਂ ਆਉਣਾ ਸੀ ਜੇਕਰ ਗ੍ਰੀਨ ਪਾਰਟੀ ਇਸ ਦਾ ਹਿੱਸਾ ਨਾ ਹੁੰਦੀ।
ਉਨ੍ਹਾਂ ਕਿਹਾ ਕਿ ਗ੍ਰੀਨ ਪਾਰਟੀ ਇੱਕ ਟ੍ਰਾਂਜ਼ਿਸ਼ਨ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰੇਗੀ, ਜਿਸ ਨਾਲ ਵਰਕਰਾਂ ਨੂੰ ਸਾਫ ਇਕਾਨਮੀ 'ਚ ਪੁਖਤਾ ਜੌਬਸ ਵੱਲ ਵਧਾਇਆ ਜਾ ਸਕੇ।
ਇਸ ਪਲੈਨ ਤਹਿਤ $1 ਬਿਲੀਅਨ ਦੇ ਸਟ੍ਰੇਟਜਿਕ ਇਨਵੈਸਟਮੈਂਟ ਫੰਡ ਸਥਾਪਿਤ ਕੀਤੇ ਜਾਣਗੇ।
ਇਸ ਦੇ ਆਸਰੇ ਬਿਜ਼ਨਸ ਇਨੋਵੇਸ਼ਨ ਨੂੰ ਸਹਿਯੋਗ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਹੋਵੇਗੀ, ਜਿਸ ਨਾਲ ਬੀ.ਸੀ. ਨੂੰ 'ਜ਼ੀਰੋ ਕਾਰਬਨ ਇਕਾਨਮੀ' ਵੱਲ ਵਧਾਇਆ ਜਾ ਸਕੇ।
ਇਸ ਤੋਂ ਇਲਾਵਾ ਸਾਲ 2035 ਤੱਕ 100% 'ਜ਼ੀਰੋ ਐਮਿਸ਼ਨ ਵਾਹਨਾਂ ਦੀ ਵਿਕਰੀ' ਅਤੇ ਸਾਲ 2045 ਤੱਕ ਬੀ.ਸੀ. ਨੂੰ ਕਾਰਬਨ ਨਿਊਟ੍ਰਲ ਬਣਾਉਣ ਦੀ ਕਮਿਟਮੈਂਟ ਕੀਤੀ ਗਈ ਹੈ।
ਫਰਸਟੇਨਾਊ ਨੇ ਐਨ.ਡੀ.ਪੀ. ਨੂੰ ਕਰੜੇ ਹੱਥੀਂ ਲੈਂਦਿਆਂ ਕਿਹਾ ਕਿ ਇੱਕ ਪਾਸੇ ਆਇਲ ਅਤੇ ਗੈਸ ਇੰਡਸਟਰੀ ਨੂੰ ਸਬਸਿਡਾਇਜ਼ ਕੀਤਾ ਗਿਆ ਅਤੇ ਦੂਜੇ ਪਾਸੇ ਕਲਾਈਮੇਟ ਤਬਦੀਲੀ 'ਤੇ ਕੰਮ ਕਰਨ ਦੀ ਗੱਲ ਕੀਤੀ ਜਾਂਦੀ ਹੈ।
