ਬੀਸੀ ਗ੍ਰੀਨਜ਼ ਨਹੀਂ ਕਰਨਗੇ ਬਿੱਲ 15 ਦਾ ਸਮਰਥਨ

ਪ੍ਰੀਮੀਅਰ ਡੇਵਿਡ ਈਬੀ ਸਰਕਾਰ ਵਲੋਂ ਸੂਬੇ ਵਿਚ ਨਵੇਂ ਸਕੂਲਾਂ ਅਤੇ ਨਵੇਂ ਹਸਪਤਾਲਾਂ ਲਈ ਜਲਦ ਮਨਜ਼ੂਰੀ ਦੇਣ ਸਬੰਧ ਲਿਆਂਦੇ ਗਏ ਬਿੱਲ-15 ਨੂੰ ਗ੍ਰੀਨ ਪਾਰਟੀ ਤੋਂ ਸਮਰਥਨ ਨਹੀਂ ਮਿਲੇਗਾ। ਵੈਸਟ ਵੈਨਕੂਵਰ- ਸੀ ਟੂ ਸਕਾਈ ਤੋਂ ਵਿਧਾਇਕ ਜੇਰੇਮੀ ਵੈਲੇਰੀਓਟ ਦਾ ਕਹਿਣਾ ਹੈ ਕਿ ਬਿੱਲ-15 ਜ਼ਰੀਏ ਸੂਬਾ ਸਰਕਾਰ ਵਧੇਰੇ ਤਾਕਤਾਂ ਆਪਣੇ ਹੱਥਾਂ ਵਿਚ ਲੈਣਾ ਚਾਹੁੰਦੀ ਹੈ।

ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਗੱਲ ਨਾਲ ਸਹਿਮਤ ਹਾਂ ਕਿ ਹਸਪਤਾਲਾਂ, ਸਕੂਲਾਂ ਅਤੇ ਹੋਰ ਪਬਿਲਕ ਇਨਫਰਾਸਟਚਰ ਨੂੰ ਤੇਜ਼ੀ ਨਾਲ ਅੱਗੇ ਵਧਾਉਣ ਲਈ ਗੈਰ-ਜ਼ਰੂਰੀ ਰੈਡ ਟੇਪ ਨੂੰ ਖ਼ਤਮ ਕੀਤਾ ਜਾਣਾ ਚਾਹੀਦਾ ਹੈ ਪਰ ਬਿੱਲ-15 ਦੇ ਮੌਜੂਦਾ ਰੂਪ ਤੋਂ ਸਾਨੂੰ ਚਿੰਤਾ ਇਸ ਗੱਲ ਨੂੰ ਲੈ ਕਿ ਹੈ ਕਿ ਸਰਕਾਰ ਵਾਤਾਵਰਣ ਮੁਲਾਂਕਣ, ਮਿਉਂਸਪਲ ਅਥਾਰਟੀਆਂ ਅਤੇ ਫਸਟ ਨੇਸ਼ਨ ਦੇ ਅਧਿਕਾਰ ਖੇਤਰ ਨੂੰ ਬਾਈਪਾਸ ਕਰਕੇ ਕਿਸੇ ਵੀ ਪ੍ਰੋਜੈਕਟ ਨੂੰ ਮਨਜ਼ੂਰੀ ਦੇ ਸਕਦੀ ਹੈ ਜਿਸ ਨੂੰ ਉਹ ਸੂਬਾਈ ਤੌਰ 'ਤੇ ਮਹੱਤਵਪੂਰਨ ਮੰਨਦੀ ਹੈ।

ਗੌਰਤਲਬ ਹੈ ਕਿ ਬੀਸੀ ਗ੍ਰੀਨਸ ਦਾ ਇਹ ਵਿਰੋਧ ਉਸ ਸਮੇਂ ਆਇਆ ਹੈ ਜਦੋਂ ਸੱਤਾਧਾਰੀ ਐਨਡੀਪੀ ਨਾਲ ਉਸ ਦਾ ਚਾਰ ਸਾਲਾਂ ਲਈ ਸਪਲਾਈ-ਅਤੇ-ਵਿਸ਼ਵਾਸ ਸਮਝੌਤਾ ਹੈ।