23.08C Vancouver 23.08C VancouverMay 12, 2025 6:53 PM - The Canadian Press
ਬੀ.ਸੀ. ਹਾਈਵੇਅ ਪੈਟਰੋਲ ਨੇ ਵੀਕਐਂਡ 'ਤੇ ਕੋਕੀਹਾਲਾ ਹਾਈਵੇਅ 'ਤੇ ਦੋ ਵਾਹਨਾਂ ਵਿਚਕਾਰ ਹੋਏ ਹਾਦਸੇ ਵਿਚ ਉਨ੍ਹਾਂ ਦੀ ਇੱਕ ਗੱਡੀ ਸ਼ਾਮਲ ਹੋਣ ਦੀ ਪੁਸ਼ਟੀ ਕੀਤੀ ਹੈ, ਜਿਸ ਕਾਰਨ ਹਾਈਵੇ 9 ਘੰਟੇ ਬੰਦ ਰਿਹਾ ਸੀ। ਪੁਲਿਸ ਨੇ ਕਿਹਾ ਕਿ ਇਹ ਹਾਦਸਾ ਸ਼ਨੀਵਾਰ ਸਵੇਰ ਇੱਕ ਬਿਨਾਂ ਨਿਸ਼ਾਨ ਵਾਲੇ ਪੁਲਿਸ ਪਿਕਅੱਪ ਟਰੱਕ ਅਤੇ ਇੱਕ ਹੋਰ ਪਿਕਅੱਪ ਗੱਡੀ ਵਿਚਕਾਰ ਵਾਪਰਿਆ, ਇਹ ਦੋਵੇਂ ਵਾਹਨ ਨੌਰਥ ਵਿਚ ਕੈਮਲੂਪਸ ਵੱਲ ਜਾ ਰਹੇ ਸਨ।
ਜਾਂਚਕਰਤਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਗਵਾਹਾਂ ਨਾਲ ਗੱਲ ਕੀਤੀ ਹੈ ਅਤੇ ਡੈਸ਼ਕੈਮ ਫੁਟੇਜ ਵੀ ਬਰਾਮਦ ਕੀਤੀ ਹੈ ਪਰ ਉਹ ਅਜੇ ਵੀ ਉਨ੍ਹਾਂ ਲੋਕਾਂ ਦੀ ਭਾਲ ਕਰ ਰਹੇ ਹਨ ਜਿਨ੍ਹਾਂ ਨੇ ਹਾਦਸੇ ਨੂੰ ਦੇਖਿਆ ਹੋਵੇਗਾ।
ਪੁਲਿਸ ਦਾ ਕਹਿਣਾ ਹੈ ਕਿ ਹਾਦਸੇ ਵਿਚ ਦੋਵੇਂ ਗੱਡੀਆਂ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ। ਇਸ ਮਗਰੋਂ ਇੱਕ ਅਧਿਕਾਰੀ ਅਤੇ ਮੈਪਲ ਰਿਜ ਨਿਵਾਸੀ ਇੱਕ 21 ਸਾਲਾ ਮਹਿਲਾ ਉਸ ਦੇ ਨਾਲ 19 ਸਾਲਾ ਯਾਤਰੀ ਨੂੰ ਹਸਪਤਾਲ ਲਿਜਾਇਆ ਗਿਆ ਸੀ।
