ਗੈਸ ਕੀਮਤਾਂ ਦੇ ਟੁੱਟੇ ਰਿਕਾਰਡ, ਬੀ.ਸੀ. ਗਰੀਨਸ ਨੇ ਸੂਬਾ ਸਰਕਾਰ ਨੂੰ ਲੋਕਾਂ ਦੀ ਜੇਬ 'ਚ ਪੈਸਾ ਪਹੁੰਚਾਉਣ ਦੀ ਕੀਤੀ ਮੰਗ

ਗੈਸ ਦੀਆਂ ਵਧਦੀਆਂ ਕੀਮਤਾਂ ਵਿਚਾਲੇ ਬੀ.ਸੀ. ਗਰੀਨ ਕੌਕਸ ਨੇ ਸੂਬਾ ਸਰਕਾਰ ਨੂੰ ਮੰਗ ਕੀਤੀ ਹੈ ਕਿ ਫੈਡਰਲ ਸਰਕਾਰ ਨਾਲ ਮਿਲ ਕੇ ਆਇਲ ਅਤੇ ਗੈਸ ਦੇ ਖੇਤਰ 'ਚ ਵਿੰਡਫਾਲ ਪਰੌਫਿਟਸ ਟੈਕਸ ਲਿਆਂਦਾ ਜਾਵੇ ਜੋ ਕਿ ਬੀ.ਸੀ. ਵਾਸੀਆਂ ਤਕ ਰਿਬੇਟ ਰਾਹੀਂ ਪਹੁੰਚਾਇਆ ਜਾ ਸਕੇ।

ਬੀ.ਸੀ. ਗਰੀਨਸ ਦੀ ਲੀਡਰ ਅਤੇ ਕੋਵਿਚਾਨ ਵੈਲੀ ਦੀ ਐਮ.ਐਲ.ਏ. ਸੋਨੀਆ ਫਰਸਟੇਨੂੰ ਨੇ ਕਿਹਾ ਕਿ ਗੈਸ ਦੀ ਕੀਮਤ 239.9 ਸੈਂਟ ਤਕ ਪਹੁੰਚ ਗਈ ਹੈ ਅਤੇ ਨੌਰਥ ਅਮਰੀਕਾ ਦੀ ਸਭ ਤੋਂ ਮਹਿੰਗੀ ਗੈਸ ਦੇ ਰਿਕਾਰਡ ਟੁੱਟ ਗਏ ਹਨ ਅਤੇ ਬੀ.ਸੀ. ਵਾਸੀ ਪ੍ਰੇਸ਼ਾਨ ਹਨ।

ਉਨ੍ਹਾਂ ਕਿਹਾ ਕਿ ਇਹ ਸਿਸਟਮਿਕ ਸਮੱਸਿਆ ਹੈ ਅਤੇ ਬੀ.ਸੀ. ਵਾਸੀਆਂ ਕੋਲ ਮੁਫਤ ਅਤੇ ਕੰਸਿਸਟੈਂਟ ਟ੍ਰਾਂਜ਼ਿਟ ਜਿਹੇ ਅਫੋਰਡੇਬਲ ਆਲਟਰਨੇਟਿਵਸ ਵੀ ਨਹੀਂ ਹਨ।

ਉਨ੍ਹਾਂ ਕਿਹਾ ਕਿ ਇੱਕ ਪਾਸੇ ਨਾਗਰਿਕ ਪ੍ਰੇਸ਼ਾਨ ਹਨ ਅਤੇ ਦੂਜੇ ਪਾਸੇ ਆਇਲ ਅਤੇ ਗੈਸ ਕੰਪਨੀਆਂ ਵੱਡੇ ਮੁਨਾਫੇ ਕਮਾ ਰਹੀਆਂ ਹਨ।

ਉਨ੍ਹਾਂ ਕਿਹਾ ਕਿ ਅਜੇ ਕੀਮਤਾਂ ਦੇ ਹੋਰ ਵਧਣ ਦੇ ਆਸਾਰ ਹਨ ਅਤੇ ਇਸਲਈ ਉਹ ਬੀ.ਸੀ. ਐਨ.ਡੀ.ਪੀ. ਤੋਂ ਮੰਗ ਕਰਦੇ ਹਨ ਕਿ ਫੈਡਰਲ ਸਰਕਾਰ ਨਾਲ ਮਿਲ ਕੇ ਵਿੰਡਫਾਲ ਟੈਕਸ 'ਤੇ ਕੰਮ ਕੀਤਾ ਜਾਵੇ ਅਤੇ ਸੂਬੇ ਦੇ ਲੋਕਾਂ ਨੂੰ ਰਾਹਤ ਪ੍ਰਦਾਨ ਕੀਤੀ ਜਾਵੇ।